JNUରେ ‘କୁଳପତି’ ସ୍ଥାନରେ ଏଣିକି ବ୍ୟବହାର ହେବ ‘କୁଳଗୁରୁ’

ନୂଆଦିଲ୍ଲୀ: ଜବାହାରଲାଲ୍ ନେହରୁ ବିଶ୍ୱବିଦ୍ୟାଳୟ ଏକ ବଡ଼ ନିଷ୍ପତ୍ତି ନେଇଛି । ଏବେ ଏହି ବିଶ୍ୱବିଦ୍ୟାଳୟରେ କୁଳପତି ଶବ୍ଦ ପରିବର୍ତ୍ତେ କୁଳଗୁରୁ ବ୍ୟବହାର କରାଯିବ । ସୂଚନା ଅନୁସାରେ ଲିଙ୍ଗଗତ ସମାନତାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି । ସୂଚନା ଅନୁସାରେ ବିଶ୍ୱବିଦ୍ୟାଳୟ କୁଳପତି ପ୍ରଫେସର ଶାନ୍ତିଶ୍ରୀ ଧୁଲିପୁଡ଼ି ପଣ୍ଡିତ ନିଜେ ଏହି ପ୍ରସ୍ତାବକୁ କାର୍ଯ୍ୟକାରୀ ପରିଷଦ ବୈଠକରେ ରଖିଥିଲେ, ଯାହା ଉପରେ ସହମତି ମିଳିଛି ।

ଏହି ନିଷ୍ପତ୍ତି ଉପରେ ସୂଚନା ଦେଇ ଜେଏନୟୁ କୁଳପତି ପ୍ରଫେସର ଶାନ୍ତିଶ୍ରୀ ଧୁଲପୁଡ଼ି ପଣ୍ଡିତ କହିଛନ୍ତି, 'କୁଳଗୁରୁ ଲିଙ୍ଗ-ନିରପେକ୍ଷ ଅଟେ । ଗୁରୁ ଏକ ଶିକ୍ଷାନୁଷ୍ଠାନ ପ୍ରମୁଖ ପାଇଁ ଉପଯୁକ୍ତ ଶବ୍ଦ ଅଟେ ଓ ଏହା ସବୁ ଭାରତୀୟ ଭାଷାରେ ମଧ୍ୟ ଅଛି । ଅନ୍ୟପଟେ ‘ପତି’ ଶବ୍ଦ ଅନେକ କିଛିକୁ ଦର୍ଶାଉଛି । ଏହି କାରଣରୁ ମୋତେ କୁଳଗୁରୁ ଶବ୍ଦ ଅଧିକ ଉପଯୁକ୍ତ ଲାଗୁଛି ।' 

#WATCH | Pune, Maharashtra: Jawaharlal Nehru University (JNU) has decided to replace the word 'Kulpati' with 'Kulguru' in a gender-inclusive move

JNU Vice-Chancellor Prof Santishree Dhulipudi Pandit says, "Kulguru is gender neutral. Guru is the correct term for an academic head,… pic.twitter.com/zvJGaAvbZ1— ANI (@ANI) June 3, 2025

 ସୂଚନା ଅନୁସାରେ ଏହି ନିଷ୍ପତ୍ତି ଚଳିତ ବର୍ଷ ଅର୍ଥାତ୍ ୨୦୨୫ରେ ଲାଗୁ ହୋଇପାରେ । ଏହାକୁ ସ୍ନାତକ ସାର୍ଟିଫିକେଟ୍ ଓ ଅନ୍ୟ ଡକ୍ୟୁମେଣ୍ଟରେ ସାମିଲ କରାଯିବ । ଅର୍ଥାତ୍ ଭାଇସ୍ ଚାନ୍ସଲର ଏବେ ଯେଉଁ ସବୁ ଦସ୍ତାବିଜରେ ହସ୍ତାକ୍ଷର କରିବେ, ସେଥିରେ କୁଳପତି ସ୍ଥାନରେ କୁଳଗୁରୁ ଲେଖାଯିବ ।