ଆଜୀବନ ସଜା ଭୋଗୁଥିଲେ ଚାରି ଭାରତୀୟ: କ୍ଷମା ପ୍ରଦାନ କଲେ ବାଇଡେନ

ନୂଆଦିଲ୍ଲୀ: ଚାରି ଭାରତୀୟଙ୍କୁ କ୍ଷମା ପ୍ରଦାନ କରିଛନ୍ତି ଆମେରିକାର ରାଷ୍ଟ୍ରପତି ଜୋ ବାଇଡେନ। ଆମେରିକୀୟଙ୍କ ସମେତ ପ୍ରାୟ ୧୫୦୦ ଲୋକଙ୍କୁ କ୍ଷମା ପ୍ରଦାନ କରିଛନ୍ତି ବାଇଡେନ୍‌। ସେମାନଙ୍କୁ ୧୭ ବର୍ଷ ପାଇଁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା। ଏହି ଚାରି ଭାରତୀୟ-ଆମେରିକୀୟ ହେଲେ ମେରା ସଚ୍ଚଦେବ, ବାବୁଭାଇ ପଟେଲ, କୃଷ୍ଣ ମୋଟେ ଏବଂ ବିକ୍ରମ ଦତ୍ତା। 

ବାଇଡେନ ବିବୃତ୍ତିରେ କହିଛନ୍ତି ଯେ, ଆମେରିକା ସମ୍ଭାବନା ଏବଂ ଦ୍ୱିତୀୟ ସୁଯୋଗର ପ୍ରତିଶୃତି ଉପରେ ନିର୍ମିତ। ଯେଉଁମାନେ ଅନୁତାପ କରିଛନ୍ତି ଏବଂ ପୁନଃ ଥଇଥାନ କରିଛନ୍ତି ସେମାନଙ୍କ ପ୍ରତି ଦୟା ଦେଖାଇବାର ମୋର ବଡ଼ ସୌଭାଗ୍ୟ ଅଛି।

ବିଶେଷକରି ଡ୍ରଗ୍ସ କାରାବାର ଅପରାଧରେ ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍ତିଙ୍କ ପାଇଁ ଦଣ୍ଡବିଧାନର ପାର୍ଥକ୍ୟକୁ ଦୂର କରିବା ପାଇଁ ଆମେରିକା ପଦକ୍ଷେପ ନେଇଛି। ସେ କହିଛନ୍ତି, 'ତେଣୁ ଆଜି ମୁଁ ୩୯ ଜଣଙ୍କୁ କ୍ଷମା ଦେଉଛି ଯେଉଁମାନେ ପୁନଃ ଥଇଥାନ ହେବେ। ଆମ ସମ୍ପ୍ରଦାୟକୁ ଅଧିକ ଶକ୍ତିଶାଳୀ ଏବଂ ନିରାପଦ କରିବା ପାଇଁ ସେ ପ୍ରତିବଦ୍ଧ ବୋଲି କହିଛନ୍ତି। ସେ ପ୍ରାୟ ୧୫୦୦ ଲୋକଙ୍କ ଦଣ୍ଡକୁ ଛାଡ କରିଛନ୍ତି। '' ଗୋଟିଏ ଦିନରେ ଏତେ ସଂଖ୍ୟକ କ୍ଷମା ପ୍ରାର୍ଥନା କରିବାର ଏହା ହେଉଛି ଏକମାତ୍ର ଘଟଣା।

ମେରା ସଚ୍ଚଦେବ:-

ଡିସେମ୍ବର 2012ରେ, ମିସିସିପିରେ ଏକ କର୍କଟ କେନ୍ଦ୍ରକୁ ଠକିବା ଅଭିଯୋଗରେ ମେରା ସଚ୍ଚଦେବଙ୍କୁ 20 ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା ଏବଂ ପ୍ରାୟ 8.2 ମିଲିୟନ ଆମେରିକୀୟ ଡଲାର ପରିଶୋଧ କରିବାକୁ ନିର୍ଦ୍ଦେଶ ଦିଆଯାଇଥିଲା। ବର୍ତ୍ତମାନ ତାଙ୍କୁ ୬୩ ବର୍ଷ ବୟସ।

ବାବୁଭାଇ ପଟେଲ:- 

ସ୍ୱାସ୍ଥ୍ୟସେବା ଠକେଇ, ନିଶା କାରବାର ଏବଂ ଜାଲିଆତି ଏବଂ ନିଶା କାରବାର ମାମଲାରେ ବାବୁଭାଇ ପଟେଲଙ୍କୁ ୨୦୧୩ରେ ୧୭ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା।

କୃଷ୍ଣ ମୋଟେ:-

୨୦୧୩୦ରେ ୫୪ ବର୍ଷିୟ କୃଷ୍ଣ ମୋଟେ ୨୮୦ ଗ୍ରାମରୁ ଅଧିକ କ୍ରାକ କୋକେନ ଏବଂ ୫୦୦ ଗ୍ରାମରୁ ଅଧିକ କୋକେନ ବଣ୍ଟନ ମାମଲାରେ ଦୋଷୀ ସାବ୍ୟସ୍ତ ହେବା ପରେ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା।

ବିକ୍ରମ ଦତ୍ତ:-

ଜାନୁଆରୀ ୨୦୧୨ରେ ବିକ୍ରମ ଦତ୍ତା (୬୩) ମାନହଟାନ ଫେଡେରାଲ କୋର୍ଟ ଦ୍ୱାରା ୨୩୫ ମାସ କାରାଦଣ୍ଡରେ ଦଣ୍ଡିତ ହୋଇଥିଲେ। ସେ ମେକ୍ସିକୋର ଡ୍ରଗ୍ ଗ୍ୟାଙ୍ଗରେ କାମ କରି ଦୋଷୀ ସାବ୍ୟସ୍ତ ହୋଇଥିଲେ।