ଆମେରିକାରେ ଜ୍ୱିଇସ୍ ସଂଗ୍ରହାଳୟ ବାହାରେ ଗୁଳିମାଡ଼, ଇସ୍ରାଏଲ ଦୂତାବାସର ୨ କର୍ମଚାରୀଙ୍କୁ ହତ୍ୟା
ନୂଆଦିଲ୍ଲୀ: ଆମେରିକାରେ ଇସ୍ରାଏଲ ଦୂତାବାସ କର୍ମଚାରୀଙ୍କୁ ହତ୍ୟା। ୱାଶିଂଟନରେ ଥିବା ଜ୍ୱିଇସ୍ ସଂଗ୍ରହାଳୟ ବାହାରେ ଇସ୍ରାଏଲୀ ଦୂତାବାସର ଦୁଇ ଜଣ କର୍ମଚାରୀଙ୍କ ଉପରେ ଗୁଳିମାଡ଼ ହୋଇଥିଲା ଏଥିରେ ଦୁଇ ଜଣଙ୍କ ମୃତ୍ୟୁ ଘଟିଛି। ଜେରୁସାଲେମ ପୋଷ୍ଟ ଅନୁସାରେ, ଘଟଣାଟି ୱାଶିଂଟନର କ୍ୟାପିଟାଲ ଇହୁଦୀ ସଂଗ୍ରହାଳୟ ବାହାରେ ଘଟିଥିଲା। ଏହି ସଂଗ୍ରହାଳୟରେ ଆମେରିକୀୟ ଜ୍ୱିଇସ୍ କମିଟି ଦ୍ୱାରା ଏକ କାର୍ଯ୍ୟକ୍ରମ ଆୟୋଜନ କରାଯାଉଥିଲା।ୱାଶିଂଟନରେ ଥିବା ଇସ୍ରାଏଲୀ ଦୂତାବାସର ମୁଖପାତ୍ର ତାଲ୍ ନାଇମ୍ କୋହେନ୍ କହିଛନ୍ତି ଯେ ଇସ୍ରାଏଲୀ ଦୂତାବାସର ଦୁଇଜଣ କର୍ମଚାରୀଙ୍କୁ ନିକଟରୁ ଗୁଳି କରାଯାଇଥିଲା। ଏହି ଉଭୟ କର୍ମଚାରୀ ଏକ ଇହୁଦୀ କାର୍ଯ୍ୟକ୍ରମରେ ଅଂଶଗ୍ରହଣ କରୁଥିଲେ। ଆକ୍ରମଣକାରୀଙ୍କୁ ଧରିବା ଏବଂ ଇସ୍ରାଏଲର ପ୍ରତିନିଧି ଏବଂ ଇହୁଦୀ ସମ୍ପ୍ରଦାୟକୁ ସୁରକ୍ଷା ଦେବା ପାଇଁ ଆମର ସ୍ଥାନୀୟ ଏବଂ ସଂଘୀୟ ଉଭୟ ସ୍ତରର କର୍ତ୍ତୃପକ୍ଷଙ୍କ ଉପରେ ପୂର୍ଣ୍ଣ ଭରସା ଅଛି।ଏଫବିଆଇର ଟେରରିଷ୍ଟ ଟାସ୍କ ଫୋର୍ସ ଘଟଣାର ତଦନ୍ତ କରୁଛି। ଗୃହ ସୁରକ୍ଷା ବିଭାଗ ସଚିବ କ୍ରିଷ୍ଟି ନୋଏମ କହିଛନ୍ତି ଯେ ୱାଶିଂଟନର ଜ୍ୱିଇସ୍ ମ୍ୟୁଜିୟମ ନିକଟରେ ଦୁଇ ଜଣ ଇସ୍ରାଏଲୀ ଦୂତାବାସ କର୍ମଚାରୀଙ୍କୁ ହତ୍ୟା କରାଯାଇଛି। ଆମେ ଏହାର ତଦନ୍ତ କରୁଛୁ ଏବଂ ଏହା ଜାଣିବା ପରେ ଅଧିକ ସୂଚନା ସେୟାର କରିବୁ। ପୀଡିତଙ୍କ ପରିବାର ପାଇଁ ପ୍ରାର୍ଥନା କରନ୍ତୁ। ଏଫବିଆଇ ନିର୍ଦ୍ଦେଶକ କା
