ଅପରେସନ ସିନ୍ଦୂରରେ ୮ ଭାରତୀୟ ଯବାନ ସହିଦ, ଶ୍ରଦ୍ଧାଞ୍ଜଳି ଜଣାଇଲା CISF

ନୂଆଦିଲ୍ଲୀ: ଭାରତର ଅପରେସନ ସିନ୍ଦୁର ପାକିସ୍ତାନରେ ୯ଟି ଆତଙ୍କବାଦୀ ଆଡ୍ଡାକୁ ଧ୍ୱଂସ କରିଥିଲା। ଏହି ଅପରେସନରେ ଦେଶର ୩ ସେନା ଅଂଶଗ୍ରହଣ କରିଥିଲେ। ତେବେ ପାକିସ୍ତାନର ଜବାବୀ ଗୁଳିମାଡ଼ କରିଥିଲା। ଏହି ଆକ୍ରମଣରେ ୮ ଜଣ ଭାରତୀୟ ଯବାନ ମଧ୍ୟ ସହିଦ ହୋଇଥିଲେ। ସହିଦ ସୈନିକମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲା ସିଆଇଏସଏଫ। ସେମାନଙ୍କ ସାହସ ଏବଂ ବଳିଦାନକୁ ସମ୍ମାନିତ କରିଛି।

CISF ଏହାର ସୋସିଆଲ ମିଡିଆ ପ୍ଲାଟଫର୍ମ X ରେ ସହିଦ ସୈନିକଙ୍କ ଫଟୋ ସେୟାର କରିଛି। ଲେଖିଛନ୍ତି ଯେ CISF ଏବଂ ସମସ୍ତ ପଦାଧିକାରୀମାନେ ଅପରେସନ ସିନ୍ଦୂର ସମୟରେ କର୍ତ୍ତବ୍ୟ ସ୍ଥଳରେରେ ନିଜ ଜୀବନ ବଳିଦାନ ଦେଇଛନ୍ତି। ସାହସୀ ସୈନିକମାନଙ୍କୁ ହୃଦୟର ସହିତ ଶ୍ରଦ୍ଧାଞ୍ଜଳି ଅର୍ପଣ କରୁଛୁ। ତାଙ୍କ ସାହସ, ସାହସିକତା ଏବଂ ସର୍ବୋଚ୍ଚ ବଳିଦାନ ପାଇଁ ଦେଶ ସର୍ବଦା ଋଣୀ ରହିବ। ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଆମର ଗଭୀର ସମବେଦନା।

ଭାରତୀୟ ସେନା ଏହାର ପ୍ରେସ ବ୍ରିଫିଂରେ ଏହା ମଧ୍ୟ କହିଛି ଯେ ପାକିସ୍ତାନ ସେନା ମେ ୭ ରୁ ମେ ୧୦ ମଧ୍ୟରେ ନିୟନ୍ତ୍ରଣ ରେଖାରେ ତୋପ ଏବଂ ଛୋଟ ଅସ୍ତ୍ର ଗୁଳିଚାଳନା ଯୋଗୁଁ ପ୍ରାୟ ୩୫ ରୁ ୪୦ ଜଣ ଯବାନଙ୍କୁ ହରାଇଛି। ସେନା ସ୍ପଷ୍ଟ କରିଛି ଯେ ଆମର ଲଢ଼େଇ କେବଳ ଏବଂ କେବଳ ଆତଙ୍କବାଦୀଙ୍କ ବିରୁଦ୍ଧରେ। ଆମେ କେବଳ ଆତଙ୍କବାଦୀମାନଙ୍କୁ ଟାର୍ଗେଟ କରିଥିଲୁ।

DG #CISF and all ranks pay heartfelt tribute to the bravehearts who laid down their life at the altar of duty during #OperationSindoor.

The nation will remain forever indebted to their courage, valour and supreme sacrifice. Our deepest condolences to the bereaved families. ????… pic.twitter.com/2Id5xkz0z8— CISF (@CISFHQrs) May 12, 2025

ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ, ଭାରତୀୟ ସେନା ମେ ୬ ରାତି ଏବଂ ମେ ୭ ସକାଳେ ପାକିସ୍ତାନରେ ଥିବା ଆତଙ୍କବାଦୀ ଶିବିର ଉପରେ ବିମାନ ଆକ୍ରମଣ କରିଥିଲା। ଏହି ଆକ୍ରମଣରେ ପାକିସ୍ତାନରେ ଥିବା ୯ଟି ଆତଙ୍କବାଦୀ ଆଡ୍ଡା ଧ୍ୱଂସ କରାଯାଇଥିଲା। 

ଏହା ସହିତ, ଏହି ଅପରେସନରେ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ଏହି ଅପରେସନ ପରେ ହୋଇଥିବା ଗୁଳିମାଡ଼ ଏବଂ ଆକ୍ରମଣରେ ୮ ଜଣ ଭାରତୀୟ ସେନା ସହିଦ ଥିଲେ। ଦେଶ ସେବା କରିବା ସମୟରେ ଇମତିଆଜ ସହିଦ, ଦୀନେଶ ଶର୍ମା, ସଚିନ ଯାଦବ, କମଲ କାମ୍ବୋଜ, ଅମିତ ଚୌଧୁରୀ, ସୁରେନ୍ଦ୍ର ମୋଗ୍ରା ଏବଂ ସୁରଜ ଯାଦବ ନିଜ ଜୀବନକୁ ଉତ୍ସର୍ଗ କରିଛନ୍ତି।