ଓଡ଼ିଶାବାସୀଙ୍କ ପାଇଁ ୫ଟି ଯୋଜନାରେ ଅନେକ ଗ୍ୟାରେଣ୍ଟି ଦେଲା କଂଗ୍ରେସ

ଭୁବନେଶ୍ବର ୨୩।୩: ଗ୍ୟାରେଣ୍ଟି କାର୍ଡକୁ ନେଇ ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ସାମ୍ବାଦିକ ସମ୍ମିଳନୀ l ପ୍ରଦେଶ କଂଗ୍ରେସ ପକ୍ଷରୁ ମୁଖ୍ୟତଃ ୫ଟି ଯୋଜନା ମାଧ୍ୟମରେ ଅନେକ ଗ୍ୟାରେଣ୍ଟି ଓଡ଼ିଶାବାସୀଙ୍କ ପାଇଁ ଦେଇଛନ୍ତି l 

ଗୃହ ଜ୍ୟୋତି ଯୋଜନାରେ

୧- ପ୍ରତ୍ୟେକ ଉପଭୋକ୍ତାଙ୍କ ପାଇଁ ୨୦୦ ୟୁନିଟ୍ ବିଦ୍ୟୁତ୍ ଦେୟ ଛାଡ଼ 

ଯୁବ ବିକାସ ଯୋଜନାରେ

୧- ୫ ଲକ୍ଷ ଯୁବକ ଯୁବତୀଙ୍କ ପାଇଁ ନିଯୁକ୍ତି ବ୍ୟବସ୍ଥା

୨- ମାସକୁ ବେକାରୀ ଭତ୍ତା ୩ ହଜାର ହଜାର ଟଙ୍କା

କୃଷକ ବନ୍ଧୁ ଯୋଜନାରେ

୧- ଚାଷୀଙ୍କୁ ବୋନସ ସହ ଧାନ ସହାୟକ ମୂଲ୍ୟ କ୍ବିଣ୍ଟାଲ ପ୍ରତି ୩ ହଜାର ଟଙ୍କା କରିବ କଂଗ୍ରେସ

୨- କୃଷି ଋଣ ଛାଡ

୩- କୃଷକଙ୍କ ପାଇଁ ମାସିକ ପେନସନ ୨ ହଜାର ଟଙ୍କା

ଗୃହଲକ୍ଷ୍ମୀ ଯୋଜନାରେ

୧- ସମସ୍ତ ମହିଳା ସ୍ବୟଂ ସହାୟକ ଗୋଷ୍ଠୀଙ୍କ ବ୍ୟାଙ୍କ ଋଣ ଛାଡ଼

୨- ପ୍ରତ୍ୟେକ ଘରର ମୁଖ୍ୟ (ମହିଳା)ଙ୍କୁ  ୨ହଜାର ଟଙ୍କା ଭତ୍ତା ଓ ଦଳିତ ମହିଳାଙ୍କୁ ୩ ହଜାର ଭତ୍ତା 

୩- ପ୍ରତି ପରିବାରକୁ ମାସକୁ ୫ ଶହ ଟଙ୍କାରେ ସିଲିଣ୍ଡର

ଜନକଲ୍ୟାଣ ଯୋଜନାରେ

୧- ୨୫ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟବୀମା ମାଧ୍ୟମରେ ମାଗଣା ଚିକିତ୍ସା ବ୍ୟବସ୍ଥା

୨- ବାର୍ଦ୍ଧକ୍ୟ ଭତ୍ତା, ବିଧବା ଭତ୍ତା ଓ ଦିବ୍ୟାଙ୍ଗ ଭତ୍ତା ମାସକୁ ୨ ହଜାର ଟଙ୍କା

୩- ଚିଟ୍‌ଫଣ୍ଡ ଜମାକାରୀ ମାନଙ୍କୁ ୬ ମାସର ଟଙ୍କା ଫେରସ୍ତ

୪- ଶିକ୍ଷାନୁଷ୍ଠାନ ଓ ଚାକିରି କ୍ଷେତ୍ରରେ ପଛୁଆ ବର୍ଗଙ୍କୁ ୨୭ ପ୍ରତିଶତ ସଂରକ୍ଷଣ

୫- ଆଦିବାସୀ ମାନଙ୍କୁ ଜମି ଉପରେ ସଂପୂର୍ଣ୍ଣ ଅଧିକାର

୬- ଶହେ ଦିନ ମଧ୍ୟରେ ପେସା ଆଇନ କଡ଼ାକଡ଼ି

ଓଡିଶାକୁ ସ୍ଵତନ୍ତ୍ର ରାଜ୍ୟ ପାହ୍ୟା ଦେବା ପାଇଁ ଉଭୟ ବିଜେଡି ଓ ବିଜେପିର ସମନ୍ୱୟରେ ସଂଯୁକ୍ତ ଇସ୍ତାହାର ମଧ୍ୟ ଥିଲା ତାହାକୁ ମଧ୍ୟ କେନ୍ଦ୍ର ସରକାର ଶୁଣିଲେ ନାହିଁ l ତେଣୁ ଏଠାରେ ୨୪ ବର୍ଷର ବିଜେଡି ସରକାର ଓ ୯ ବର୍ଷର ବିଜେଡି ଓ ବିଜେପି ମିଳିତ ସରକାର ଏଠାରେ କେବଳ ମିଥ୍ୟା ପ୍ରତିଶୃତି ଦେଇ ଜାଣନ୍ତି l 

ଏଠାରେ  ଲୋକଙ୍କ ପାଇଁ କଂଗ୍ରେସ ହିଁ ଏକମାତ୍ର ବିକଳ୍ପ l ୨୪ ନିର୍ବାଚନ ପାଇଁ ଆମର ଏକମାତ୍ର ନାରା ବିଜେଡି-ବିଜେପି ଯେଉଁଠି ଦୁର୍ନୀତି ଓ ଭ୍ରଷ୍ଟାଚାର ସେଇଠି l 

ଶୁକ୍ରବାର ବିଜେଡି ଓ ବିଜେପି ସୋସିଆଲ ମିଡିଆ ମାଧ୍ୟମରେ ଏକା ଲଢିବା ନେଇ କହିଛନ୍ତି l ବାସ୍ତବରେ ମେଣ୍ଟ ନ ହେଲେ ମଧ୍ୟ ଏହା ଏକ ଅଘୋଷିତ ମେଣ୍ଟ l ବର୍ତ୍ତମାନ ସବୁ ସ୍ଥାନରେ ତ୍ରିମୁଖି ଅଥବା ଚତୁର୍ମୁଖି ନିର୍ବାଚନ ହେବ l ଅଘୋଷିତ ମେଣ୍ଟ ଯୋଗୁଁ କିଛି ସ୍ଥାନରେ ବିଜେଡି ଓ ବିଜେପି ଉଭୟ ଦଳ ଦୁର୍ବଳ ପ୍ରାର୍ଥୀ ଦେବେ ଏହାଦ୍ବାରା କଂଗ୍ରେସ ହିଁ ଲାଭବାନ ହେବ l ଚତୁର୍ମୁଖି ନିର୍ବାଚନରେ କଂଗ୍ରେସ ହିଁ ସରକାର କରିବ l 

You Can Read :

ଚଳନ୍ତା ଟ୍ରକ୍ ପଛରେ ପିଟିହେଲା ବାଇକ୍, ଚାଲିଗଲା ୩ ଜଣଙ୍କ ଜୀବନ