ଇରାନକୁ ଟ୍ରମ୍ପଙ୍କ ଚେତାବନୀ, ଆଣବିକ ବୁଝାମଣା ନକଲେ ହେବ ବୋମାମାଡ

ଆଣବିକ ବୁଝାମଣା କର ।  ନଚେତ ବୋମାମାଡ ପାଇଁ ପ୍ରସ୍ତୁତ ରୁହ ।  ଇରାନକୁ ଏପରି ଚେତାବନୀ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।  ଏକ ଗଣମାଧ୍ୟମକୁ ସାକ୍ଷାତକାର ଦେଇ ରାଷ୍ଟ୍ରପତି ଟ୍ରମ୍ପ ଇରାନ ସମ୍ପର୍କରେ ନିଜ ଆଭିମୁଖ୍ୟ ସ୍ପଷ୍ଟ କରିଛନ୍ତି।  ପୂର୍ବରୁ ଟ୍ରମ୍ପ ପ୍ରଶାସନ ଆଣବିକ ବୁଝାମଣା ପାଇଁ ଇରାନକୁ ପ୍ରସ୍ତାବ ଦେଇଥିଲା ।

ଏଥିପାଇଁ ଆଲୋଚନା କରିବାକୁ ମଧ୍ୟ ଟ୍ରମ୍ପ ପ୍ରସ୍ତାବ ଦେଇଥିଲେ।  ଏପଟେ ଟ୍ରମ୍ପଙ୍କ ଧମକକୁ ଖାରଜ କରିଛି ଇରାନ। ଟ୍ରମ୍ପଙ୍କ ଚିଠିର ଜବାବ ଓମାନ ମାଧ୍ୟମରେ ପଠାଯାଇଥିବା ଇରାନ ବିଦେଶ ମନ୍ତ୍ରୀ ସୂଚନା ଦେଇଛନ୍ତି । କୌଣସି ଚାପ ବା ଧମକ ଆଗରେ ଇରାନ ମୁଣ୍ଡ ନୁଆଁଇବ ନାହିଁ ବୋଲି ଇରାନ କହିଥିଲା ।

ସେହିପରି ଋଷ-ୟୁକ୍ରେନ ଯୁଦ୍ଧବିରତି ରାଜିନାମା ସ୍ୱୀକାର କରିବାକୁ ଋଷ ବିଳମ୍ବ କରୁଥିବାରୁ ଋଷ ଉପରେ ଅଧିକ କଠୋର ଆର୍ଥିକ କଟକଣା ଜାରି କରିବା ସହ ଟିକସ ବୃଦ୍ଧି କରାଯିବ ବୋଲି ଟ୍ରମ୍ପ ଧମକ ଦେଇଛନ୍ତି।

Also read: ମୁହାଁମୁହିଁ ଇରାନ୍‌ -ଆମେରିକା, ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପଙ୍କ ଚେତାବନୀ

The post ଇରାନକୁ ଟ୍ରମ୍ପଙ୍କ ଚେତାବନୀ, ଆଣବିକ ବୁଝାମଣା ନକଲେ ହେବ ବୋମାମାଡ appeared first on KNews Odisha.