ଆଣ୍ଡ୍ରଏଡ୍ ସ୍ମାର୍ଟଫୋନ୍‌ରେ ଆସୁଛି Android 16 ଅପଡେଟ୍, ମିଳିବ ଅନେକ AI ଫିଚର୍

ଯଦି ଆପଣ ଆଣ୍ଡ୍ରଏଡ୍ ସ୍ମାର୍ଟଫୋନ୍ ୟୁଜର୍, ତେବେ ଆପଣଙ୍କ ପାଇଁ ଗୁଡ୍ ନ୍ୟୁଜ । ଗୁଗୁଲ୍ ଖୁବ୍ ଶୀଘ୍ର ଆଣ୍ଡ୍ରଏଡ୍ ୟୁଜର୍ସଙ୍କ ପାଇଁ ଆଣ୍ଡ୍ରଏଡ୍ ୧୬ ଲଞ୍ଚ କରିପାରେ । ନୂଆ ଆଣ୍ଡ୍ରଏଡ୍ ଭର୍ସନରେ ସ୍ମାର୍ଟଫୋନ୍ ୟୁଜର୍ସମାନେ ଅନେକ ବଡ଼ ବଡ଼ ଫିଚର୍ସ ପାଇବାକୁ ଯାଉଛନ୍ତି । ସ୍ମାର୍ଟଫୋନ୍ ୟୁଜର୍ସମାନେ ଦୀର୍ଘ ସମୟ ଧରି ଆଗାମୀ ଆଣ୍ଡ୍ରଏଡ୍ ଅପଡେଟ୍ ପାଇଁ ଅପେକ୍ଷା କରିଥିଲେ ଏବଂ ଏବେ ଏହି ଅପେକ୍ଷା ଶୀଘ୍ର ଶେଷ ହେବାକୁ ଯାଉଛି । କମ୍ପାନୀ ପକ୍ଷରୁ ନିକଟରେ ଅନୁଷ୍ଠିତ MWC 2025ରେ ଆଗାମୀ ଆଣ୍ଡ୍ରଏଡ୍ ଭର୍ସନ ବିଷୟରେ ସୂଚନା ଦିଆଯାଇଛି ।

ରିପୋର୍ଟ ଅନୁସାରେ, କମ୍ପାନୀ ୧୬ ଜୁନ୍ ୨୦୨୫ରେ ଆଣ୍ଡ୍ରଏଡ୍ ୧୬ ରିଲିଜ୍ କରିପାରେ । ଗୁଗୁଲ୍ ସାଧାରଣତଃ ଅଗଷ୍ଟ ମାସରେ ନୂଆ ଆଣ୍ଡ୍ରଏଡ୍ ଭର୍ସନ ଲଞ୍ଚ କରିଥାଏ କିନ୍ତୁ ଏବେ କମ୍ପାନୀ ଏହାକୁ କିଛି ମାସ ପୂର୍ବରୁ ରିଲିଜ୍ କରିପାରେ । ଗୁଗୁଲର ଆଣ୍ଡ୍ରଏଡ୍ ଇକୋସିଷ୍ଟମର ସଭାପତି ସମୀର ସାମତଙ୍କ ଅନୁସାରେ, ଗୁଗୁଲ୍ ଚଳିତ ବର୍ଷ ଆଣ୍ଡ୍ରଏଡ୍ ଓଏସ୍ ଅପଡେଟ୍ ସହିତ ଆଣ୍ଡ୍ରଏଡ୍ ୧୬ ଲଞ୍ଚ କରିବ । ସେ କହିଛନ୍ତି ଯେ ଆଣ୍ଡ୍ରଏଡ୍ ଡେଭଲପମେଣ୍ଟ୍ ଟିମ୍ ଅନେକ ଚ୍ୟାଲେଞ୍ଜର ସମ୍ମୁଖୀନ ହୋଇଛି କିନ୍ତୁ ଗୁଗୁଲ୍ ‘Trunk Stable’ ଡେଭଲପମେଣ୍ଟ୍ ମଡେଲ୍ ଗ୍ରହଣ କରିଛି ।

