ଆଇପିଏଲ୍-୨୦୨୪ ମହାସମର; ଉଦଘାଟନୀ ମ୍ୟାଚ୍ ପାଇଁ ପ୍ରସ୍ତୁତ ଚିପକ୍, ବଦଳିଲା ଏହି ନିୟମ
ମୁମ୍ବାଇ, ୨୨/୦୩: ଫଟାଫାଟ୍ କ୍ରିକେଟ୍ ମହାସମର । ଶୁକ୍ରବାରଠୁ ଆରମ୍ଭ ହେଉଛି ଇଣ୍ଡିଆନ୍ ପ୍ରିମିୟର ଲିଗ୍ ବା ଆଇପିଏଲ । ରଙ୍ଗାରଙ୍ଗ ଉଦ୍ଘାଟନୀ ଉତ୍ସବ ସହ ଆରମ୍ଭ ହେବ ଆଇପିଏଲ୍ର ୧୭ତମ ସଂସ୍କରଣ । ଏଥିପାଇଁ ପ୍ରସ୍ତୁତ ହୋଇଛି ଚିଦାମ୍ବରମ୍ ଷ୍ଟାଡିୟମ ଚେନ୍ନାଇ । ପ୍ରଥମ ମ୍ୟାଚରେ ଡିଫେଣ୍ଡିଂ ଚାମ୍ପିଅନ ଚେନ୍ନାଇ ସୁପର କିଙ୍ଗସକୁ ଭେଟିବ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ଏନେଇ ଚେନ୍ନାଇରେ ଦୁଇ ଦଳର ଖେଳାଳି ମାନେ ପହଞ୍ଚି ସାରିଛନ୍ତି । ପ୍ରଥମ ମ୍ୟାଚ୍ ସଂଘର୍ଷପୂର୍ଣ୍ଣ ଓ ରୋମାଞ୍ଚକର ହେବ ବୋଲି କୁହାଯାଉଛି । ସିଏସକେରେ ମହେନ୍ଦ୍ର ସିଂହ ଓ ଆରସିବିରେ ବିରାଟ କୋହଲିଙ୍କ ଉପରେ କ୍ରିକେଟ୍ ପ୍ରେମୀଙ୍କ ନଜର ରହିଛି । ଆଇପିଏଲର ୧୭ତମ ସଂସ୍କରଣରେ କିଛି ନିୟମରେ ପରିବର୍ତ୍ତନ ହୋଇଛି । ନୂଆ ନିୟମ ଅନୁଯାୟୀ, ଜଣେ ବୋଲର ଗୋଟିଏ ଓଭରରେ ୨ଟି ବାଉନ୍ସର ପକାଇ ପାରିବେ । ଆଇପିଏଲରେ ଆଉ ବ୍ୟାଟରଙ୍କ ରାଜୁତି ରହିବ ନାହିଁ । ବୋଲର ମାନେ ପ୍ରତି ଓଭରରେ ଚ୍ୟାଲେଞ୍ଜ ଦେଇ ପାରିବେ । ଘାତକ ପେସ୍ ବୋଲରମାନେ ବାରମ୍ବାର ବାଉନ୍ସର ମାରି ବ୍ୟାଟରଙ୍କ ମନରେ ଆତଙ୍କ ଖେଳାଇ ପାରିବେ । ଗତ ବର୍ଷ ଲାଗୁ କରାଯାଇଥିବା ଇମ୍ପାକ୍ଟ ପ୍ଲେୟାର ନିୟମ ଏଥର ମଧ୍ୟ ବଳବତ୍ତର ରହିବ । ଫଳ ସ୍ୱରୂପ ଟସ୍ ପୂର୍ବରୁ ଉଭୟ ଦଳର ଅଧିନାୟକ ୧୨ଜଣିଆ ଖେଳାଳି ତାଲିକା ନେଇ ଗ୍ରାଉଣ୍ଡକୁ ଓହ୍ଲାଇବେ । ୧୧ଜଣ ମୁଖ୍ୟ ଖେଳାଳିଙ୍କ ପରେ ଆଉ ଜଣେ ଖେଳାଳିଙ୍କୁ ସେ ଇମ୍ପ
