ଅନଲାଇନ ଖେଳ ହେଲା କାଳ, ୩ ଲକ୍ଷ ଟଙ୍କା ହରାଇବା ପରେ ବିଷ ପିଇଦେଲେ ଯୁବକ

କେନ୍ଦ୍ରାପଡ଼ା : ଅନଲାଇନ ଖେଳ ହେଲା କାଳ । ୩ ଲକ୍ଷ ଟଙ୍କା ହରାଇବା ପରେ ବିଷ ପିଇଦେଲେ ଯୁବକ । କେନ୍ଦ୍ରାପଡ଼ା ଜିଲ୍ଲା କୁଦାନଗରି ଥାନା ବଙ୍ଗାରୀ ଗାଁରୁ ଆସିଛି ଏପରି ଅଭାବନୀୟ ଘଟଣା ।

କୋଟିପତି ହେବା ନିଶାରେ ବଙ୍ଗାରୀ ଗାଁର ଉମାକାନ୍ତ ଜେନାଙ୍କ ୧୮ ବର୍ଷିୟ ପୁଅ ସାହିଲ ଜେନା ଅନଲାଇନରେ ଗେମ ଖେଳି ବିଫଳ ହେବା ପରେ ଜୀବନ ହାରିଛନ୍ତି । ସାହିଲ ଅନଲାଇନ ଗେମ ଖେଳି ୩ ଲକ୍ଷ ଟଙ୍କା ହାରିଯାଇଥିଲେ ।  ଟଙ୍କା ହାରିବା ପରେ ବିଷ ପିଇ ମାମୁଁଙ୍କୁ ଫୋନ କରି କହିଥିଲେ । ତାଙ୍କ ମାମୁଁ ପହଞ୍ଚି ସାହିଲଙ୍କୁ ତୁରନ୍ତ ପାଟକୁରା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ନେଇଥିଲେ ।  ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯଇଥିଲା। କଟକ ବଡ଼ ମେଡ଼ିକାଲ ନେବା ବାଟରେ ତାଙ୍କର ମୃତ୍ୟୁ ହୋଇଥିଲା ।  ଖବରପାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି।

ଆହୁରି ପଢ଼ନ୍ତୁ :  ପଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା: ୭ ବର୍ଷ ପରେ ଦୋଷୀ ପୁଞ୍ଜିଲାଲକୁ ମିଳିଲା ଆଜୀବନ ଜେଲ୍ ଦଣ୍ଡାଦେଶ

The post ଅନଲାଇନ ଖେଳ ହେଲା କାଳ, ୩ ଲକ୍ଷ ଟଙ୍କା ହରାଇବା ପରେ ବିଷ ପିଇଦେଲେ ଯୁବକ appeared first on KNews Odisha.