ଉତ୍ତରପ୍ରଦେଶ : ନିୟନ୍ତ୍ରଣ ହରାଇ ଓଲଟିଲା ଡବଲ୍ ଡେକର ବସ୍, ୨ ମୃତ, ୫୦ ଆହତ

ଉତ୍ତରପ୍ରଦେଶ: ଉତ୍ତରପ୍ରଦେଶ ଇଟାୱାରେ ଆଗ୍ରା ଲକ୍ଷ୍ନୌ ଏକ୍ସପ୍ରେସ ୱେରେ ମର୍ମନ୍ତୁଦ ସଡ଼କ ଦୁର୍ଘଟଣା । ଦୁର୍ଘଟଣାରେ ୨ ଜଣଙ୍କ ଜୀବନ ଚାଲିଯାଇଥିବା ବେଳେ ୫୦ ଜଣ ଆହତ ହୋଇଛନ୍ତି । ବିହାରରୁ ଦିଲ୍ଲୀ ଯାଉଥିବା ଏକ ଡବଲ-ଡେକର ବସ୍ ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେରେ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି ।

ପୋଲିସ କହିବା ମୁତାବକ, ଇଟାୱାର ସୈଫାଇ ଥାନା ଅଞ୍ଚଳ ଅନ୍ତର୍ଗତ ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେରେ ଏହି ଦୁର୍ଘଟଣା ଘଟିଛି । ଡ୍ରାଇଭର ଶୋଇପଡ଼ିବାରୁ ବସ୍ ନିୟନ୍ତ୍ରଣ ବାହାରକୁ ଚାଲିଗଲା, ଆଉ ରେଲିଙ୍ଗ୍ ଭାଙ୍ଗି ରାସ୍ତା ତଳକୁ ଖସି ପଡ଼ିଲା ବୋଲି ପ୍ରାରମ୍ଭିକ ତଦନ୍ତରୁ ଜଣାପଡିଛି । ଦୁର୍ଘଟଣା ସମୟରେ ବସରେ ୭୦ରୁ ଅଧିକ ଯାତ୍ରୀ ଥିଲେ, ଯେଉଁଥିରୁ ୨ ଜଣଙ୍କର ମୃତ୍ୟୁ ହୋଇଥିଲା ଏବଂ ୫୦ ରୁ ଅଧିକ ଯାତ୍ରୀ ଆହତ ହୋଇଥିଲେ । ଆହତଙ୍କ ମଧ୍ୟରୁ ୧୦ ଜଣଙ୍କ ଅବସ୍ଥା ଗୁରୁତର ବୋଲି କୁହାଯାଉଛି ।

ସୂଚନା ଅନୁଯାୟୀ, ମୃତକଙ୍କ ମଧ୍ୟରେ ଜଣେ ମହିଳା ଏବଂ ଜଣେ ପୁରୁଷ ଅଛନ୍ତି । ମୃତ ମହିଳା ନେପାଳର ବାସିନ୍ଦା ସୈଦା ଖାତୁନ୍ ଏବଂ ମୃତ ପୁରୁଷଙ୍କ ଦରଭଙ୍ଗାର ବାସିନ୍ଦା ୫୫ ବର୍ଷୀୟ ମନୋଜ କୁମାର ବୋଲି ଚିହ୍ନଟ କରାଯାଇଛି । ଦୁର୍ଘଟଣାରେ ଆହତ ସମସ୍ତ ଯାତ୍ରୀଙ୍କୁ ସୈଫାଇ ମେଡିକାଲ୍ ବିଶ୍ୱବିଦ୍ୟାଳୟରେ ଭର୍ତ୍ତି କରାଯାଇଛି, ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି ।

ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ, ଇଟାୱାର ଡିଏମ ଶୁଭ୍ରାନ୍ତ କୁମାର ଶୁକ୍ଲା ଏସଏସପିଙ୍କ ସମେତ ଅନେକ ଉଚ୍ଚ ଅଧିକାରୀ ଘଟଣାସ୍ଥଳରେ ପହଞ୍ଚି ମାମଲା ବିଷୟରେ ସୂଚନା ନେଉଛନ୍ତି ।

#WATCH | Etawah, Uttar Pradesh: Etawah DM Shubhrant Kumar Shukla says, “Early in the morning, a double-decker bus from Madhubani to New Delhi carrying around 52- 55 people skidded off the road on the Agra Lucknow Expressway while going from Lucknow to Agra. 2 people died, and… pic.twitter.com/h01kFHSDzZ

— ANI (@ANI) June 26, 2025

Also Read : ଉତ୍ତରାଖଣ୍ଡର ରୁଦ୍ରପ୍ରୟାଗରେ ବଡ଼ ଦୁର୍ଘଟଣା, ଅଳକନନ୍ଦା ନଦୀରେ ବୁଡ଼ିଗଲା ଯାତ୍ରୀବାହୀ ବସ୍, ଜଣେ ମୃତ

The post ଉତ୍ତରପ୍ରଦେଶ : ନିୟନ୍ତ୍ରଣ ହରାଇ ଓଲଟିଲା ଡବଲ୍ ଡେକର ବସ୍, ୨ ମୃତ, ୫୦ ଆହତ appeared first on KNews Odisha.