ମୁମ୍ବାଇ, ୨୨/୦୩: ଫଟାଫାଟ୍ କ୍ରିକେଟ୍ ମହାସମର । ଶୁକ୍ରବାରଠୁ ଆରମ୍ଭ ହେଉଛି ଇଣ୍ଡିଆନ୍ ପ୍ରିମିୟର ଲିଗ୍ ବା ଆଇପିଏଲ । ରଙ୍ଗାରଙ୍ଗ ଉଦ୍ଘାଟନୀ ଉତ୍ସବ ସହ ଆରମ୍ଭ ହେବ ଆଇପିଏଲ୍ର ୧୭ତମ ସଂସ୍କରଣ । ଏଥିପାଇଁ ପ୍ରସ୍ତୁତ ହୋଇଛି ଚିଦାମ୍ବରମ୍ ଷ୍ଟାଡିୟମ ଚେନ୍ନାଇ । ପ୍ରଥମ ମ୍ୟାଚରେ ଡିଫେଣ୍ଡିଂ ଚାମ୍ପିଅନ ଚେନ୍ନାଇ ସୁପର କିଙ୍ଗସକୁ ଭେଟିବ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ଏନେଇ ଚେନ୍ନାଇରେ ଦୁଇ ଦଳର ଖେଳାଳି ମାନେ ପହଞ୍ଚି ସାରିଛନ୍ତି । ପ୍ରଥମ ମ୍ୟାଚ୍ ସଂଘର୍ଷପୂର୍ଣ୍ଣ ଓ ରୋମାଞ୍ଚକର ହେବ ବୋଲି କୁହାଯାଉଛି । ସିଏସକେରେ ମହେନ୍ଦ୍ର ସିଂହ ଓ ଆରସିବିରେ ବିରାଟ କୋହଲିଙ୍କ ଉପରେ କ୍ରିକେଟ୍ ପ୍ରେମୀଙ୍କ ନଜର ରହିଛି ।
ଆଇପିଏଲର ୧୭ତମ ସଂସ୍କରଣରେ କିଛି ନିୟମରେ ପରିବର୍ତ୍ତନ ହୋଇଛି । ନୂଆ ନିୟମ ଅନୁଯାୟୀ, ଜଣେ ବୋଲର ଗୋଟିଏ ଓଭରରେ ୨ଟି ବାଉନ୍ସର ପକାଇ ପାରିବେ । ଆଇପିଏଲରେ ଆଉ ବ୍ୟାଟରଙ୍କ ରାଜୁତି ରହିବ ନାହିଁ । ବୋଲର ମାନେ ପ୍ରତି ଓଭରରେ ଚ୍ୟାଲେଞ୍ଜ ଦେଇ ପାରିବେ । ଘାତକ ପେସ୍ ବୋଲରମାନେ ବାରମ୍ବାର ବାଉନ୍ସର ମାରି ବ୍ୟାଟରଙ୍କ ମନରେ ଆତଙ୍କ ଖେଳାଇ ପାରିବେ । ଗତ ବର୍ଷ ଲାଗୁ କରାଯାଇଥିବା ଇମ୍ପାକ୍ଟ ପ୍ଲେୟାର ନିୟମ ଏଥର ମଧ୍ୟ ବଳବତ୍ତର ରହିବ । ଫଳ ସ୍ୱରୂପ ଟସ୍ ପୂର୍ବରୁ ଉଭୟ ଦଳର ଅଧିନାୟକ ୧୨ଜଣିଆ ଖେଳାଳି ତାଲିକା ନେଇ ଗ୍ରାଉଣ୍ଡକୁ ଓହ୍ଲାଇବେ । ୧୧ଜଣ ମୁଖ୍ୟ ଖେଳାଳିଙ୍କ ପରେ ଆଉ ଜଣେ ଖେଳାଳିଙ୍କୁ ସେ ଇମ୍ପାକ୍ଟ ପ୍ଲେୟାର ଭାବେ ବଦଳ କରିପାରିବେ ।
IPL 2024 : GTରେ ସାମିଙ୍କ ବଦଳରେ ଖେଳିବେ ସନ୍ଦୀପ, MIରେ ମଧୁଶଙ୍କାର ସ୍ଥାନରେ ୧୭ ବର୍ଷୀୟ ଦ୍ରୁତ ବୋଲର...
