କାଳବୈଶାଖୀ ବର୍ଷା ସମ୍ଭାବନା, ୧୯ ଓ ୨୦ ପାଇଁ ଚେତାବନୀ ଜାରି କଲା ପାଣିପାଗ କେନ୍ଦ୍ର

ଭୁବନେଶ୍ବର: ରାଜ୍ୟରେ ଆରମ୍ଭ ହୋଇଯାଇଛି ଗ୍ରୀଷ୍ମ ପ୍ରବାହ। ଖରାଯୋଗୁଁ ଦିନ ତାପମାତ୍ରା ୪୦ ଛୁଇଁଛି। ଏମିତିକି ଗୁଳୁଗୁଳି ମଧ୍ୟ ଅନୁଭବ ମଧ୍ୟ ହେଲାଣି। ଏହାରି ମଧ୍ୟ ୧୯ରେ ରାଜ୍ୟରେ କାଳବୈଶାଖୀ ବର୍ଷା ନେଇ ଅନୁମାନ କରିଛି ପାଣିପାଗ ବିଭାଗ । ଏହି ସମୟରେ ରାଜ୍ୟର କିଛି ଜିଲ୍ଲାରେ ଝଡ଼ ପବନ ଘଣ୍ଟା ପ୍ରତି ୪୦-୫୦ କିଲୋମିଟର ଯାଏଁ  ବହିବ । ଏଥିସହ କୁଆପଥର ମାଡ ସହ କିଛି ଜିଲ୍ଲାରେ ଭାରି ବର୍ଷା ସମ୍ଭାବନା ରହିଛି ।

ତେବେ କାଳବୈଶାଖୀ ନେଇ ବୌଦ୍ଧ, କନ୍ଧମାଳ, କଳାହାଣ୍ଡି, ବଲାଙ୍ଗିର , ରାୟଗଡା, ନବରଙ୍ଗପୁର,  ଅନୁଗୁଳ , ନୟାଗଡ, ଢେଙ୍କାନାଳ ପାଇଁ ଅରେଞ୍ଜ  ୱାର୍ଣ୍ଣିଂ ଜାରି କରିଛି  ପାଣିପାଗ କେନ୍ଦ୍ର । ସେହିପରି ଘଣ୍ଟା ପ୍ରତି  ୩୦-୪୦ କିଲୋମିଟର ଝଡ଼ ପବନ ନେଇ ବାଲେଶ୍ୱର, ଭଦ୍ରକ ,ଯାଜପୁର , କେନ୍ଦ୍ରାପଡ଼ା, ଜଗତସିଂହପୁର, ପୁରୀ, ଗଜପତି, ଦେଓଗଡ଼, କେଉଁଝର, ମୟୂରଭଞ୍ଜ, କୋରାପୁଟ, ମାଲକାନଗିରି, ସୋନପୁର ଓ ସମ୍ବଲପୁର ଜିଲ୍ଲାରେ  ଘଡ ଘଡି ସହ ବର୍ଷ। ନେଇ ୟେଲୋ ୱାର୍ଣ୍ଣିଂ ଜାରୀ କରିଛି  ପାଣିପାଗ କେନ୍ଦ୍ର ।

୨୦ ରେ  ବିଜୁଳି ଘଡ଼ଘଡ଼ି ସହ ପ୍ରବଳ ବର୍ଷା ସମ୍ଭାବନା ପାଇଁ କଟକ, ନୟାଗଡ଼, ଖୋର୍ଦ୍ଧା, କନ୍ଧମାଳ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି ହୋଇଛି । ତେବେ  ବଙ୍ଗୋପସାଗର ଉପକୂଳରେ  ଗୁରୁଚାପ ବଳୟ ଏବଂ ବାୟୁମଣ୍ଡଳର ଉପରି ଭାଗରେ ଏକ ନିମ୍ନ ଚାପ ରେଖା ସୃଷ୍ଟି ହେବାର ଯଥେଷ୍ଟ ସମ୍ଭାବନା ରହିଛି । ଏହାରି ପ୍ରଭାବରେ ରାଜ୍ୟରେ କାଳବୈଶାଖୀ ବର୍ଷା ହେବା ନେଇ ପୂର୍ବାନୁମାନ କରିଛି  ଆଞ୍ଚଳିକ ପାଣିପାଗ କେନ୍ଦ୍ର । ଖାଲି ସେତିକି ନୁହେଁ ଏହି ଗୁରୁଚାପ ବଳୟ ପ୍ରଭାବରେ ଆଗାମୀ ୭ ଦିନ ଯାଏଁ ରାଜ୍ୟରେ ବର୍ଷା ସମ୍ଭାବନା ରହିଛି।