ଆଖୁରସରୁ ଇଥାନଲ୍ ପ୍ରସ୍ତୁତି ଉପରୁ କଟକଣା ଉଠିଲା
ଭୁବନେଶ୍ୱର,୩୧।୮(ଅନୁରାଧା ମହାରଣା): ଚିନି ମିଲ୍ କ୍ଷେତ୍ରରେ ଏକ ଆଶ୍ୱସ୍ତିକର ଖବର ଆସିଛି। ସରକାର ଗତ ବର୍ଷ ଲଗାଇଥିବା କଟକଣାକୁ ପ୍ରତ୍ୟାହାରକରି ଇଥାନଲ୍ ଯୋଗାଣ ବର୍ଷ (ଇଏସ୍ଓ୍ବାଇ) ୨୦୨୪-୨୫ରେ ଇଥାନଲ୍ ଉତ୍ପାଦନ ପାଇଁ ଆଖୁରସ ଏବଂ ଚିନି ସିରପ ବ୍ୟବହାରକୁ ଅନୁମତି ଦେଇଛନ୍ତି। ଘରୋଇ ବ୍ୟବହାର ପାଇଁ ପର୍ଯ୍ୟାପ୍ତ ଚିନି ଉପଲବ୍ଧତାକୁ ସୁନିଶ୍ଚିତ କରିବା ଏବଂ ମୂଲ୍ୟକୁ ନିୟନ୍ତ୍ରଣରେ ରଖିବା ପାଇଁ ଇଏସ୍ଓ୍ବାଇ ୨୦୨୩-୨୪ ଡିସେମ୍ବରରେ ଇଥାନଲ ଉତ୍ପାଦନ ପାଇଁ ଆଖୁରସ କିମ୍ବା ଚିନି ସିରପ ବ୍ୟବହାର ଉପରେ […] The post ଆଖୁରସରୁ ଇଥାନଲ୍ ପ୍ରସ୍ତୁତି ଉପରୁ କଟକଣା ଉଠିଲା appeared first on Dharitri Odia News.
ଭୁବନେଶ୍ୱର,୩୧।୮(ଅନୁରାଧା ମହାରଣା): ଚିନି ମିଲ୍ କ୍ଷେତ୍ରରେ ଏକ ଆଶ୍ୱସ୍ତିକର ଖବର ଆସିଛି। ସରକାର ଗତ ବର୍ଷ ଲଗାଇଥିବା କଟକଣାକୁ ପ୍ରତ୍ୟାହାରକରି ଇଥାନଲ୍ ଯୋଗାଣ ବର୍ଷ (ଇଏସ୍ଓ୍ବାଇ) ୨୦୨୪-୨୫ରେ ଇଥାନଲ୍ ଉତ୍ପାଦନ ପାଇଁ ଆଖୁରସ ଏବଂ ଚିନି ସିରପ ବ୍ୟବହାରକୁ ଅନୁମତି ଦେଇଛନ୍ତି। ଘରୋଇ ବ୍ୟବହାର ପାଇଁ ପର୍ଯ୍ୟାପ୍ତ ଚିନି ଉପଲବ୍ଧତାକୁ ସୁନିଶ୍ଚିତ କରିବା ଏବଂ ମୂଲ୍ୟକୁ ନିୟନ୍ତ୍ରଣରେ ରଖିବା ପାଇଁ ଇଏସ୍ଓ୍ବାଇ ୨୦୨୩-୨୪ ଡିସେମ୍ବରରେ ଇଥାନଲ ଉତ୍ପାଦନ ପାଇଁ ଆଖୁରସ କିମ୍ବା ଚିନି ସିରପ ବ୍ୟବହାର ଉପରେ କଟକଣା ଜାରି କରିଥିଲେ। ଖାଦ୍ୟ ମନ୍ତ୍ରଣାଳୟର ନିର୍ଦ୍ଦେଶରେ କୁହାଯାଇଛି ଯେ, ଚିନି ମିଲ୍ ଏବଂ ଡିଷ୍ଟିଲେରିରେ ଆଖୁ ଗୁଣ୍ଡ କିମ୍ବା ଚିନି ସିରପ, ବି-ହେଭି ଗୁଣ୍ଡ ଏବଂ ଇଏସ୍ଓ୍ବାଇ ୨୦୨୪-୨୫ ପାଇଁ ସି-ଭାରି ଗୁଣ୍ଡ ଉତ୍ପାଦନ ଏବଂ ତୈଳ ମାର୍କେଟିଂ କମ୍ପାନୀ ସହ ଆବଣ୍ଟନ ଅନୁଯାୟୀ ଆବଶ୍ୟକ ହେବ। ଖାଦ୍ୟ ମନ୍ତ୍ରଣାଳୟ ଏବଂ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରଣାଳୟ ସମୟ ସମୟରେ ଦେଶରେ ଚିନି ଉତ୍ପାଦନ ତଥା ଇଥାନଲ ଉତ୍ପାଦନ ପାଇଁ ଚିନି ବ୍ୟବହାରକୁ ସମୀକ୍ଷା କରିବେ, ଯାହା ଦ୍ୱାରା ଘରୋଇ ବ୍ୟବହାର ପାଇଁ ଚିନି ଉପଲବ୍ଧ ହେବ। ଏହାସହ ଫୁଡ୍ କର୍ପୋରେଶନ ଅଫ୍ ଇଣ୍ଡିଆ (ଏଫ୍ସିଆଇ) ଭଣ୍ଡାରରୁ ଶସ୍ୟଭିତ୍ତିକ ଇଥାନଲ ଡିଷ୍ଟିଲେରିରେ ୨୩ ଲକ୍ଷ ଟନ ଚାଉଳ ବିକ୍ରି କରିବାକୁ ସରକାର ଅନୁମୋଦନ କରିଛନ୍ତି। ଗତ ବର୍ଷ ଏହା ଉପରେ ଲଗାଯାଇଥିବା କଟକଣା ମଧ୍ୟ ହଟାଇଦିଆଯାଇଛି। ଏକ ନିର୍ଦ୍ଦେଶ ଅନୁଯାୟୀ ଖାଦ୍ୟ ମନ୍ତ୍ରଣାଳୟ ଇଥାନଲ ଉତ୍ପାଦକମାନଙ୍କୁ ମୁକ୍ତ ବଜାର ବିକ୍ରୟ ଯୋଜନା (ଓଏମ୍ଏସ୍ଏସ୍) ଅନ୍ତର୍ଗତ ଇ-ନିଲାମରେ ଅଂଶଗ୍ରହଣ କରିବାକୁ ଏବଂ ୨୦୨୪ ଅଗଷ୍ଟରୁ ଅକ୍ଟୋବର ମଧ୍ୟରେ ଚାଉଳ କିଣିବାକୁ ଅନୁମତି ଦେଇଛି।
The post ଆଖୁରସରୁ ଇଥାନଲ୍ ପ୍ରସ୍ତୁତି ଉପରୁ କଟକଣା ଉଠିଲା appeared first on Dharitri Odia News.
