ଇରାନ କବଜାରେ ଥିବା ଜାହାଜରୁ ଭାରତ ଫେରିଲେ ପ୍ରଥମ କ୍ରୁ ମେମ୍ବର

ନୂଆଦିଲ୍ଲୀ,୧୮।୪: କେରଳ ତ୍ରିଶୁରର ବାସିନ୍ଦା ମହିଳାକ୍ୟାଡେଟ ଆନ ଟେସା ଜୋସେଫ, କାର୍ଗୋ ଜାହାଜ MSC Aries ରେ ଥିବା ଭାରତୀୟ କ୍ରୁଙ୍କ ଅଂଶ ଭାବରେ ଗୁରୁବାର (ଏପ୍ରିଲ ୧୮, ୨୦୨୪) କୋଚିନରେ ପହଞ୍ଚିଥିଲେ। ସେ ଅପରାହ୍ନରେ କୋଚିନ ଅନ୍ତର୍ଜାତୀୟ ବିମାନବନ୍ଦରକୁ ନିରାପଦରେ ଫେରିଥିଲେ ଏବଂ ଏହି ସମୟରେ ଲେଡି କ୍ୟାଡେଟଙ୍କୁ ଆଞ୍ଚଳିକ ପାସପୋର୍ଟ ଅଧିକାରୀ ସ୍ବାଗତ କରିଥିଲେ। ଏହି ସୂଚନା ଭାରତ ସରକାରଙ୍କ ବୈଦେଶିକ ବ୍ୟାପାର ମନ୍ତ୍ରଣାଳୟର ୱେବସାଇଟରେ ଶେୟାର କରାଯାଇଛି।
ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ଏହା ମଧ୍ୟ ସୂଚନା ଦିଆଯାଇଛି ଯେ ତେହେରାନରେ ଥିବା ଭାରତୀୟ ମିଶନ ମାଲ ପରିବହନ ଜାହାଜ MSC Aries ର ଅବଶିଷ୍ଟ ୧୬ ଜଣ ଭାରତୀୟ କର୍ମଚାରୀଙ୍କ ସହ ଯୋଗାଯୋଗରେ ଅଛି। ତେହେରାନରେ ଥିବା ଭାରତୀୟ ମିଶନ MSC Aries ର ଅବଶିଷ୍ଟ କ୍ରୁ ସଦସ୍ୟଙ୍କ ମଙ୍ଗଳ ପାଇଁ ଇରାନ କର୍ତ୍ତୃପକ୍ଷଙ୍କ ସହ ଯୋଗାଯୋଗରେ ଅଛି।

The post ଇରାନ କବଜାରେ ଥିବା ଜାହାଜରୁ ଭାରତ ଫେରିଲେ ପ୍ରଥମ କ୍ରୁ ମେମ୍ବର appeared first on Dharitri Odia News.