କାହିଁକି କେବେ ମିଳେନା ଚୋରି ହୋଇଥିବା ସ୍ମାର୍ଟ ଫୋନ? କୁଆଡେ ଯାଏ ଏହି ଫୋନ ଜାଣନ୍ତୁ ପୂରା ଘଟଣା

ନୂଆଦିଲ୍ଲୀ,୭।୧୨: ଦିଲ୍ଲୀ-ଏନସିଆର ହେଉ କିମ୍ବା ଅନ୍ୟ କୌଣସି ସହର, ସ୍ମାର୍ଟଫୋନ ଚୋରି ହେବାର ଘଟଣା ବହୁତ ଘଟିଥାଏ। କେବଳ ଭାରତରେ ନୁହେଁ, ଲଣ୍ଡନରୁ ନ୍ୟୁୟର୍କ ପର୍ଯ୍ୟନ୍ତ ସମଗ୍ର ବିଶ୍ୱରେ ଲୋକମାନେ ଏହା ଦ୍ୱାରା ଅସୁବିଧାରେ ପଡ଼ନ୍ତି। ଚୋରମାନେ ଏହି ଚୋରି ଫେଶନକୁ ବିକ୍ରି କରିପାରିବେ ନାହିଁ କାରଣ ଅନେକ ଉପାୟ ଅଛି ଯାହା ମାଧ୍ୟମରେ ଚୋରକୁ ସହଜରେ ଧରିହେବ। ତେବେ ଚୋରି ହୋଇଥିବା ଫୋନ କୁଆଡେ ଯାଏ? ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଆପଣଙ୍କ ହାତରୁ ଛଡ଼ାଯାଇଥିବା ଫୋନ କିଛି ଦିନ ମଧ୍ୟରେ ଚାଇନାରେ ପହଞ୍ଚି ଯାଏ। ଆଶ୍ଚର୍ଯ୍ୟ ହୁଅନ୍ତୁ ନାହିଁ, ଏହା ସତ ଅଟେ । ପୁରା ଘଟଣା ଜାଣି ଆପଣ ନିଶ୍ଚିତ ଭାବରେ ଆଶ୍ଚର୍ଯ୍ୟ ହେବେ।
ଡେଲି ମେଲର ରିପୋର୍ଟ ଅନୁଯାୟୀ ଚାଇନାରେ ଏହାର ଏକ ବଡ ବ୍ୟବସାୟ ରହିଛି। ସେମାନଙ୍କର ଦଲାଲମାନେ ସମଗ୍ର ବିଶ୍ୱରେ ବ୍ୟାପିଛନ୍ତି । ଫୋନ ଚୋରି ହେବା ମାତ୍ରେ ଏହାକୁ ସୁଇଚ ଅଫ ରଖାଯାଏ । ତା’ପରେ କିଛି ଘଣ୍ଟା ମଧ୍ୟରେ ଏହା ଦଲାଲକୁ ଦିଆଯାଏ। ଯେତେବେଳେ ଦଲାଲ ପାଖରେ ପ୍ରାୟ ୧୦୦ ଟି ଫୋନ ଥାଏ, ସେଗୁଡିକ ସମୁଦ୍ର ମାର୍ଗ ଦେଇ ଚାଇନାକୁ ପଠାଯାଏ।

