ଏତିକି ସମ୍ପତ୍ତି ଛାଡିଦେଇଗଲେ ସୀତାରାମ ୟେଚୁରୀ, ଜାଣିଲେ ବିଶ୍ୱାସ କରିବେନି

ନୂଆଦିଲ୍ଲୀ,୧୨।୯: କମ୍ୟୁନିଷ୍ଟ ପାର୍ଟି ଅଫ ଇଣ୍ଡିଆ (ମାର୍କ୍ସବାଦୀ) ସାଧାରଣ ସମ୍ପାଦକ ସୀତାରାମ ୟେଚୁରୀଙ୍କର ଗୁରୁବାର (ସେପ୍ଟେମ୍ବର ୧୨,୨୦୨୪)ରେ ଦିଲ୍ଲୀସ୍ଥିତ ଏମ୍ସରେ ଦେହାନ୍ତ ହୋଇଛି। ସେ ଗତ କିଛି ଦିନ ଧରି ଅସୁସ୍ଥ ଥିଲେ। ନିକଟରେ ତାଙ୍କ ଅବସ୍ଥା ଖରାପ ହେବା ପରେ ତାଙ୍କୁ ଆଇସିୟୁକୁ ସ୍ଥାନାନ୍ତର କରାଯାଇଥିଲା। ସେ କଲେଜ ଦିନରୁ ରାଜନୀତିରେ ସକ୍ରିୟ ଥିଲେ। ସେ ତାମିଲନାଡୁର ମାଡ୍ରାସ (ଚେନ୍ନାଇ) ରେ ୧୨ ଅଗଷ୍ଟ ୧୯୫୨ରେ ତେଲୁଗୁ ଭାଷାଭାଷୀ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ। ସୀତାରାମ ୟେଚୁରୀଙ୍କ ପିତା ସର୍ବେଶ୍ୱର ସୋମାୟାଜୁଲା ୟେଚୁରୀ ଆନ୍ଧ୍ରପ୍ରଦେଶ ରାଜ୍ୟ ସଡକ ପରିବହନ ନିଗମର ଜଣେ ଇଞ୍ଜିନିୟର ଥିଲେ। ମାତା କଳ୍ପକମ ୟେଚୁରୀ ଜଣେ ସରକାରୀ କର୍ମଚାରୀ ଥିଲେ।
ପିଲାଦିନରୁ ସୀତାରାମ ୟେଚୁରୀ ମେଧାବୀ ଥିଲେ। ସେ ନୂଆଦିଲ୍ଲୀର ପ୍ରେସିଡେଣ୍ଟ ଇଷ୍ଟେଟ ସ୍କୁଲରେ ସେ ଆଡମିଶନ ନେଇଥିଲେ। ଯେଉଁଠାରେ ସେ କେନ୍ଦ୍ରୀୟ ମାଧ୍ୟମିକ ଶିକ୍ଷା ଉଚ୍ଚ ମାଧ୍ୟମିକ ପରୀକ୍ଷାରେ ଅଲ ଇଣ୍ଡିଆ ପ୍ରଥମ ମାନ୍ୟତା ପାଇଥିଲେ। ଏହା ପରେ ସେ ଦିଲ୍ଲୀ ବିଶ୍ୱବିଦ୍ୟାଳୟର ସେଣ୍ଟ ଷ୍ଟିଫେନ କଲେଜରେ ଆଡମିଶନ ନେଇଥିଲେ। ଯେଉଁଠାରେ ସେ ଅର୍ଥନୀତିରେ ବିଏ (ଅନର୍ସ) କରିଥିଲେ। ଏହା ପରେ ସେ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରୁ ଅର୍ଥନୀତିରେ ମାଷ୍ଟର ଡିଗ୍ରୀ ହାସଲ କରିଥିଲେ। ଜରୁରୀକାଳୀନ ସମୟରେ ଜେଏନୟୁରେ ଜଣେ ଛାତ୍ର ଥିବାବେଳେ ତାଙ୍କୁ ଗିରଫ କରାଯାଇଥିଲା।
ରାଜ୍ୟ ସଭାରେ ଦିଆଯାଇଥିବା ତାଙ୍କ ଘୋଷଣାପତ୍ରରେ ସୀତାରାମ ୟେଚୁରୀ ତାଙ୍କର ମୋଟ ସମ୍ପତ୍ତି ୮୨ ଲକ୍ଷ ୭୧ହଜାର ଟଙ୍କା ବୋଲି ଘୋଷଣା କରିଥିଲେ। ଯେଉଁଥିରେ ତାଙ୍କ ପାଖରେ ୧୦ ହଜାର ଟଙ୍କା ନଗଦ ଏବଂ ତାଙ୍କ ପତ୍ନୀଙ୍କ ପାଖରେ ୧୫ହଜାର ଟଙ୍କା ଥିଲା। ଏଥି ସହିତ ୩୪ ଲକ୍ଷ ୧୪ ହଜାରରୁ ଅଧିକ ମୂଲ୍ୟର ସମ୍ପତ୍ତି ବ୍ୟାଙ୍କ ଆକାଉଣ୍ଟରେ ଫ୍ରିଜ ହୋଇଯାଇଥିଲା। ଏହା ବ୍ୟତୀତ ସେ କମ୍ପାନୀଗୁଡିକରେ ବଣ୍ଡ, ଋଣ ଦେୟ ଏବଂ ସେୟାରରେ ୩ ଲକ୍ଷ ୫୬ ହଜାରରୁ ଅଧିକ ପୁଞ୍ଜି ବିନିଯୋଗ କରିଥିଲେ। ସେ ୨୦ ଲକ୍ଷ ଟଙ୍କା ମୂଲ୍ୟର ଏକ LIC ପଲିସି ଏବଂ ଅନ୍ୟାନ୍ୟ ବୀମା ପଲିସି ନେଇଥିଲେ।
ସୂଚନାଯୋଗ୍ୟ, ସିପିଏମ ନେତା ସୀତାରାମ ୟେଚୁରୀଙ୍କର କୌଣସି କାର ନଥିଲାବେଳେ ତାଙ୍କର ମୋଟ ୫ଲକ୍ଷ ଟଙ୍କା ମୂଲ୍ୟର ଅଳଙ୍କାର ଥିଲା। ଏହିପରି ଭାବରେ ତାଙ୍କର ମୋଟ ସମ୍ପତ୍ତି ୬୨ ଲକ୍ଷ ୯୬ଟଙ୍କାରୁ ଅଧିକ ଥିଲା। ଏହା ବ୍ୟତୀତ ତାଙ୍କ ନାମରେ ୧୯ଲକ୍ଷ ୭୫ ହଜାର ଟଙ୍କାର ଜମି ମଧ୍ୟ ଅଛି।

The post ଏତିକି ସମ୍ପତ୍ତି ଛାଡିଦେଇଗଲେ ସୀତାରାମ ୟେଚୁରୀ, ଜାଣିଲେ ବିଶ୍ୱାସ କରିବେନି appeared first on Dharitri Odia News.