Infinix ଲଞ୍ଚ କରିଛି ଏକ ଦମଦାର୍ ଟାବଲେଟ୍, ମିଳିବ ଜବରଦସ୍ତ ଫିଚର୍ସ

Infinix ୧୦,୦୦୦mAh ବ୍ୟାଟେରୀ ସହିତ ଏହାର ପାୱାରଫୁଲ୍ ଟାବଲେଟ୍ ଲଞ୍ଚ କରିଛି । ଏହି Infinix ଟାବଲେଟ୍ ଫ୍ଲାଗସିପ୍ କ୍ୱାଲକମ୍ ସ୍ନାପଡ୍ରାଗନ୍ ୮୮୮ ପ୍ରୋସେସରରେ କାମ କରେ । ଏହା ବ୍ୟତୀତ କମ୍ପାନୀ Infinix GT 30 Pro ସ୍ମାର୍ଟଫୋନ ମଧ୍ୟ ଲଞ୍ଚ କରିଛି । ଏହି ଇନଫିନିକ୍ସ ଟାବଲେଟ୍ GT ଫିଚର୍ସ ସହିତ ଆସିଥାଏ, ଯେଉଁଥିରେ ଏକ ପାୱାରଫୁଲ୍ ପ୍ରୋସେସର ଏବଂ ଏକ ଫ୍ଲାଗସିପ୍ ଲେଭଲର ଡିସପ୍ଲେ ମଧ୍ୟ ରହିଛି । ଏହା ୮GB RAM ସହିତ ୨୫୬GB ପର୍ଯ୍ୟନ୍ତ ଷ୍ଟୋରେଜକୁ ସପୋର୍ଟ କରେ । ତେବେ ଆସନ୍ତୁ ଜାଣିବା Infinix Xpad GTର ଫିଚର୍ସ ବିଷୟରେ ।

Infinix Xpad GTର ଫିଚର୍ସ :
Infinixର ଏହି ଗେମିଂ ଟାବଲେଟ୍ରେ ୧,୮୪୦ x ୨,୮୦୦ ପିକ୍ସେଲ ରିଜୋଲ୍ୟୁସନ୍ ସହିତ ୧୩ ଇଞ୍ଚର ୨.୮K ଡିସପ୍ଲେ ଅଛି । ଏହି ଟାବଲେଟର ଡିସପ୍ଲେ ୧୪୪Hz ହାଇ ରିଫ୍ରେସ୍ ରେଟ୍ ଏବଂ HDR10 ସପୋର୍ଟ ସହିତ ଆସିଥାଏ । ଏଥିରେ କ୍ୱାଲକମ୍ ସ୍ନାପଡ୍ରାଗନ୍ ୮୮୮ ଅକ୍ଟାକୋର୍ ପ୍ରୋସେସର୍ ଅଛି । ଏହି ଟାବଲେଟରେ ୮GB RAM ସହିତ ୨୫୬GB ପର୍ଯ୍ୟନ୍ତ ଅନବୋର୍ଡ ଷ୍ଟୋରେଜ୍ ରହିବ । କେବଳ ଏତିକି ନୁହେଁ, ଏହି ଟାବଲେଟ୍ଟି Infinix AI ଫିଚର୍ସ ସହିତ ଲେସ୍ ।