ସ୍ମାର୍ଟଫୋନ୍ ୟୁଜର୍ସମାନେ Android 16 ରେ ଏପରି ଅନେକ ଫିଚର୍ ପାଇପାରିବେ ଯାହା ୟୁଜର୍ସଙ୍କ ପ୍ରାଇଭେସି ଏବଂ ଡାଟା ସୁରକ୍ଷାକୁ ବୃଦ୍ଧି କରିବ । ଏହା ବ୍ୟତୀତ, Android 16 ଭର୍ସନରେ ୟୁଜର୍ସମାନେ ଅନେକ AI ଆଧାରିତ ଫିଚର୍ସ ପାଇପାରିବେ । ଏଥିରେ ଅଟୋମେଟିକ ଟେକ୍ସଟ୍ ସଜେସନ, ସ୍ମାର୍ଟ ଉତ୍ତର ଏବଂ ରିଅଲ୍-ଟାଇମ୍ ଟ୍ରାନ୍ସଲେସନ୍ ଭଳି ଫିଚର୍ସ ସାମିଲ ହୋଇପାରେ । ଏହା ସହିତ, ସ୍ମାର୍ଟଫୋନ୍ ୟୁଜର୍ସଙ୍କ ପାଇଁ ବ୍ୟାଟେରୀ ଲାଇଫ୍ ଏବଂ ଆପ୍ ଲଞ୍ଚ ସ୍ପିଡ଼କୁ ଅପ୍ଟିମାଇଜ୍ କରିବା ପାଇଁ ନୂଆ ଆଲଗୋରିଦମ ଅନ୍ତର୍ଭୁକ୍ତ କରାଯାଇପାରିବ ।

ଭାରତୀୟ ୟୁଜର୍ସଙ୍କ ପାଇଁ ଗୁଗୁଲ୍ ଆଣ୍ଡ୍ରଏଡ୍ ୧୬ରେ କିଛି ସ୍ୱତନ୍ତ୍ର ଫିଚର୍ସ ପ୍ରଦାନ କରିପାରେ । ଆଗାମୀ ଆଣ୍ଡ୍ରଏଡରେ ୟୁଜର୍ସଙ୍କୁ ଲୋକାଲ୍ ଲାଙ୍ଗୁଏଜ ସପୋର୍ଟ ଦିଆଯାଇପାରିବ । ଏହା ବ୍ୟତୀତ, ଏପରି ଏକ ଫିଚର୍ସ ମଧ୍ୟ ଉପଲବ୍ଧ ହୋଇପାରେ ଯେଉଁଥିରେ ୟୁଜର୍ସମାନେ କେବଳ କଥା କହି ସେମାନଙ୍କ ସ୍ମାର୍ଟଫୋନର ଫିଚର୍ସଗୁଡ଼ିକୁ ବ୍ୟବହାର କରିପାରିବେ । Android 16 ର ସପୋର୍ଟ ପ୍ରଥମେ Google Pixel ସ୍ମାର୍ଟଫୋନରେ ଉପଲବ୍ଧ ହେବ, ତାପରେ କମ୍ପାନୀ ଏହାକୁ ଧୀରେ ଧୀରେ ଅନ୍ୟ ଡିଭାଇସ୍ ପାଇଁ ଉପଲବ୍ଧ କରିବ ।

Also read: ଫ୍ଲିପକାର୍ଟର ବଡ଼ ଅଫର, ମାତ୍ର ୨୨ ହଜାର ଟଙ୍କାରେ ମିଳୁଛି Google ର ଏହି ଦାମି ଫୋନ୍

The post ଆଣ୍ଡ୍ରଏଡ୍ ସ୍ମାର୍ଟଫୋନ୍‌ରେ ଆସୁଛି Android 16 ଅପଡେଟ୍, ମିଳିବ ଅନେକ AI ଫିଚର୍ appeared first on KNews Odisha.