ଅରୁନ୍ଧତୀ ରାୟଙ୍କ ବିରୋଧରେ UAPAରେ ଚାଲିବ ମାମଲା, ଦିଲ୍ଲୀ ଏଲଜି ଦେଲେ ମଞ୍ଜୁରୀ, ଜାଣନ୍ତୁ ପୂରା ମାମଲା

ନୂଆଦିଲ୍ଲୀ: ଦିଲ୍ଲୀ ଉପରାଜ୍ୟପାଳ ଭିକେ ସକ୍ସେନା ଲେଖିକା ଅରୁନ୍ଧତୀ ରାୟ ଏବଂ ଅନ୍ୟ ଜଣଙ୍କ ବିରୋଧରେ ୟୁଏପିଏ ଅଧିନରେ ମକଦ୍ଦମା ଚଲାଇବା ପାଇଁ ମଞ୍ଜୁରୀ ଦେଇଛନ୍ତି । ଉଲ୍ଲେଖଯୋଗ୍ୟ ଯେ ଅରୁନ୍ଧତୀ ରାୟ ଏବଂ କାଶ୍ମୀର ସେଣ୍ଟ୍ରାଲ ୟୁନିର୍ଭସିଟିରେ ଇଣ୍ଟରନ୍ୟାସନାଲ ଲ’ର ପୂର୍ବତନ ପ୍ରଫେସର ଡା.ଶେଖ ସୌକତ ହୁସେନ ୨୦୧୦ ଅକ୍ଟୋବର ୨୧ରେ ଏକ ସମ୍ମିଳନୀରେ ଲୋକଙ୍କୁ ଉତ୍ତେଜିତ କରିବା ଭଳି ଭାଷଣ ଦେଇଥିଲେ । ଏନେଇ ସୁଶୀଲ ପଣ୍ଡିତ ସେହି ବର୍ଷ ଅକ୍ଟୋବର ୧୦ରେ ଏଫଆଇଆର ଦାଖଲ କରିଥିଲେ ।

ଅରୁନ୍ଧତୀ ରାୟ ଏବଂ ଶେଖ ସୌକତ ହୁସେନ କଥିତ ରୂପେ ଉତ୍ତେଜନାପୂର୍ଣ୍ଣ ଏବଂ ଭାରତ ବିରୋଧୀ ଭାଷଣ ଦେଇଥିଲେ । ସମ୍ମିଳନୀରେ ଯେଉଁ ପ୍ରସଙ୍ଗ ଉପରେ ଚର୍ଚ୍ଚା କରାଯାଇଥିଲା ସେଥିରେ କାଶ୍ମୀରକୁ ଭାରତରୁ ଅଲଗା କରିବା କଥା ସବୁଠୁ ଗୁରୁତ୍ୱପୂର୍ଣ୍ଣ ସହ ଉଠାଇଥିଲା । ସମ୍ମିଳନୀରେ ଭାଷଣ ଦେଇଥିବା ସୈୟଦ ଅଲି ଶାହ ଗିଲାନୀ, ଏସଏଆର ଗିଲାନୀ, ଅରୁନ୍ଧତୀ ରାୟ, ଡ.ଶେଖ ସୌକତ ହୁସେନ ଏବଂ ମାଓବାଦୀ ସମର୍ଥକ ବାରା ବାରା ରାଓ ସାମିଲ ଥିଲେ ।

ଗିଲାନୀ ଏବଂ ଅରୁନ୍ଧତୀ ରାୟ କାଶ୍ମୀର କେବେ ବି ଭାରତର ଅଂଶ ନଥିଲା ବୋଲି ଜୋରସୋରରେ ପ୍ରଚାର କରିଥିବା ଅଭିଯୋଗ ରହିଛି । ଏପରି କି ସେମାନେ ଜୋର ଦେଇ କହିଥିଲେ ଯେ ଭାରତରୁ ଜାମ୍ମୁ କାଶ୍ମୀରକୁ ମୁକ୍ତ କରିବା ପାଇଁ ସବୁ ସମ୍ଭବ ଉଦ୍ୟମ କରାଯିବା ଦରକାର । ଅଭିଯୋଗକାରୀଙ୍କ ଦ୍ୱାରା ଏହାର ରେକର୍ଡିଂ ବି ମଧ୍ୟ ଉପଲବ୍ଧ କରାଯାଇଥିଲା ।