ଲଣ୍ଡନରେ ଚୋରି ହୋଇଥିବା ଫୋନ ସମୁଦ୍ର ପଥ ଦେଇ ଚାଇନାରେ ପହଞ୍ଚେ। ୪୦୦୦ରୁ ଅଧିକ ଆପଲ ଆଇଫୋନ ଉପରେ ଗବେଷଣା ପରେ ଲଣ୍ଡନ ପୋଲିସ ଏହା ପ୍ରକାଶ କରିଛି। ବିଶେଷ କଥା ହେଉଛି ଏହି ଫୋନଗୁଡିକର ୭୦ ପ୍ରତିଶତ ଏପରି ଥିଲା ଯେ ସେଗୁଡ଼ିକରେ ସ୍କ୍ରିନ ଲକ ଇନଷ୍ଟଲ କରାଯାଇଥିଲା । ଯେତେବେଳେ ଆପଲ ଏହା ବିଷୟରେ ଜାଣିଲା, ସେମାନେ ଏହାକୁ ନେଟୱାର୍କ ସହିତ ସଂଯୋଗ କରିବାକୁ ଚେଷ୍ଟା କଲେ। ପ୍ରକାଶ ଯେ, ଚୋରି ହୋଇଥିବା ଫୋନର ୮୦ ପ୍ରତିଶତ ବିଦେଶକୁ ପଠାଯାଇଛି। ସେଥିମଧ୍ୟରୁ ୨୮% ଫୋନ ଆଲଜେରିଆରେ, ୨୦% ଚାଇନାରେ ଏବଂ ୭% ହଂକଂରେ ମିଳିଥିଲା। ପାକିସ୍ତାନରେ ୩ପ୍ରତିଶତ ଫୋନ ମଧ୍ୟ ସଂଯୋଗ ହୋଇଥିଲା।
ଚାଇନାର ଶେନଜେନ ସହର ଏକଦା ହଂକଂର ଉତ୍ତରରେ ଏକ ମତ୍ସ୍ୟଜୀବୀ ଗ୍ରାମ ଥିଲା। ଆଜିକାଲି ଏହା ଚୋରି ହୋଇଥିବା ଫୋନର ଆଡ୍ଡା ସ୍ଥଳ ପାଲଟି ଯାଇଛି। ଚାଇନା ଏହାକୁ ସିଲିକନ ଭ୍ୟାଲି ବୋଲି କହୁଛି, କିନ୍ତୁ ସେକେଣ୍ଡ ହ୍ୟାଣ୍ଡ ଫୋନ ପାଇଁ ଏହା ବିଶ୍ୱର ସର୍ବବୃହତ ବଜାର। ଏଠାରେ କୌଣସି ନିୟମ ନାହିଁ।

-ଏଠାରେ ଏପରି ବିଶେଷଜ୍ଞ ଅଛନ୍ତି ଯେଉଁମାନେ ଫୋନ ପହଞ୍ଚିବା ମାତ୍ରେ ଫୋନକୁ ଅନଲକ କରନ୍ତି। ସେମାନେ ତୁରନ୍ତ ଏହାକୁ ଫ୍ୟାକ୍ଟ୍ରି ସେଟିଙ୍ଗକୁ ଫେରାଇ ଆଣି ସେକେଣ୍ଡ ହ୍ୟାଣ୍ଡରେ ବିକ୍ରି କରନ୍ତି। ଯଦି ପୁରା ଫୋନ ବିକ୍ରି ହୋଇପାରିବ ନାହିଁ, ତେବେ ଏହା ଭାଙ୍ଗି ଦିଆଯାଏ। ତା’ପରେ ଏହାର ସ୍କ୍ରିନ, ମଦରବୋର୍ଡ ଏବଂ ସ୍ପିକରଗୁଡିକ ପୃଥକ ଭାବରେ ବିକ୍ରି ହୁଏ। ଅନେକ ଥର ଏହା ଏକ ନୂଆ ହ୍ୟାଣ୍ଡସେଟରେ ଫିଟ ହୋଇ ବିକ୍ରି ହୁଏ।
– ଅନେକ ଥର ଏହା ଅପରାଧୀଙ୍କୁ ବିକ୍ରି ହୁଏ। ସେମାନେ ତଥ୍ୟ ଚୋରି କରି କଲ ସେଣ୍ଟରକୁ ବିକ୍ରି କରନ୍ତି। ସେଠାରୁ ଆପଣଙ୍କ ସମ୍ପର୍କୀୟମାନେ ଫୋନ କଲ ଦ୍ୱାରା ହଇରାଣ ହେଉଛନ୍ତି । ଅନେକ ଥର ବ୍ୟାଙ୍କ ଆକାଉଣ୍ଟରୁ ଟଙ୍କା ମଧ୍ୟ ଚୋରି ହୋଇଥାଏ।

The post କାହିଁକି କେବେ ମିଳେନା ଚୋରି ହୋଇଥିବା ସ୍ମାର୍ଟ ଫୋନ? କୁଆଡେ ଯାଏ ଏହି ଫୋନ ଜାଣନ୍ତୁ ପୂରା ଘଟଣା appeared first on Dharitri Odia News.