ସେହିପରି ଅମ୍ପାୟାରଙ୍କ ସୁବିଧା ପାଇଁ ଏଥର ସ୍ମାର୍ଟ ରିପ୍ଲେ ସିଷ୍ଟମ ଲାଗୁ କରାଯାଇଛି । ତୃତୀୟ ଅମ୍ପାୟାରଙ୍କ କାର୍ଯ୍ୟକୁ ସହଜ କରିବା ତଥା କମ୍ ସମୟରେ ମଧ୍ୟରେ ନିଷ୍ପତ୍ତି ଶୁଣାଇବା ପାଇଁ ଗ୍ରାଉଣ୍ଡରେ ୮ଟି ହାଇ ସ୍ପିଡ୍ କ୍ୟାମେରା ଲଗାଯିବ । ଏହି କ୍ୟାମେରାରୁ ତୃତୀୟ ଅମ୍ପାୟାର ସିଧା ସଳଖ ଭିଡ଼ିଓ ରିପ୍ଲେ ଦେଖି ପାରିବେ ।
ଅନ୍ୟପଟେ ଆଇପିଏଲ୍ ଉଦଘାଟନୀ ଉତ୍ସବରେ ରେହେମାନଙ୍କ ସଙ୍ଗୀତରେ ଝୁମିବ ଚିପକ୍ ଷ୍ଟାଡିୟମ । ବିଲିଉଡ୍ର କଳାକାରଙ୍କ ଡ୍ୟାନ୍ସରେ ଝୁମିବେ ଦର୍ଶକ । ଏମାନଙ୍କ ମଧ୍ୟରେ ରହିଛନ୍ତି ଅଭିନେତା ଅକ୍ଷର କୁମାର, ଟାଇଗର ସ୍ରଫ, ସଙ୍ଗୀତ ନିର୍ଦ୍ଦେଶକ ଏଆର ରେହମାନ ଓ କଣ୍ଠଶିଳ୍ପୀ ସୋନୁ ନିଗମ୍ । ଆହୁରି ଅନେକ କଳାକାର ମଧ୍ୟ ନୃତ୍ୟ ପରିବେଷଣ କରିବେ ।
ମ୍ୟାଚ୍ ସଂଖ୍ୟା ଅପରିବର୍ତ୍ତିତ, ପୂର୍ବ ସଂସ୍କରଣ ଭଳି ଏଥର ମଧ୍ୟ ମୋଟ୍ ୭୪ଟି ମ୍ୟାଚ୍ ଖେଳାଯିବ । ୭୦ଟି ଲିଗ୍ ମ୍ୟାଚ୍ ବ୍ୟତୀତ ୨ଟି କ୍ୱାଲିଫାୟର, ଗୋଟିଏ ଏଲିମିନେଟର ଓ ଶେଷରେ ଫାଇନାଲ୍ ଖେଳାଯିବ । ଲିଗ୍ ପର୍ଯ୍ୟାୟରେ ପ୍ରତ୍ୟେକ ଦଳ ୧୪ଟି ଲେଖାଏଁ ମ୍ୟାଚ୍ ଖେଳିବେ । ରାତି ୮ଟିରେ ଉଦ୍ଘାଟନୀ ମୁକାବିଲା ଖେଳାଯିବ । ବାକି ସମସ୍ତ ରାତି ମ୍ୟାଚ୍ ଗୁଡ଼ିକ ୭.୩୦ରେ ଆରମ୍ଭ ହେବ । ଦିନ ମ୍ୟାଚ୍ ଗୁଡ଼ିକ ଅପରାହ୍ଣ ୩.୩୦ରେ ଆରମ୍ଭ ହେବ । ସ୍ପୋର୍ଟ୍ସ ୧୮ , ଜିଓ ସିନେମା, ହଟ୍ ଷ୍ଟାର୍ରେ ସମସ୍ତ ମ୍ୟାଚ୍ର ସିଧା ପ୍ରସାରଣ କରାଯିବ ।
