ଅହମ୍ମଦାବାଦ ବିମାନ ଟ୍ରାଜେଡି: ମେଳ ଖାଇଲା ୩୧ ମୃତଦେହର ଡିଏନଏ, ସମ୍ପର୍କୀୟଙ୍କୁ ହସ୍ତାନ୍ତର...

ନୂଆଦିଲ୍ଲୀ ୧୫।୦୬; ଅହମ୍ମଦାବାଦରେ ଘଟିଥିବା ବିମାନ ଦୁର୍ଘଟଣା ସମସ୍ତଙ୍କୁ ସ୍ତବ୍ଧ କରି ଦେଇଛି । ଏଥିରେ ମୃତ୍ୟୁବରଣ କରିଥିବା ଲୋକଙ୍କ ଚିହ୍ନଟ ପାଇଁ ଡିଏନଏ ପରୀକ୍ଷା କରାଯାଉଛି। ସ୍ୱାସ୍ଥ୍ୟ ବିଭାଗ ସହିତ ଜଡିତ ଜଣେ ଅଧିକାରୀ ରବିବାର କହିଛନ୍ତି ଯେ ଡିଏନଏ ପରୀକ୍ଷା ମାଧ୍ୟମରେ ଅଧିକାରୀମାନେ ଅହମ୍ମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣାରେ ମୃତ୍ୟୁବରଣ କରିଥିବା ଲୋକଙ୍କ ମଧ୍ୟରୁ ୩୧ ଜଣଙ୍କୁ ଚିହ୍ନଟ କରିଛନ୍ତି । ଏହି ସମୟରେ, ଗୁଜୁରାଟ ସରକାର ପରିବାରକୁ ମୃତଦେହ ହସ୍ତାନ୍ତର ପ୍ରକ୍ରିୟା ଆରମ୍ଭ କରିଛନ୍ତି।

ସରକାରୀ ବିଜେ ମେଡିକାଲ କଲେଜର ସର୍ଜରୀ ପ୍ରଫେସର ଡାକ୍ତର କହିଛନ୍ତି ଯେ ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ଡିଏନଏ ମେଳ କରିବାର ପ୍ରକ୍ରିୟା ମଧ୍ୟ ଚାଲିଛି। ପୂର୍ବରୁ ଅଧିକାରୀମାନେ କହିଥିଲେ ଯେ ପୀଡିତଙ୍କ ପରିବାର ସହିତ ସମନ୍ୱୟ ବଜାୟ ରଖିବା ପାଇଁ ୨୩୦ ଟି ଦଳ ଗଠନ କରାଯାଇଥିଲା। ମୃତକଙ୍କ ମଧ୍ୟରେ ଅହମ୍ମଦାବାଦରୁ ଲଣ୍ଡନ ଯାଉଥିବା ବିମାନରେ ୨୪୨ ଜଣ ଯାତ୍ରୀ ଥିଲେ। ସେଥିରେ ଯାତ୍ରୀ ଓ କ୍ରୁ ସଦସ୍ୟ ମିଶି ୨୪୧ ଜଣଙ୍କ ଜୀବନ ଚାଲିଯାଇଛି। 

#WATCH | #AhmedabadPlaneCrash | Ahmedabad: Additional Medical Superintendent of Civil Hospital Dr. Rajnish Patel says, "The bodies of 31 DNAs have been matched. 12 bodies have been handed over to their respective family members. We are waiting for others to come and collect the… pic.twitter.com/EjrWdldRHn— ANI (@ANI) June 15, 2025

ଏହି ଦୁର୍ଘଟଣାରେ ମୃତ ଯାତ୍ରୀଙ୍କ ମଧ୍ୟରେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ମଧ୍ୟ ନାମ ରହିଛି। ତଥାପି, ଜଣେ ଯାତ୍ରୀ ଚମତ୍କାର ଭାବରେ ବଞ୍ଚି ଯାଇଛନ୍ତି।ବିମାନ ଦୁର୍ଘଟଣାର ତୃତୀୟ ଦିନରେ, ଗୁଜୁରାଟ ସରକାର ମୃତଦେହ ଗୁଡ଼ିକୁ ସମ୍ପର୍କୀୟମାନଙ୍କୁ ହସ୍ତାନ୍ତର କରିବା କାର୍ଯ୍ୟ ଆରମ୍ଭ କରିଛନ୍ତି। ଏଥିପାଇଁ ପ୍ରାୟ ଏକ ହଜାର ଲୋକଙ୍କ ଟିମ୍‌ ପ୍ରସ୍ତୁତ କରାଯାଇଛି। ଏଥିପାଇଁ ସରକାର ଗୁଜୁରାଟର ବିଭିନ୍ନ ଜିଲ୍ଲାରୁ ଆମ୍ବୁଲାନ୍ସ ଡକାଇଛନ୍ତି। ଏହି କାର୍ଯ୍ୟ ପାଇଁ ମୋଟ ୧୯୨ଟି ଆମ୍ବୁଲାନ୍ସ ନିୟୋଜିତ ରଖାଯାଇଛି। ସମସ୍ତ ମୃତଦେହକୁ ସମ୍ପର୍କୀୟଙ୍କ ଘରକୁ ପରିବହନ ପାଇଁ ସରକାର ଘୋଷଣା କରିଛନ୍ତି ଯେ କୌଣସି ଦେୟ ନିଆଯିବ ନାହିଁ। ଏପର୍ଯ୍ୟନ୍ତ ୩୧ଟି ମୃତଦେହର ଡିଏନଏ ମେଳ ହୋଇଛି। ସେମାନଙ୍କ ମଧ୍ୟରୁ ୧୨ଟି ମୃତଦେହକୁ ସେମାନଙ୍କ ପରିବାରକୁ ହସ୍ତାନ୍ତର କରାଯାଇଛି।