ଇଣ୍ଟରନ୍ୟାସନାଲ ଅପରେସନ ଆରମ୍ଭ କଲା Akasa Air, ମୁମ୍ୱାଇରୁ ଦୋହା ଉଡିଲା ପ୍ରଥମ ବିମାନ

ନୂଆଦିଲ୍ଲୀ: ଅକାସା ଏୟାର ନିଜର ପ୍ରଥମ ଅନ୍ତର୍ଜାତୀୟ ଉଡାଣ ଭରିଛି । ମୁମ୍ୱାଇରୁ ଦୋହା (କତାର) ପାଇଁ ନିଜର ପ୍ରଥମ ଉଡାଣ ଭରିବା ସହ ନିଜର ସ୍ୱପ୍ନର ଇଣ୍ଟରନ୍ୟାସନାଲ ଯାତ୍ରା ଆରମ୍ଭ କରିଛି । ଏୟାରଲାଇନ୍ ଏକ ବୟାନରେ କହିଛି ଯେ ଅନ୍ୟ ତିନୋଟି ଇଣ୍ଟରନ୍ୟାସନାଲ ଡେଷ୍ଟିନେସନ କୁଏତ, ଜେଦ୍ଦା ଏବଂ ରିୟାଦ ପାଇଁ ଟ୍ରାଫିକ୍ ଅଧିକାର ମିଳିଛି ।

ଅକାସା ଆଗାମୀ କିଛି ମାସରେ ନିଜର ବୈଶ୍ୱିକ ପହଞ୍ଚରେ ବିସ୍ତାର କରିବ । ଏୟାରଲାଇନ ଅନୁସାରେ, ଅହମଦାବାଦ, ଗୋଆ, ବାରାଣସୀ, ଲକ୍ଷ୍ନୌ, ବେଙ୍ଗାଲୁରୁ, କୋଚି ଏବଂ ଦିଲ୍ଲୀ ପରି ଅନ୍ୟ ଘରୋଇ ସହରର ଯାତ୍ରୀଙ୍କ ପାଖରେ ମୁମ୍ୱାଇ ରାସ୍ତା ଦେଇ ଦୋହା ଯାତ୍ରା ପାଇଁ ଅନେକ କନେକ୍ଟିଙ୍ଗ ଅପ୍ସନ ରହିଛି । ଅକାସା ଘରୋଇ ସ୍ତରରେ ମୁମ୍ୱାଇ, ଅହମବାବାଦ, ବେଙ୍ଗାଲୁରୁ, ଚେନ୍ନାଇ, କୋଚି ସମେତ ଅନେକ ସହରରେ ବିମାନ ସେବା ପରିଚାଳନା କରୁଛି ।

ପଢନ୍ତୁ: ଅର୍ଥନୀତି ପାଇଁ ଭଲ ଖବର; କମିଲା କରେଣ୍ଟ ଆକାଉଣ୍ଟ ଡେଫିସିଟ୍

ମନି କଣ୍ଟ୍ରୋଲର ଏକ ରିପୋର୍ଟ ଅନୁସାରେ, ଅକାସା ଏୟାର ନିଜର ପରିଚାଳନା ୨୦୨୨ ଅଗଷ୍ଟ ୭ରେ ଆରମ୍ଭ ହୋଇଥିଲା । ଏୟାରଲାଇନରେ ସବୁଠୁ ବଡ଼ ମାଲିକାନା ରାକେଶ ଝୁନଝୁନୱାଲା ଏବଂ ତାଙ୍କ ପତ୍ନୀ ରେଖା ଝୁନଝନୱାଲଙ୍କ ରହିଛି । ବିଶିଷ୍ଟ ନିବେଶକ ରାକେଶ ଝୁନଝୁନୱାଲା ଏହି ଏୟାରଲାଇନ ଆରମ୍ଭ ହେବାର ଗୋଟିଏ ସପ୍ତାହ ପରେ ୨୦୨୨ ଅଗଷ୍ଟ ୧୪ରେ ଦୁନିଆରୁ ବିଦାୟ ନେଇଥିଲେ ।

ରିପୋର୍ଟ ଅନୁସାରେ, ଅକାସା ଏୟାରର ଫ୍ଲିଟରେ ବର୍ତ୍ତମାନ ୨୨ଟି ବିମାନ ଅଛି । ଏୟାରଲାଇନ ନିଜର ପରିଚାଳନାର ପ୍ରଥମ ବର୍ଷ ଆର୍ଥିକ ବର୍ଷ ୨୦୨୨-୨୩ରେ ୬୦୨.୮୪ କୋଟି ଟଙ୍କାର ଅପରେଟିଂ କ୍ଷତି ହୋଇଥିଲା । ଅପରେଟିଂ ରେଭେନ୍ୟୁ ୭୭୭.୮୫ କୋଟି ଟଙ୍କା ଏବଂ ଅପରେଟିଂ ଖର୍ଚ୍ଚ ପ୍ରାୟ ୧୪୦୦ କୋଟି ଟଙ୍କା ଥିଲା ।