ଉତ୍ତରାଖଣ୍ଡ ଭୂସ୍ଖଳନରେ ଫସି ରହିଛନ୍ତି କବିତା କୌଶିକ, ଫଟୋ ସେୟାର କରି କହିଲେ ଏମିତି...

ମୁମ୍ଵାଇ ୧୪।୦୭; ଜଣାଶୁଣା ଟେଲି ଅଭିନେତ୍ରୀ କବିତା କୌଶିକ । ବର୍ତ୍ତମାନ ସେ ଅସୁବିଧାରେ ଅଛନ୍ତି। ଗତ କିଛି ଦିନ ହେବ କବିତା ତାଙ୍କ ସ୍ୱାମୀ ରୋନିତ୍‌ ବିଶ୍ୱାସଙ୍କ ସହିତ ପର୍ବତ ଅଞ୍ଚଳରେ ଛୁଟି କାଟୁଛନ୍ତି। ବଦ୍ରିନାଥରୁ ଫେରୁଥିବା ବେଳେ ଏଫଆଇଆର ଅଭିନେତ୍ରୀ ଭୂସ୍ଖଳନରେ ଅଟକି ରହିଥିଲେ। ଗତ ୪ ଦିନ ଧରି କବିତା ବଦ୍ରିନାଥ ମାର୍ଗରେ ଅଟକି ରହିଛନ୍ତି । ତାଙ୍କ ପ୍ରଶଂସକଙ୍କ ସହ କ୍ରମାଗତ ଭାବରେ ଅପଡେଟ୍ ସେୟାର କରୁଛନ୍ତି ।

କବିତା କୌଶିକ ତାଙ୍କ ପୋଷା କୁକୁର ଏବଂ ସ୍ୱାମୀଙ୍କ ସହ ଜୋଶିମଠ ସେନା ଶିବିରରେ ରହୁଛନ୍ତି। ଏଠାରେ କବିତା କୌଶିକ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ସେ ତାଙ୍କ ପ୍ରଶଂସକଙ୍କ ସହ ସେୟାର କରିଛନ୍ତି ଯେ ପୋଲିସ, ସେନା ଏବଂ ସୀମା ସଂଗଠନ ଯଥାଶୀଘ୍ର ରାସ୍ତା ସଫା କରିବାକୁ ଚେଷ୍ଟା କରୁଛନ୍ତି। ଏଫ୍ଆଇଆର ଅଭିନେତ୍ରୀ କହିଛନ୍ତି ଯେ ଗୋଟିଏ ଭୂସ୍ଖଳନର ଆବର୍ଜନା ସଫା ହେବା ମାତ୍ରେ ହଠାତ୍ ଅନ୍ୟ ଏକ ଭୂସ୍ଖଳନ ଘଟିଥିଲା। 

କବିତା କୌଶିକ କ୍ରମାଗତ ଭାବରେ ତାଙ୍କ ପ୍ରଶଂସକଙ୍କ ସହ ଫଟୋ ଏବଂ ଭିଡିଓ ସେୟାର କରୁଛନ୍ତି। ଯେଉଁଥିରେ ଭୂସ୍ଖଳନ ସ୍ପଷ୍ଟ ଦେଖାଯାଉଛି। କବିତା ଏହା ମଧ୍ୟ କହିଛନ୍ତି ଯେ ସେଠାରେ ପହଞ୍ଚିଥିବା ସମସ୍ତ ପର୍ଯ୍ୟଟକ ସୁରକ୍ଷିତ ରହିବେ ବୋଲି ପ୍ରଶାସନ ନିଶ୍ଚିତ କରୁଛି। ଉତ୍ତରାଖଣ୍ଡ ପୋଲିସ ଏବଂ ସେନାକୁ ନମସ୍କାର କରି ସେ କହିଛନ୍ତି ଯେ 'ସେମାନେ ସମସ୍ତ ପର୍ଯ୍ୟଟକଙ୍କ ସୁରକ୍ଷା ଏବଂ ଆରାମର ଯତ୍ନ ନେଉଛନ୍ତି। ଏହା ଏକ ବଡ କଥା । ବର୍ତ୍ତମାନ ବର୍ଷା ହେତୁ ଉତ୍ତରପ୍ରଦେଶର ଅଧିକାଂଶ ଅଞ୍ଚଳରେ ଅନେକ ଭୂସ୍ଖଳନ ଘଟିଛି। ଯେଉଁ କାରଣରୁ ଏଠାରେ ହଜାର ହଜାର କାର ଅଟକି ରହିଛି।