କ୍ରିକେଟରେ ହାଇଡ୍ରାମା! ଅଧିନାୟକ କଥା ନ ଶୁଣିବାରୁ ମଇଦାନ ଛାଡ଼ି ପଳାଇଲେ ବୋଲର୍
ନୂଆଦିଲ୍ଲୀ,୭।୧୧: ଇଂଲଣ୍ଡ ବିପକ୍ଷରେ ଖେଳାଯାଉଥିବା ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ଶେଷ ମ୍ୟାଚ୍ରେ ଓ୍ବେଷ୍ଟଇଣ୍ଡିଜ୍ ଦଳ ଚମତ୍କାର ପ୍ରଦର୍ଶନ କରି ବିଜେତା ହୋଇଥିଲା। ଏଥିସହିତ ସେମାନେ ସିରିଜକୁ ୨-୧ରେ ଜିିତିଥିଲେ। ତେବେ ମ୍ୟାଚ୍ରେ ଦଳର ପ୍ରଦର୍ଶନ ଜବରଦସ୍ତ ଥିଲେ ହେଁ ଏଥିରେ ଏଭଳି କିଛି ଘଟିଥିଲା ଯାହା ଅଧିନାୟକ ଭାବେ ଶାଇ ହୋପଙ୍କ ସମ୍ମାନ ଉପରେ ପ୍ରଶ୍ନ ଉଠାଇଛି। କାରଣ ଦ୍ରୁତ ବୋଲର୍ ଅଲଜାରି ଜୋସେଫ ମେଡେନ୍ ଓଭର ପକାଇବା ପରେ ରାଗରେ ମଇଦାନ ଛାଡ଼ି […] The post କ୍ରିକେଟରେ ହାଇଡ୍ରାମା! ଅଧିନାୟକ କଥା ନ ଶୁଣିବାରୁ ମଇଦାନ ଛାଡ଼ି ପଳାଇଲେ ବୋଲର୍ appeared first on Dharitri Odia News.
ନୂଆଦିଲ୍ଲୀ,୭।୧୧: ଇଂଲଣ୍ଡ ବିପକ୍ଷରେ ଖେଳାଯାଉଥିବା ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ଶେଷ ମ୍ୟାଚ୍ରେ ଓ୍ବେଷ୍ଟଇଣ୍ଡିଜ୍ ଦଳ ଚମତ୍କାର ପ୍ରଦର୍ଶନ କରି ବିଜେତା ହୋଇଥିଲା। ଏଥିସହିତ ସେମାନେ ସିରିଜକୁ ୨-୧ରେ ଜିିତିଥିଲେ। ତେବେ ମ୍ୟାଚ୍ରେ ଦଳର ପ୍ରଦର୍ଶନ ଜବରଦସ୍ତ ଥିଲେ ହେଁ ଏଥିରେ ଏଭଳି କିଛି ଘଟିଥିଲା ଯାହା ଅଧିନାୟକ ଭାବେ ଶାଇ ହୋପଙ୍କ ସମ୍ମାନ ଉପରେ ପ୍ରଶ୍ନ ଉଠାଇଛି। କାରଣ ଦ୍ରୁତ ବୋଲର୍ ଅଲଜାରି ଜୋସେଫ ମେଡେନ୍ ଓଭର ପକାଇବା ପରେ ରାଗରେ ମଇଦାନ ଛାଡ଼ି ପଳାଇଥିବା ନଜର ଆସିଛନ୍ତି।
ପ୍ରଥମ ଇନିଂସର ଚତୁର୍ଥ ଓଭରରେ ଏହି ଘଟଣା ଘଟିଥିଲା। ଜୋସେଫ ଜୋର୍ଡାନ କକ୍ସଙ୍କୁ ବୋଲିଂ କରୁଥିଲେ। ଓଭରର ପ୍ରଥମ ବଲ୍ ପରେ ଜୋସେଫ ଫିଲ୍ଡିଂକୁ ନେଇ ଅସନ୍ତୁଷ୍ଟ ଦେଖାଯାଉଥିଲେ। ଫଲୋ ଥ୍ରୁ ପରେ ସେ ହାତ ହଲାଇ କିଛି କହୁଥିବା ନଜର ଆସିଥିଲେ। ଓଭରର ଚତୁର୍ଥ ବଲ୍ରେ ସେ କକ୍ସଙ୍କୁ ଆଉଟ୍ କରିବାକୁ ନେଇ ବଲ୍ ପକାଇଥିଲେ। ଏହା ଓ୍ବେଷ୍ଟଇଣ୍ଡିଜ୍ ଅଧିନାୟକ ଶାଇ ହୋପ୍ଙ୍କ ହାତକୁ ଚାଲି ଯାଇଥିଲା।
ଏହାପରେ ଇଂଲଣ୍ଡ ବ୍ୟାଟ୍ସମ୍ୟାନ୍ ଗୋଟିଏ ବଲ୍କୁ ଅଟକାଇ ପରବର୍ତ୍ତୀ ବଲ୍ରେ ଆଉଟ୍ ହୋଇଥିଲେ। ତେବେ ବ୍ୟାଟ୍ସମ୍ୟାନ୍ଙ୍କୁ ଆଉଟ୍ ହେବା ପରେ ମଧ୍ୟ ଓ୍ବେଷ୍ଟଇଣ୍ଡିଜର ଦ୍ରୁତ ବୋଲର ଅସନ୍ତୁଷ୍ଟ ଥିବାରୁ ପଡ଼ିଆରେ ଅଧିନାୟକଙ୍କ ସହ ତୀବ୍ର ଯୁକ୍ତିତର୍କ ହୋଇଥିଲା। ଜୋସେଫ ବିନା ରନ୍ ଦେଇ ଓଭର ସମାପ୍ତ କରିବା ପରେ ରାଗି ଯାଇ ମଇଦାନରୁ ଚାଲିଆସିଥିଲେ। ସେ ୫ମ ଓଭର ଶେଷ ହେବା ପରେ ମଇଦାନକୁ ଫେରିଥିଲେ ହେଲେ ତାଙ୍କୁ ବୋଲିଂରୁ ହଟାଇ ଦିଆଯାଇଥିଲା। ତାଙ୍କ ସ୍ଥାନରେ ରୋମାରିଓ ଶେଫଙ୍କୁ ସାମିଲ କରାଯାଇଥିଲା।
Gets angry!
Bowls a wicket maiden
Leaves
An eventful start to the game for Alzarri Joseph!
#WIvENGonFanCode pic.twitter.com/2OXbk0VxWt
— FanCode (@FanCode) November 6, 2024
The post କ୍ରିକେଟରେ ହାଇଡ୍ରାମା! ଅଧିନାୟକ କଥା ନ ଶୁଣିବାରୁ ମଇଦାନ ଛାଡ଼ି ପଳାଇଲେ ବୋଲର୍ appeared first on Dharitri Odia News.