ଏହି ଟାବଲେଟର ବ୍ୟାକରେ ଏକ ୧୩MP ସିଙ୍ଗଲ୍ କ୍ୟାମେରା ମଧ୍ୟ ଉପଲବ୍ଧ ହେବ । ଏଥି ସହ ସେଲଫି ଏବଂ ଭିଡିଓ କଲିଂ ପାଇଁ ଏଥିରେ ୯MP କ୍ୟାମେରା ଅଛି । ଏହି ଟାବଲେଟରେ ୮ଟି ସ୍ପିକର ଅଛି, ଯାହା ୩D ସାଉଣ୍ଡ, DTS ଅଡିଓ ସପୋର୍ଟ ସହିତ ଆସିଥାଏ । ଏହି ଟାବଲେଟକୁ କୀବୋର୍ଡ ଏବଂ ଷ୍ଟାଇଲସ୍ ପେନ୍ ସହିତ ଆଡ୍ କରାଯାଇପାରିବ । କମ୍ପାନୀ ଏହି ଦୁଇଟି ଆସେସୋରିଜ୍ ପୃଥକ ଭାବରେ ଯୋଗାଇଥାଏ । ଟାବଲେଟରେ ଏକ ପାୱାରଫୁଲ୍ ୧୦,୦୦୦ ବ୍ୟାଟେରୀ ଅଛି, ଯାହା ସହିତ ୩୩W USB ଟାଇପ୍ C ଚାର୍ଜିଂ ଫିଚର୍ସ ଉପଲବ୍ଧ । ଏଥିରେ ହିଟ୍ ମ୍ୟାନେଜମେଣ୍ଟ ପାଇଁ ଭାପର ଚାମ୍ବର କୁଲିଂ ଟେକ୍ନୋଲୋଜୀ ବ୍ୟବହାର କରାଯାଇଛି । ଏଥି ସହ ଏହା Android 15 ଅପରେଟିଂ ସିଷ୍ଟମରେ କାମ କରେ ।

Infinix Xpad GTର ପ୍ରାଇସ୍ :
ଇନଫିନିକ୍ସର ଏହି ଟାବଲେଟକୁ ମାଲେସିଆରେ ଲଞ୍ଚ କରାଯାଇଛି । ଏହାକୁ ୮GB RAM + ୨୫୬GBର ଗୋଟିଏ ଷ୍ଟୋରେଜ୍ ଅପ୍ସନରେ ଲଞ୍ଚ କରାଯାଇଛି । ଯାହାର ମୂଲ୍ୟ RM ୧୬୯୯ ଅର୍ଥାତ୍ ପ୍ରାୟ ୩୪,୦୦୦ ଟଙ୍କା । ଏହାକୁ କେବଳ ଗୋଟିଏ ଗ୍ରେ କଲର ଅପ୍ସନରେ କିଣାଯାଇପାରିବ । ଏହି ଟାବଲେଟ୍ ଭାରତରେ ଲଞ୍ଚ ହେବ କି ନାହିଁ, କମ୍ପାନୀ କନଫର୍ମ କରିନାହିଁ ।

Infinix GT 30 Pro 5G :
ଏହି ଟାବଲେଟ୍ ସହିତ Infinix GT 30 Pro 5G ଗେମିଂ ସ୍ମାର୍ଟଫୋନରେ ମଧ୍ୟ ଉପସ୍ଥାପନ କରିଛି । ଏହି ସ୍ମାର୍ଟଫୋନ୍‌ରେ ୧୨GB RAM ଏବଂ ୫୧୨GB ପର୍ଯ୍ୟନ୍ତ ଷ୍ଟୋରେଜ୍ ସପୋର୍ଟ ରହିଛି । ଏଥିରେ ମିଡିଆଟେକ୍ ଡାଇମେନ୍ସିଟି ୮୩୫୦ ଅଲଟିମେଟ୍ ପ୍ରୋସେସର୍ ଅଛି । ଏଥି ସହ ଏହି ଫୋନରେ ୧୦୮MP ମେନ୍ ଏବଂ ୧୨MP ସେଲଫି କ୍ୟାମେରା ଅଛି । ଏଥିରେ ୫୫୦୦mAh ବ୍ୟାଟେରୀ ସହିତ ୪୫W ୱାୟର୍ଡ ଏବଂ ୩୦W ୱାୟାରଲେସ୍ ଚାର୍ଜିଂ ଫିଚର୍ସ ରହିବ ।

The post Infinix ଲଞ୍ଚ କରିଛି ଏକ ଦମଦାର୍ ଟାବଲେଟ୍, ମିଳିବ ଜବରଦସ୍ତ ଫିଚର୍ସ appeared first on KNews Odisha.