Justin Bieber ଙ୍କୁ ଦେବାକୁ ପଡିବ ୨୬୦୦ କୋଟି ଟଙ୍କାର ଛାଡ଼ପତ୍ର! ପତ୍ନୀ ‘ହେଲି’ କଲେ ବଡ଼ ଦାବି

ନୂଆଦିଲ୍ଲୀ: ପପ୍ ଷ୍ଟାର ଜଷ୍ଟିନ୍ ବିବର ଏବଂ ତାଙ୍କ ପତ୍ନୀ ହେଲି ବିବରଙ୍କ ମଧ୍ୟରେ ଛାଡପତ୍ର ଚର୍ଚ୍ଚା ଏବେ ଜୋର ଧରିଛି। ବିବାହର ପ୍ରାୟ ଛଅ ବର୍ଷ ପରେ ଖବର ଆସୁଛି ଯେ ଏହି ଦମ୍ପତିଙ୍କ ଜୀବନରେ ଆଜିକାଲି କିଛି ଭଲ ଚାଲିନାହିଁ। ସୂତ୍ର ଅନୁସାରେ, ସେମାନଙ୍କ ସମ୍ପର୍କରେ ଫାଟ ସୃଷ୍ଟି ହୋଇଛି ଏବଂ ଉଭୟଙ୍କ ମଧ୍ୟରେ ଛାଡପତ୍ର ପ୍ରକ୍ରିୟା ଯେକୌଣସି ସମୟରେ ସମାପ୍ତ ହେବ।

ଗଣମାଧ୍ୟମ ରିପୋର୍ଟ ଅନୁଯାୟୀ ଏବେ ହେଲି ବିବର କେବଳ ତାଙ୍କ ପୁଅର ପାଳନପୋଷଣ କରିବା ଉପରେ ଧ୍ୟାନ ଦେଉଛନ୍ତି। ସୂତ୍ର ଅନୁସାରେ ସେ ତାଙ୍କ ପିଲାକୁ ସମ୍ପୂର୍ଣ୍ଣ ସୁରକ୍ଷା ଦେବାକୁ ଚାହାଁନ୍ତି ଏବଂ ଯଦି ଏଥିପାଇଁ ତାଙ୍କୁ ଜଷ୍ଟିନଙ୍କଠାରୁ ଅଲଗା ହେବାକୁ ପଡ଼େ, ତେବେ ସେ ଏହି ପଦକ୍ଷେପ ନେବେ। ଏହି କଷ୍ଟକର ନିଷ୍ପତ୍ତି ନେଇ, ସେ ଜଷ୍ଟିନଙ୍କ ଆନୁମାନିକ ୩୦୦ ନିୟୁତ ଡଲାର ମୂଲ୍ୟର ସମ୍ପତ୍ତି ଉପରେ ମଧ୍ୟ ଦାବି କରିପାରିବେ, ଅର୍ଥାତ୍ ପ୍ରାୟ ୨୬୦୦ କୋଟି ଟଙ୍କା, ଏବଂ ତାଙ୍କ ପୁଅର ହେପାଜତ ମଧ୍ୟ ଦାବି କରିପାରିବେ।

ଜଷ୍ଟିନ୍ ବିବର ବର୍ତମାନ ତାଙ୍କର ମାନସିକ ସଂଘର୍ଷ ଏବଂ ନିଶା ଅଭ୍ୟାସ ସହିତ ସଂଘର୍ଷ କରୁଥିବା ପରି ମନେ ହେଉଛି, ଯାହା ହେଲିଙ୍କ ପାଇଁ ଅତ୍ୟନ୍ତ ଚାପପୂର୍ଣ୍ଣ ସମୟ। ନିକଟରେ, ଜଷ୍ଟିନଙ୍କର ଏକ ଫଟୋ ସାମ୍ନାକୁ ଆସିଛି ଯେଉଁଥିରେ ସେ ବଙ୍ଗ ବ୍ୟବହାର କରୁଥିବାର ଦେଖାଯାଇଛି ଏବଂ ଏହି ଫଟୋ ଦେଖି ହେଲି ଗଭୀର ଚିନ୍ତିତ ହୋଇପଡ଼ିଛନ୍ତି।

ସୂତ୍ର ଅନୁସାରେ ଯେତେବେଳେ ଜଷ୍ଟିନ୍ ୨୦୧୫ରେ ହେଲିଙ୍କୁ ବିବାହ କରିଥିଲେ ଏବଂ ନିଶା ଠାରୁ ରହିବାକୁ ପ୍ରତିଶ୍ରୁତି ଦେଇଥିଲେ, ସେ ନିଶ୍ଚିତ ଥିଲେ ଯେ ତାଙ୍କ ସ୍ୱାମୀ ଏବେ ସ୍ଥିର ଅଛନ୍ତି। କିନ୍ତୁ ଏବେ ଜଷ୍ଟିନଙ୍କ ନିଶା ଫେରିବା ସ୍ତ୍ରୀଙ୍କ ପାଇଁ ଚିନ୍ତାର କାରଣ ପାଲଟିଛି। ଜଣେ ନିକଟତମ ସୂତ୍ର କହିଛନ୍ତି, ‘ସେ ଏବଂ ତାଙ୍କ ପିଲା ଯେପରି ଅଧିକ ଅସୁବିଧାରେ ନ ପଡ଼ନ୍ତି, ସେଥିପାଇଁ ସେ ଜଷ୍ଟିନଙ୍କୁ ଛାଡିବାକୁ ଚିନ୍ତା କରୁଛନ୍ତି।’

ଏଭଳି ସମୟରେ, ଜଷ୍ଟିନର ମାନସିକ ଅବସ୍ଥା ଆହୁରି ଖରାପ ହୋଇପାରେ। ସେ ବର୍ତ୍ତମାନ ତାଙ୍କର ପୂର୍ବତନ ପରାମର୍ଶଦାତା, ସଂଗୀତ ମହାରଥୀ ସିଆନ୍ ‘ଡିଡି’ କମ୍ବସ୍ ଙ୍କ ଯୌନ ଚାଲାଣ ମାମଲାର ସାକ୍ଷ୍ୟ ଦେବାର ସମ୍ଭାବନାକୁ ନେଇ ଚିନ୍ତାରେ ଅଛନ୍ତି। ସୂତ୍ର ଅନୁସାରେ, ଜଷ୍ଟିନ ଭୟ କରୁଛନ୍ତି ଯେ ଯଦି ଡିଡିଙ୍କ ସହ ତାଙ୍କର ସମ୍ପର୍କ ପ୍ରକାଶ ପାଏ, ତେବେ ଏହା ତାଙ୍କ କ୍ୟାରିୟରକୁ ସମ୍ପୂର୍ଣ୍ଣ ନଷ୍ଟ କରିପାରେ।

The post Justin Bieber ଙ୍କୁ ଦେବାକୁ ପଡିବ ୨୬୦୦ କୋଟି ଟଙ୍କାର ଛାଡ଼ପତ୍ର! ପତ୍ନୀ ‘ହେଲି’ କଲେ ବଡ଼ ଦାବି appeared first on Dharitri Odia News.