ନୂଆଦିଲ୍ଲୀ: ଆମେରିକାରେ ଇସ୍ରାଏଲ ଦୂତାବାସ କର୍ମଚାରୀଙ୍କୁ ହତ୍ୟା। ୱାଶିଂଟନରେ ଥିବା ଜ୍ୱିଇସ୍ ସଂଗ୍ରହାଳୟ ବାହାରେ ଇସ୍ରାଏଲୀ ଦୂତାବାସର ଦୁଇ ଜଣ କର୍ମଚାରୀଙ୍କ ଉପରେ ଗୁଳିମାଡ଼ ହୋଇଥିଲା ଏଥିରେ ଦୁଇ ଜଣଙ୍କ ମୃତ୍ୟୁ ଘଟିଛି। ଜେରୁସାଲେମ ପୋଷ୍ଟ ଅନୁସାରେ, ଘଟଣାଟି ୱାଶିଂଟନର କ୍ୟାପିଟାଲ ଇହୁଦୀ ସଂଗ୍ରହାଳୟ ବାହାରେ ଘଟିଥିଲା। ଏହି ସଂଗ୍ରହାଳୟରେ ଆମେରିକୀୟ ଜ୍ୱିଇସ୍ କମିଟି ଦ୍ୱାରା ଏକ କାର୍ଯ୍ୟକ୍ରମ ଆୟୋଜନ କରାଯାଉଥିଲା।
ୱାଶିଂଟନରେ ଥିବା ଇସ୍ରାଏଲୀ ଦୂତାବାସର ମୁଖପାତ୍ର ତାଲ୍ ନାଇମ୍ କୋହେନ୍ କହିଛନ୍ତି ଯେ ଇସ୍ରାଏଲୀ ଦୂତାବାସର ଦୁଇଜଣ କର୍ମଚାରୀଙ୍କୁ ନିକଟରୁ ଗୁଳି କରାଯାଇଥିଲା। ଏହି ଉଭୟ କର୍ମଚାରୀ ଏକ ଇହୁଦୀ କାର୍ଯ୍ୟକ୍ରମରେ ଅଂଶଗ୍ରହଣ କରୁଥିଲେ। ଆକ୍ରମଣକାରୀଙ୍କୁ ଧରିବା ଏବଂ ଇସ୍ରାଏଲର ପ୍ରତିନିଧି ଏବଂ ଇହୁଦୀ ସମ୍ପ୍ରଦାୟକୁ ସୁରକ୍ଷା ଦେବା ପାଇଁ ଆମର ସ୍ଥାନୀୟ ଏବଂ ସଂଘୀୟ ଉଭୟ ସ୍ତରର କର୍ତ୍ତୃପକ୍ଷଙ୍କ ଉପରେ ପୂର୍ଣ୍ଣ ଭରସା ଅଛି।
ଏଫବିଆଇର ଟେରରିଷ୍ଟ ଟାସ୍କ ଫୋର୍ସ ଘଟଣାର ତଦନ୍ତ କରୁଛି। ଗୃହ ସୁରକ୍ଷା ବିଭାଗ ସଚିବ କ୍ରିଷ୍ଟି ନୋଏମ କହିଛନ୍ତି ଯେ ୱାଶିଂଟନର ଜ୍ୱିଇସ୍ ମ୍ୟୁଜିୟମ ନିକଟରେ ଦୁଇ ଜଣ ଇସ୍ରାଏଲୀ ଦୂତାବାସ କର୍ମଚାରୀଙ୍କୁ ହତ୍ୟା କରାଯାଇଛି। ଆମେ ଏହାର ତଦନ୍ତ କରୁଛୁ ଏବଂ ଏହା ଜାଣିବା ପରେ ଅଧିକ ସୂଚନା ସେୟାର କରିବୁ। ପୀଡିତଙ୍କ ପରିବାର ପାଇଁ ପ୍ରାର୍ଥନା କରନ୍ତୁ।
ଏଫବିଆଇ ନିର୍ଦ୍ଦେଶକ କାଶ ପଟେଲ କହିଛନ୍ତି ଯେ ୱାଶିଂଟନର ସଂଗ୍ରହାଳୟ ବାହାରେ ଗୁଳିକାଣ୍ଡ ବିଷୟରେ ମୋତେ ଏବଂ ମୋ ଟିମ୍କୁ ସୂଚନା ଦିଆଯାଇଥିଲା। ଆମେ MPD ସହିତ ଘନିଷ୍ଠ ଭାବରେ କାମ କରୁଛୁ। ପୀଡିତ ଏବଂ ସେମାନଙ୍କ ପରିବାର ପାଇଁ ପ୍ରାର୍ଥନା କରନ୍ତୁ। ଆମେ ଶୀଘ୍ର ଏ ବିଷୟରେ ଅଧିକ ସୂଚନା ଦେବୁ।
ଏହି ଘଟଣା ଉପରେ ପ୍ରତିକ୍ରିୟା ପ୍ରକାଶ କରି, ଜାତିସଂଘରେ ଇସ୍ରାଏଲୀ ରାଷ୍ଟ୍ରଦୂତ ଡାନି ଡାନନ୍ ଏହାକୁ ଇହୂଦୀମାନଙ୍କ ବିରୁଦ୍ଧରେ ଏକ ଆତଙ୍କବାଦୀ କାର୍ଯ୍ୟ ବୋଲି କହିଛନ୍ତି।