IPL ଅଧିନାୟକଙ୍କ ଉପରେ ଟଙ୍କା ବର୍ଷା, ଜାଣନ୍ତୁ କେଉଁ ଦଳର ଅଧିନାୟକ ପାଉଛନ୍ତି କେତେ ଦରମା
ପୁରୁଣା ଦଳ, ନୂଆ ନେତୃତ୍ୱ ଚେନ୍ନାଇ ସୁପରକିଙ୍ଗ୍ସ, ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ, ରାଜସ୍ଥାନ ରୟାଲ୍ସ ଓ ପଞ୍ଜାବ କିଙ୍ଗ୍ସଙ୍କୁ ଛାଡ଼ିଦେଲେ ଅନ୍ୟ ସମସ୍ତ ଦଳରେ ନୂଆ ଅଧିନାୟକଙ୍କୁ ଦେଖିବାକୁ ମିଳିବ । ଗତ ୨ଟି ସିଜନରେ ଗୁଜରାଟ ଟାଇଟନ୍ସର ଅଧିନାୟକ ଥିବା ହାର୍ଦ୍ଦିକ ପାଣ୍ଡ୍ୟା ଏଥର ମୁମ୍ବାଇ ଇଣ୍ଡିଆନ୍ସର ନେତୃତ୍ୱ ନେବାକୁ ଯାଉଛନ୍ତି । ଫଳରେ ଶୁଭମନ ଗିଲ୍ ନୂଆ କରି ଟାଇଟନ୍ସ ଦଳର ନେତୃତ୍ୱ ନେବେ । କେ ଏଲ୍ ରାହୁଲ ଲକ୍ଷ୍ନୌ ସୁପରଜାଏଣ୍ଟ୍ସ ଦଳର ନେତୃତ୍ୱ ନେବେ । ରିଷଭ ପନ୍ତ ଓ ଶ୍ରେୟାସ ଆୟର ଅଧିନାୟକ ଭାବେ ନିଜ ନିଜ ଦଳକୁ ପ୍ରତ୍ୟାବର୍ତ୍ତନ କରୁଛନ୍ତି । ଉଭୟ ଆହତ ସମସ୍ୟା ଯୋଗୁଁ ଗତ ସିଜନ ଖେଳି ନଥିଲେ । ସନରାଇଜର୍ସ ପ୍ରତି ବର୍ଷ ଭଳି ନୂଆ ସିଜନ ପାଇଁ ନୂଆ ଅଧିନାୟକ ନିଯୁକ୍ତ କରିଛି । ଏଥର ପ୍ୟାଟ୍ କମିନ୍ସ ଦଳର ନେତୃତ୍ୱ ନେଉଛନ୍ତି । ଷ୍ଟାର୍କ, କମିନ୍ସ ମୁଖ୍ୟ ଆକର୍ଷଣ ଅଷ୍ଟ୍ରେଲିଆର ଦୁଇ ପ୍ରସିଦ୍ଧ ପେସ୍ ବୋଲର ମିଚେଲ ଷ୍ଟାର୍କ ଓ କମିନ୍ସଙ୍କୁ ଉପରେ ଦର୍ଶକଙ୍କ ନଜର ରହିବ । ଉଭୟ ଆଇପିଏଲ୍ ଇତିହାସର ସବୁଠୁ ଦାମୀ ଖେଳାଳି ସାବ୍ୟସ୍ତ ହୋଇଛନ୍ତି ।
