ଅଢେଇ ବର୍ଷର ପିଲାକୁ ପାଣି ଟାଙ୍କିରେ ବୁଡାଇ ମାରିଲା ପିଉସୀ, ଜାଣନ୍ତୁ ହତ୍ୟା ପଛର କାରଣ

ନୂଆଦିଲ୍ଲୀ ୨୭।୦୩: ରାଜସ୍ଥାନର ଚୁରୁ ଜିଲ୍ଲାରେ ଦୁଇ ବର୍ଷର ଝିଅର ହତ୍ୟା ହୋଇଛି। ପୋଲିସ ଝିଅର ମୃତଦେହକୁ ତାଙ୍କ ପିଉସୀ ଘରେ ପାଇଥିଲା, ପରେ ଝିଅର ପିଉସୀଙ୍କୁ ଗିରଫ କରାଯାଇଛି। ପୋଲିସ ୨୧ ବର୍ଷୀୟ ଅଭିଯୁକ୍ତଙ୍କୁ କୋର୍ଟରେ ହାଜର କରି ପଚରାଉଚରା ପାଇଁ ରିମାଣ୍ଡରେ ନେଇଛି। ହତ୍ୟାକାଣ୍ଡର କାରଣ ପୋଲିସ ବର୍ତ୍ତମାନ ଖୋଜୁଛି । 

ରତନଗର ଗ୍ରାମରେ ରହୁଥିବା ଅଢେଇ ବର୍ଷର ଝିଅ ତାଙ୍କ ଘର ଅଗଣାରେ ଖେଳୁଥିଲା। ଖେଲିବାର କିଛି ସମୟ ପରେ ହଟାତ୍‌ ଅଦୃଶ୍ୟ ହୋଇଯାଇଥିଲା । ଯେତେବେଳେ ଝିଅଟି ନ ମିଳିଲା, ପରିବାର ସଦସ୍ୟ ପୋଲିସ ଥାନାରେ ଅଭିଯୋଗ କରିଥିଲେ। ପୋଲିସର ଅନୁସନ୍ଧାନ ପରେ ବିଳମ୍ବିତ ରାତିରେ ପିଲାଟି ମୃତଦେହ ତାଙ୍କ ପିଉସୀ ଘରୁ ଉଦ୍ଧାର କରାଯାଇଥିଲା।

ପୋଲିସ ଅଭିଯୁକ୍ତ ପିଉସୀକୁ କୋର୍ଟରେ ହାଜର କରିଥିଲା। ପୋଲିସର ରିମାଣ୍ଡରେ ପଚରାଉଚରା ବେଳେ ଜଣାପଡିଥିଲା ଯେ ଅଭିଯୁକ୍ତଙ୍କର ଜଣେ ଯୁବକଙ୍କ ସହ ସମ୍ପର୍କ ରଖିଥିଲେ। ଯେତେବେଳେ ପରିବାର ସଦସ୍ୟ ଏହା ଜାଣିଲେ, ଝିଅର ବାପା ତାଙ୍କୁ ଗାଳିଗୁଲଜ କରିଥିଲେ । ଅଭିଯୁକ୍ତ ଏହି କାରଣରୁ କୁନି ଝିଅର ପିତାଙ୍କ ଉପରେ ରାଗିଥିଲା ଏବଂ ପ୍ରତିଶୋଧ ନେବାକୁ ସେ ପିଲାଟିକୁ ହତ୍ୟା କରିଥିଲା।

ଏହି ଘଟଣା ସମ୍ପର୍କରେ ଏସପି ଜୟ ଯାଦବ କହିଛନ୍ତି ଯେ ଅଭିଯୁକ୍ତ ପିଉସୀ ଝିଅଟିକୁ ପାଣି ଟାଙ୍କିରେ ବୁଡ଼ାଇ ଦେଇଥିଲା । ପରେ ଏକ ବ୍ୟାଗରେ ମୃତଦେହକୁ ଲୁଚାଇ ରଖିଥିଲେ। ଏହି ମାମଲା ସମ୍ପର୍କରେ ସୂଚନା ପାଇବା ପରେ ଯେତେବେଳେ ପୋଲିସ ଅନୁସନ୍ଧାନ କଲା ସେତେବେଳେ ଅଭିଯୁକ୍ତ ପିଉସୀଙ୍କ ଘରୁ ଝିଅର ମୃତଦେହ ଉଦ୍ଧାର କରାଯାଇଥିଲା। ଝିଅର ମୃତ୍ୟୁ ହେତୁ ପରିବାର ମଧ୍ୟରେ ଶୋକର ବାତାବରଣ ସୃଷ୍ଟି ହୋଇଛି।