ଆମେରିକାରେ ଶକ୍ତିଶାଳୀ ଝଡ଼, ୨୭ ମୃତ

କେଣ୍ଟୁକି: ମିଡ୍‌ୱେଷ୍ଟ ଓ ଦକ୍ଷିଣ ଆମେରିକାର କିଛି ଅଞ୍ଚଳରେ ଝଡ଼ତୋଫାନ ହୋଇ ୨୭ ଜଣଙ୍କ ମୃତ୍ୟୁ ହୋଇଯାଇଛି। ମୃତକଙ୍କ ମଧ୍ୟରେ କେଣ୍ଟୁକିରୁ କେବଳ ୧୮ ଜଣ ଅଛନ୍ତି। ୧୮ ଜଣଙ୍କ ସମେତ ଅତି କମ୍‌ରେ ୨୭ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୧୦ ଜଣ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। କେଣ୍ଟୁକିରେ ପ୍ରଳୟଙ୍କରୀ ଟର୍ନାଡୋରେ ଅନେକ ଘର କ୍ଷତିଗ୍ରସ୍ତ ହୋଇଛି, ଯାନବାହନ ଉଡ଼ିଯାଇଛି ଏବଂ ଅନେକ ଲୋକ ବାସହୀନ ହୋଇଛନ୍ତି। ଶନିବାର ମୃତ ଓ ଗୁରୁତର ଆହତଙ୍କ ସଂଖ୍ୟା ଘୋଷଣା କରିଥିବା ଗଭର୍ଣ୍ଣର ଆଣ୍ଡି ବେସିୟରଙ୍କ କହିବା ଅନୁସାରେ, ଦୁଇ ଡଜନ ରାଜ୍ୟର କିଛି ରାସ୍ତା ବନ୍ଦ ହୋଇଯାଇଛି। ମୃତ୍ୟୁ ସଂଖ୍ୟା ଆହୁରି ଅଧିକ ବଢ଼ିପାରେ । ରାଜ୍ୟ ଜରୁରିକାଳୀନ ପରିଚାଳନା ନିର୍ଦ୍ଦେଶକ ଏରିକ୍ ଗିବ୍ ସନ୍ କହିଛନ୍ତି ଯେ, ଶହ ଶହ ଘର କ୍ଷତିଗ୍ରସ୍ତ ହୋଇଛି। କେଣ୍ଟୁକିରେ ମୃତ୍ୟୁ ଓ ବ୍ୟାପକ କ୍ଷୟକ୍ଷତି ଘଟାଇଥିବା ଏହି ଝଡ଼ ସଦ୍ୟତମ ଭୀଷଣ ପାଣିପାଗର ପରିଣାମ। ଦୁଇ ମାସ ତଳେ ଝଡ଼ତୋଫାନରେ ୨୪ ଜଣଙ୍କ ମୃତ୍ୟୁ ଘଟିଥିଲା।