‘ଅଯୋଧ୍ୟାରେ ଆସିଲେ ରାମ, ବିହାରରେ ପଲ୍ଟୁରାମ…’, ନୀତୀଶଙ୍କୁ କଟାକ୍ଷ କଲେ ପୂର୍ବତନ ସହଯୋଗୀ

ପାଟନା, ୨୮।୧: ନୀତୀଶ କୁମାର ପୁଣିଥରେ ପଟ ପରିବର୍ତ୍ତନ କରିଛନ୍ତି। ସେ ଆରଜେଡି ନେତୃତ୍ୱାଧୀନ ଗ୍ରାଣ୍ଡ ଆଲାଇନ୍ସ ସହ ସମ୍ପର୍କ ଭାଙ୍ଗି ଭାଜପା ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସରେ ଯୋଗଦେବାକୁ ନିଷ୍ପତ୍ତି ନେଇଛନ୍ତି। 28 ଜାନୁଆରୀ ରବିବାର ନୀତୀଶ କୁମାର ତାଙ୍କ ଇସ୍ତଫା ପତ୍ର ରାଜ୍ୟପାଳଙ୍କ ନିକଟରେ ଦାଖଲ କରିଥିଲେ ଏବଂ କିଛି ସମୟ ପରେ ପୁଣିଥରେ ଭାଜପା ସମର୍ଥନରେ ସରକାର ଗଠନ କରିବାକୁ ଦାବି କରିଥିଲେ।

ନୀତୀଶଙ୍କ ଏହି ନିଷ୍ପତ୍ତିର ପରେ ତାଙ୍କର ପୂର୍ବତ୍ତନ ସହଯୋଗୀ ଏବେ ତାଙ୍କୁ କଟାକ୍ଷ କରିଛନ୍ତି। ଏହି ଧାରାରେ ସଞ୍ଜୟ ରାଉତ ନୀତୀଶଙ୍କୁ ଇଙ୍ଗିତ କରି କହିଛନ୍ତି, ‘ରାମ ଅଯୋଧ୍ୟାକୁ ଆସିଥିଲେ, ପଲ୍ଟୁରାମ ବିହାରକୁ ଆସିଲେ’।

ଶିବସେନା(ୟୁବିଟି) ନେତା ନୀତୀଶଙ୍କୁ କଡ଼ା ଭାଷାରେ ସମାଲୋଚନା କରିବା ସହ ତାଙ୍କୁ ମାନସିକ ରୂପେ ଅସ୍ଥିର କହିଥିଲେ। ରାଉତ ଏହା ମଧ୍ୟ କହିଛନ୍ତି ଇଣ୍ଡିଆ ବ୍ଲକର ଥିତି ଗୁରୁତ୍ୱପୂର୍ଣ୍ଣ ଅଟେ। ମମତା ବାନାର୍ଜୀ ଏବେ ଏଥିରୁ ବାହାର ହୋଇନାହାନ୍ତି। ଆମ ଆଦମୀ ପାର୍ଟି ମଧ୍ୟ ବାହାର ହୋଇନାହିଁ। ତେବେ ନୀତୀଶଙ୍କ ଏହି ଖେଳ ଜାରି ରହିଛି। ତାଙ୍କୁ ମୁଁ ଅନେକ ଦିନରୁ ବହୁତ ନିକଟରୁ ଜାଣିଛି। ସେ କିଛି ଦିନ ହେଲା ଅସୁସ୍ଥ ଅଛନ୍ତି, ଏହା କିଛି ବ୍ୟକ୍ତିଗତ କାରଣ ହୋଇପାରେ।

The post ‘ଅଯୋଧ୍ୟାରେ ଆସିଲେ ରାମ, ବିହାରରେ ପଲ୍ଟୁରାମ…’, ନୀତୀଶଙ୍କୁ କଟାକ୍ଷ କଲେ ପୂର୍ବତନ ସହଯୋଗୀ appeared first on Dharitri Odia News.