କଣ୍ଟେଣ୍ଟ କ୍ରିଏଟର ପାଦ ଛୁଇଁ ପ୍ରଣାମ କରିବାରୁ ଭାବୁକ ହେଲେ ମୋଦି

ନୂଆଦିଲ୍ଲୀ,୮।୩: ଶୁକ୍ରବାର ନୂଆଦିଲ୍ଲୀର ଭାରତ ମଣ୍ଡପମ ଅଡିଟୋରିୟମରେ ନାଶନାଲ କ୍ରିଏଟର୍ସ ପୁରସ୍କାର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି କଣ୍ଟେଣ୍ଟ କ୍ରିଏଟରଙ୍କୁ ସମ୍ମାନିତ କରିଛନ୍ତି। ଏହି ସମୟରେ ଏକ ମୁହୂର୍ତ୍ତ ମଧ୍ୟ ଏମିତି ଆସିଥିଲା ଯେତେବେଳେ ମୋଦି ଭାବପ୍ରବଣ ହୋଇଥିଲେ। ଯେତେବେଳେ ସେ ଦେଶର କଣ୍ଟେଣ୍ଟ କ୍ରିଏଟରଙ୍କୁ ପୁରସ୍କାର ପ୍ରଦାନ କରି ସମ୍ମାନିତ କରୁଥିଲେ, ସେତେବେଳେ କିର୍ତ୍ତିକା ଗୋବିନ୍ଦାସାମୀଙ୍କୁ ଶ୍ରେଷ୍ଠ କାହାଣୀକାର ବର୍ଗରେ ସମ୍ମାନିତ କରାଯାଇଥିଲା ।

ପୁରସ୍କାର ପାଇବା ପାଇଁ କିର୍ତ୍ତିକା ଗୋବିନ୍ଦାସାମୀ ମଞ୍ଚରେ ପହଞ୍ଚିବା ପରେ ସେ ମୋଦିଙ୍କ ପାଦ ଛୁଇଁ ଆଶୀର୍ବାଦ ପାଇବାକୁ ଚାହୁଁଥିଲେ, କିନ୍ତୁ ପ୍ରଧାନମନ୍ତ୍ରୀ ତାଙ୍କୁ ସମ୍ମାନ ଜଣାଇ ମନା କରିଦେଇଥିଲେ ଏବଂ ନିଜେ ଗୋବିନ୍ଦସାମୀଙ୍କୁ ପ୍ରଣାମ କରିବାକୁ ଲାଗିଲେ। ଏହା ପରେ ପ୍ରଧାନମନ୍ତ୍ରୀ କହିଛନ୍ତି ଯେ ପାଦ ଛୁଇଁବା ରାଜନୀତିରେ ଏକ ପରମ୍ପରା ପାଲଟିଛି। ସଂସ୍କୃତି ଏବଂ କଳା ଜଗତରେ ପାଦ ଛୁଇଁବାର ଭିନ୍ନ ଅର୍ଥ ଅଛି, କିନ୍ତୁ ମୁଁ ଏହା ଉପରେ ଅତ୍ୟନ୍ତ ଅସନ୍ତୁଷ୍ଟ ଏବଂ ବିଶେଷ କରି ଯେତେବେଳେ ଏହା ଏକ ଝିଅ। ଏହା କହି ସେ ଭାବପ୍ରବଣ ହୋଇଯାଇଥିଲେ ଏବଂ ତାଙ୍କ ସ୍ବର ଚାପି ହୋଇଗଲା। କାର୍ଯ୍ୟକ୍ରମରେ ଉପସ୍ଥିତ ଲୋକମାନେ ଏଥିପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଶଂସା କରିଥିଲେ। ମହିଳା ଦିବସ ଅବସରରେ ସମସ୍ତେ ତାଙ୍କ ଦ୍ୱାରା ମହିଳାଙ୍କ ପ୍ରତି ସମ୍ମାନର ପ୍ରଶଂସା କରୁଛନ୍ତି ଏବଂ ଏହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଜପା ଏହାର ସୋସିଆଲ ମିଡିଆ ହ୍ୟାଣ୍ଡେଲରେ ମଧ୍ୟ ଏହାର ଭିଡିଓ ଶେୟାର କରିଛି।

नारी सम्मान,
नए भारत की पहचान!

भारत मंडपम में आयोजित नेशनल क्रिएटर्स अवॉर्ड कार्यक्रम में जब कीर्तिका गोविंदासामी पीएम मोदी के पैर छूने के लिए बढ़ीं आगे तो सुनिए मोदी जी ने क्या कहा… pic.twitter.com/JYedU5uzQM

— BJP (@BJP4India) March 8, 2024

The post କଣ୍ଟେଣ୍ଟ କ୍ରିଏଟର ପାଦ ଛୁଇଁ ପ୍ରଣାମ କରିବାରୁ ଭାବୁକ ହେଲେ ମୋଦି appeared first on Dharitri Odia News.