କାଶୀ ଦର୍ଶନ ପରେ ରେଷ୍ଟୁରାଣ୍ଟରେ ଚାଟ୍‌ ଖାଇଲେ ନୀତା, ଦୋକାନୀକୁ ପଚାରିଲେ ଏହାର ରେସିପି

ନୂଆଦିଲ୍ଲୀ ୨୫।୦୬: ଦେଶର ବୃହତ୍ତମ ଶିଳ୍ପପତି ମୁକେଶ ଅମ୍ବାନୀ ଏବଂ ତାଙ୍କ ପତ୍ନୀ ନୀତା ଅମ୍ବାନୀ। ତାଙ୍କ ସାନପୁଅ ଅନନ୍ତ ଅମ୍ବାନୀ ଖୁବ୍ ଶୀଘ୍ର ରାଧିକା ମର୍ଚାଣ୍ଟଙ୍କ ସହ ବିବାହ କରିବାକୁ ଯାଉଛନ୍ତି। ଉଭୟଙ୍କ ବିବାହ ଆସନ୍ତା ମାସରେ ୧୨ ଜୁଲାଇରେ ହେବାକୁ ଯାଉଛି। ଯେଉଁଥିପାଇଁ ଅମ୍ବାନୀ ପରିବାର ବିବାହ ପ୍ରସ୍ତୁତିରେ ବ୍ୟସ୍ତ ଅଛନ୍ତି ।ଏହି ସମୟରେ ରିଲାଏନ୍ସ ଫାଉଣ୍ଡେସନର ପ୍ରତିଷ୍ଠାତା ତଥା ଅଧ୍ୟକ୍ଷ ନୀତା ଅମ୍ବାନୀ ତାଙ୍କ ପୁଅର ବିବାହ ନିମନ୍ତ୍ରଣ ସହ କାଶୀ ବିଶ୍ୱନାଥଙ୍କୁ ଦର୍ଶନ କରିବାକୁ ଆସିଥିଲେ।

#WATCH | Varanasi, Uttar Pradesh: Founder and Chairperson of Reliance Foundation Nita Ambani visits a chaat shop and interacts with locals pic.twitter.com/1QIY4Ha0xs— ANI (@ANI) June 24, 2024

ଯେଉଁଠାରେ ସେ କାଶୀ ବାବାଙ୍କ ପାଦରେ ବିବାହ ନିମନ୍ତ୍ରଣ ରଖିଥିଲେ ଏବଂ ପରିବାର ପାଇଁ ଆଶୀର୍ବାଦ ନେଇଥିଲେ । ଏହି ସମୟରେ ସୋସିଆଲ ମିଡିଆରେ ତାଙ୍କର ଆଉ ଏକ ଭିଡିଓ ଭାଇରାଲ ହେବାରେ ଲାଗିଛି । ଯାହା ଅନେକ ଲୋକଙ୍କ ଦୃଷ୍ଟି ଆକର୍ଷଣ କରୁଛି। ବାସ୍ତବରେ, କାଶୀ ବିଶ୍ୱନାଥଙ୍କୁ ଦେଖା କରିବା ପରେ ନୀତା ଅମ୍ବାନୀ କାଶୀରେ ଏକ ଛୋଟ ରେଷ୍ଟୁରାଣ୍ଟରେ ବସି ଚାଟ ଖାଇବାର ମଜା ଉଠାଇଥିଲେ ।  ଭିଡିଓରେ ତାଙ୍କ ସହ ଅନ୍ୟ କିଛି ଲୋକ ମଧ୍ୟ ନଜର ଆସିଛନ୍ତି। 

#WATCH | Uttar Pradesh: Reliance Foundation Founder and Chairperson, Nita Ambani leaves the Kashi Vishwanath Temple, Varanasi, after offering prayers. pic.twitter.com/k40VXPezDK— ANI (@ANI) June 24, 2024

କେବଳ ଏତିକି ନୁହେଁ, ଅରବର ମାଲିକାଣୀ ନୀତା ଅମ୍ବାନୀଙ୍କ ଏହି ଅନନ୍ୟ ଶୈଳୀ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ । ସମସ୍ତେ ନିଜ କ୍ୟାମେରାରେ ଏହି ବିଶେଷ ମୁହୂର୍ତ୍ତ ଗୁଡ଼ିକୁ କ୍ୟାପଚର କରିବାକୁ ଆଗ୍ରହୀ ମନେ ହେଉଥିଲେ। ଭିଡିଓରେ ଥିବାବେଳେ ନୀତା ଅମ୍ବାନୀ ବିଭିନ୍ନ ପ୍ରକାରର ଚାଟ୍ ଖାଉଥିବାର ଦେଖିବାକୁ ମିଳୁଛି। ଯାହାକୁ ସେ ଏତେ ପସନ୍ଦ କରନ୍ତି ଯେ ସେ ଦୋକାନୀଙ୍କୁ ଏହାର ରେସିପି ମଧ୍ୟ ପଚାରିଛନ୍ତି ।  ନୀତା ଅମ୍ବାନୀଙ୍କ ଏହି ଭିଡିଓକୁ ବହୁତ ପସନ୍ଦ କରାଯାଉଛି। ଭିଡିଓରେ ନୀତାଙ୍କର ଏହି ଶୈଳୀକୁ ସମସ୍ତେ ପସନ୍ଦ କରୁଛନ୍ତି।