ଏକବିଂଶ ଶତାବ୍ଦୀରେ ‘ପୁଷ୍ପକ’ ବିମାନର ସଫଳ ପରୀକ୍ଷଣ, ଇସ୍ରୋକୁ ବଡ଼ ଉପଲବ୍ଧି

ବେଙ୍ଗାଲୁରୁ: ଭାରତୀୟ ମହାକାଶ ଗବେଷଣା ସଂସ୍ଥାକୁ ବଡ଼ ସଫଳତା ମିଳିଛି । ପୁନଃବ୍ୟବହାର ଯୋଗ୍ୟ ଲଞ୍ଚ ଯାନ ପ୍ରଯୁକ୍ତିର ସଫଳ ପରୀକ୍ଷଣ କରିଛି  ଇସ୍ରୋ  । ଏହି ଯାନର ନାଁ ‘ପୁଷ୍ପକ’ ରଖାଯାଇଛି । ଶୁକ୍ରବାର ସକାଳ  ୭ଟା ୧୦ମିନିଟରେ କର୍ଣ୍ଣାଟକର ଚିତ୍ରଦୁର୍ଗର ଏରୋନଟିକାଲ୍ ରେଷ୍ଟର ରେଞ୍ଜର ରନଓ୍ବେରେ ପୁଷ୍ପକ ସଫଳତାପୂର୍ବକ ଅବତରଣ କରିଛି । ଏହି ଯାନର ଅବବରଣ ବେଳେ ଇସ୍ରୋ ଅଧ୍ୟକ୍ଷ ଏସ. ସୋମନାଥଙ୍କ ସହିତ ଇସ୍ରୋର ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । 

ପୂର୍ବରୁ ଇସ୍ରୋ ଏହା ପୂର୍ବରୁ ପୁନଃବ୍ୟବହାର ଯୋଗ୍ୟ ଲଞ୍ଚ ଯାନ ପ୍ରଯୁକ୍ତିର ସଫଳ ଅବତରଣ କରି ସାରିଛି । ଗତ ବର୍ଷ ଇସ୍ରୋ ପରୀକ୍ଷଣ ସମୟରେ ବାୟୁସେନାର ଚିନୁକ୍ ହେଲିକପ୍ଟରରୁ ସାଢେ ୪ କିଲୋମିଟର ଉପରୁ ଆରଏଲଭିକୁ ଛାଡ଼ିଦେଇଥିଲା ।  ଆରଏଲଭି ବ୍ରେକ୍ ପରାଚ୍ୟୁଟ୍,  ଲ୍ୟାଣ୍ଡିଂ ଗିୟର ବ୍ରେକ୍,  ନୋଚ୍ ହ୍ବିଲିଂ ଷ୍ଟିୟରିଂରେ ସଫଳତାର ସହିତ ପୃଥିବୀ ପୃଷ୍ଠରେ ଅବତରଣ କରିଥିଲା  । ପୁଷ୍ପକକୁ ଯାନକୁ ଇସ୍ରୋ ବିକଶିତ କରିଛି। ଏଥିରେ ଟେକ୍ନିକାଲ ନାଭିଗେସନ,   କଣ୍ଟ୍ରୋଲ ସିଷ୍ଟମ,  ଲ୍ୟାଣ୍ଡିଂ ଗିୟର ଏବଂ ଡିକ୍ଲୋରାସେନ ସିଷ୍ଟମ ରହିଛି । 

ଇଲେକ୍ଟୋରାଲ୍ ବଣ୍ଡ୍ ତଥ୍ୟ; ବିଜେପିର ବଡ଼ ଡୋନର୍ ହାଇଦ୍ରାବାଦ୍ ବେସ୍ କମ୍ପାନୀ

ପୂର୍ବ ପରୀକ୍ଷଣ ଅପେକ୍ଷ ଏଥର ଇସ୍ରୋ ପୁନଃବ୍ୟବହାର ଯୋଗ୍ୟ ଲଞ୍ଚ ଯାନରେ ଏୟାରଫ୍ରେମ୍ ଷ୍ଟ୍ରକ୍ଟର ଏବଂ ଲ୍ୟାଣ୍ଡିଂ ଗିୟରକୁ ଅଧିକ ଶକ୍ତିଶାଳୀ କରିଛି । ଫଳରେ ଅବତରଣ ସମୟରେ ଏହା ଅଧିକ ଓଜର ବହନ କରିପାରିବ । ପୁଷ୍ପକ ମିଶନକୁ ବିକ୍ରମ ସାରାଭାଇ ସ୍ପେସ୍ ସେଣ୍ଟର ଦ୍ବାରା ବିକଶିତ କରାଯାଇଛି ।