ଆୟ ଏବଂ ବ୍ୟୟର ହିସାବ, ୧ ଟଙ୍କାରେ ବୁଝନ୍ତୁ ଦେଶର ବଜେଟ୍

ନୂଆଦିଲ୍ଲୀ: ଭାରତ ପରି ବିଶାଳ ଦେଶରେ ସାଧାରଣ ବଜେଟକୁ ବୁଝିବା ଅନେକ ଲୋକଙ୍କ ପାଇଁ ସହଜ ନଥାଏ । ବଜେଟ୍‌କୁ ଏମିତି ବୁଝିପାରିବା, ଯେପରି ଘର ଚଲାଇବା ପାଇଁ ବଜେଟ୍ ହୋଇଥାଏ, ଦେଶ ମଧ୍ୟ ସେହିପରି ବଜେଟ୍‌ରେ ଚାଲିଥାଏ । ଘରେ ଯେପରି ବେଳେବେଳେ ସଂଚୟ ତ ବେଳେବେଳେ ବକେୟା କରିବାକୁ ପଡ଼ିଥାଏ । ସରକାର ମଧ୍ୟ ଠିକ୍ ସେହିପରି ଦେଶର ବଜେଟ୍ ପରିଚାଳନାକୁ ଉନ୍ନତ କରିବା ସବୁ ସମ୍ଭବ ଉଦ୍ୟମ କରନ୍ତି । ଦେଶର ବଜେଟ୍ ପାଇଁ ଏକ ଟଙ୍କା କେଉଁଠୁ ଆସେ ଏବଂ ସେହି ଟଙ୍କାକୁ କେଉଁଠି ଖର୍ଚ୍ଚ କରାଯାଏ ଆସନ୍ତୁ ତାହା ଜାଣିବା ।

୧ ଟଙ୍କା କେଉଁଠୁ ଆସେ ?

ଘର ଚଲାଇବା ପାଇଁ ଟଙ୍କା ଦରକାର ପଡ଼ିଥାଏ ଏବଂ ଏଥିପାଇଁ ଆପଣ ନିଜ କ୍ଷମତା ଅନୁସାରେ ଆୟ କରନ୍ତି । ଠିକ୍ ସେହିପରି ସରକାର ମଧ୍ୟ ଆୟ ବା ରେଭେନ୍ୟୁ ଜେନେରେଟ୍ କରିଥାନ୍ତି । ସରକାରଙ୍କ ଆୟର ଅନେକ ମାଧ୍ୟମ ରହିଛି, ଯେଉଁଥିରୁ ରାଜସ୍ୱ ପାଇଥାନ୍ତି । ଅର୍ଥନୈତିକ ସର୍ଭେ ଅନୁସାରେ ଆୟକର ଟିକସରୁ ୧୯ ପଇସା, କର୍ପୋରେସନ ଟିକସରୁ ୧୭ ପଇସା, ଜିଏସଟି ଏବଂ ଅନ୍ୟ ଟିକସ ୧୮ ପଇସା, କେନ୍ଦ୍ରୀୟ ଉତ୍ପାଦନ ଶୁଳ୍କରୁ ୫ ପଇସା, ଋଣରୁ ୨୭ ପଇସା, ଅଣ-ଟିକସ ଆୟରୁ ୯ ପଇସା, ଅଣ-ଋଣ ପୁଞ୍ଜି ଆୟରୁ ୧ ପଇସା, ସୀମା ଶୁଳ୍କରୁ ୪ ପଇସା ଆୟ କରନ୍ତି । 

୧ ଟଙ୍କା କେଉଁଠି ଖର୍ଚ୍ଚ ହୁଏ ?

ଆୟ ହିସାବରେ ଖର୍ଚ୍ଚର ବଜେଟ୍ ମଧ୍ୟ ସ୍ଥିର କରାଯାଇଥାଏ । ଅର୍ଥାତ୍ ସେହି ହିସାବରେ ଖର୍ଚ୍ଚ ହୋଇଥାଏ । ସରକାର ମଧ୍ୟ ଏକ ଟଙ୍କାକୁ ବିଭିନ୍ନ ମାର୍ଗରେ ଖର୍ଚ୍ଚ କରିଥାନ୍ତି । ଏଥିରେ କେନ୍ଦ୍ରୀୟ ଯୋଜନା (ପ୍ରତିରକ୍ଷା ଏବଂ ଆର୍ଥିକ ସହାୟତା ଉପରେ ପଞ୍ଜି ଗତ ବ୍ୟୟ ସାମିଲ ନଥାଏ) ଉପରେ ୧୬ ପଇସା, ସୁଧ ପରିଶୋଧ ପାଇଁ ୧୯ ପଇସା, ପ୍ରତିରକ୍ଷା କ୍ଷେତ୍ର ପାଇଁ ୮ ପଇସା, ବିତ୍ତୀୟ ଆୟୋଗ ଏବଂ ଅନ୍ୟ ଟ୍ରାନ୍ସଫର ପାଇଁ ୯ ପଇସା, ଟିକସ୍ ଏବଂ ଶୁଳ୍କରେ ରାଜ୍ୟର ଭାଗ ୨୧ ପଇସା, କେନ୍ଦ୍ରୀୟ ପ୍ରାୟୋଜିତ ଯୋଜନାରେ ୮ ପଇସା, ସବ୍‌ସିଡି ପାଇଁ ୬ ପଇସା, ପେନ୍‌ସନ୍‌ ଦେବା ପାଇଁ ୪ ପଇସା ଏବଂ ଅନ୍ୟାନ୍ୟ ପାଇଁ ୯ ପଇସା ଖର୍ଚ୍ଚ କରାଯାଏ ।