ଅତ୍ୟାଧୁନିକ ଟେଲିସ୍କୋପ୍‌ର ଆବିଷ୍କାର କଲା ନାସା, ୨୦୫୦ ସୁଦ୍ଧା ମିଳିପାରେ ଏଲିୟନ୍ ଗ୍ରହର ସନ୍ଧାନ

ୱାଶିଂଟନ୍: ଏଲିୟନ୍ସ ଜଗତ ଖୋଜିବା ପାଇଁ ଟେଲିସ୍କୋପ ନିର୍ମାଣ କରୁଛି ନାସା। ଏହି ଅତ୍ୟାଧୁନିକ ସ୍ପେସ୍ ଟେଲିସ୍କୋପ୍ ନାମ 'ହାବିଟେବଲ୍ ୱାର୍ଲ୍ଡସ ଅବଜରଭେଟୋରୀ'(HWO) ରଖାଯାଇଛି। ଏଥିପାଇଁ ନାସା ଆବଶ୍ୟକ ଟେକ୍ନୋଲୋଜିର ଡେଭଲପ୍ କରୁଛି। ପ୍ରାୟ ୧୭.୫ ନିୟୁତ ଡଲାର ମୂଲ୍ୟରେ ଏଥିରେ ଅପ୍ଟିକ୍ସ, ମିଶନ୍ ଡିଜାଇନ୍ ଏବଂ ଟେଲିସ୍କୋପ୍ ସୁବିଧା ବିଷୟରେ ଅନୁସନ୍ଧାନ କରିବାକୁ ତିନୋଟି କମ୍ପାନୀକୁ ଚୁକ୍ତିନାମା ପ୍ରଦାନ କରାଯାଇଛି। ଏହା ଉପରେ କାର୍ଯ୍ୟ ଚଳିତ ବର୍ଷ ଆରମ୍ଭ ହେବ ବୋଲି ଆଶା କରାଯାଉଛି। ବର୍ତ୍ତମାନ ଏକ୍ସପ୍ଲାନେଟ୍ ରିସର୍ଚ୍ଚ ଉପରେ ଆଧାର କରି ଏହା ଅନୁମାନ କରାଯାଏ ଯେ ପ୍ରତି ୫ଟି ତାରା ମଧ୍ୟରୁ ଗୋଟିଏ ଏହାର ଚାରିପାଖରେ ଥିବା କକ୍ଷପଥରେ ପୃଥିବୀ ପରି ଗ୍ରହ ହେବାର ସମ୍ଭାବନା ରହିଛି।

ସାଇନ୍ସ ଆଲର୍ଟ ରିପୋର୍ଟ ଅନୁଯାୟୀ ହାବିଟେବଲ୍ ୱାର୍ଲ୍ଡସ ଅବଜରଭେଟୋରୀ (HWO) ହେଉଛି ଏକ ବୃହତ ସ୍ପେସ୍ ଟେଲିସ୍କୋପ ତଥା ମହାକାଶ ଦୂରବୀକ୍ଷଣ ଯନ୍ତ୍ର ଉତକ୍ଷେପଣ କରିବା ଏହାର ଏକ ମିଶନ୍ ଯାହାର ମୂଳ ଉଦ୍ଦେଶ୍ୟ ହେଉଛି ପୃଥିବୀ ପରି ଗ୍ରହମାନଙ୍କର ପ୍ରତ୍ୟକ୍ଷ ଚିତ୍ର ଉତ୍ତୋଳନ କରିବା। ଜୀବନର ରାସାୟନିକ ଚିହ୍ନ ଖୋଜିବା ପାଇଁ ଏହା ସେମାନଙ୍କ ପରିବେଶ ଉପରେ ଅନୁସନ୍ଧାନ କରିବ। ଏହି ମିଶନ ଏହାର ପ୍ରାରମ୍ଭିକ ଯୋଜନା ପର୍ଯ୍ୟାୟରେ ଅଛି। 

ନାସା ଅନୁସାରେ ବ୍ରହ୍ମାଣ୍ଡରେ ଜୀବନ ସନ୍ଧାନର ସମ୍ପୂର୍ଣ୍ଣ ଜୀବନ ଆଧାର ଉପରେ ନିର୍ଭର କରେ ଯାହାକି କିଛି ପରିମାଣରେ ଆମ ସହିତ ସମାନ। ଜୀବନ ହୁଏତ ସମ୍ପୂର୍ଣ୍ଣ ଭିନ୍ନ ରସାୟନ ବିଜ୍ଞାନ ଉପରେ ଆଧାରିତ ହୋଇପାରେ, କିନ୍ତୁ ଯଦି ଆମେ ଏହାକୁ ଖୋଜିବାକୁ ଚାହୁଁ, ତେବେ ଆମ ଭଳି ଜୀବନ ଖୋଜିବାକୁ ପଡିବ। ମିଶନ୍ରେ ଅମ୍ଳଜାନ ଏବଂ ମିଥେନ ପରି ରାସାୟନିକ ପଦାର୍ଥ ଖୋଜିବ, ଯାହା ଜୀବନର ଉପସ୍ଥିତି ସୂଚାଇଥାଏ।

ଚଳିତ ବର୍ଷ ଜାନୁଆରୀରେ ନାସା ପ୍ରସ୍ତାବ ମାଗିଥିଲା ଯାହା HWO ପାଇଁ ଆବଶ୍ୟକ ଜଟିଳ ଟେକ୍ନୋଲୋଜିକୁ ଆଗକୁ ବଢାଇବ। ପ୍ରଥମ ପର୍ଯ୍ୟାୟ ପରେ ନାସା ବର୍ତ୍ତମାନ ଦୁଇ ବର୍ଷର ସ୍ଥିର ମୂଲ୍ୟ ଚୁକ୍ତି ପାଇଁ ମୋଟ 17.5 ମିଲିୟନ ଡଲାର ପ୍ରସ୍ତାବ ରଖିଛି। ଏହା ଉପରେ କାର୍ଯ୍ୟ ୨୦୨୪ ଶେଷ ସୁଦ୍ଧା ଆରମ୍ଭ ହେବାର କାର୍ଯ୍ୟକ୍ରମ ରହିଛି। ଏହି ଚୁକ୍ତିନାମା ଟେକ୍ନୋଲୋଜିର ଏକ ଢାଞ୍ଚା ପ୍ରଦାନ କରିବ ଯାହା HWO ବିକାଶର ପରବର୍ତ୍ତୀ ପର୍ଯ୍ୟାୟକୁ ତ୍ୱରାନ୍ୱିତ କରିବ।ଏହି କାର୍ଯ୍ୟରେ ସହାୟତା ନିମନ୍ତେ ଜେମ୍ସ ୱେବ୍ ସ୍ପେସ୍ ଟେଲିସ୍କୋପ ଏବଂ ନାନସୀ ଗ୍ରେସ୍ ଟେଲିସ୍କୋପର ସହାୟତା ମଧ୍ୟ ନିଆଯାଇପାରେ।