ଖସୁଛି ରାତିର ତାପମାତ୍ରା, ବଢ଼ୁଛି ଶୀତ; ୧୫ ଡିଗ୍ରୀ ତଳେ ୭ ସହର, ସବୁଠୁ ଥଣ୍ଡା ଜି. ଉଦୟଗିରି

ଭୁବନେଶ୍ୱର,୧୭/୧୧: ରାତିର ତାପମାତ୍ରା ହ୍ରାସ ପାଉଛି । ରାଜ୍ୟର ଅନେକ ସ୍ଥାନରେ ପାରଦ ୧ରୁ ୨ ଡିଗ୍ରୀ ପର୍ଯ୍ୟନ୍ତ ଖସିଛି । କନ୍ଧାମାଳର ଜି. ଉଦୟଗିରିରେ ସବୁଠୁ ଥଣ୍ଡା ସ୍ଥାନ । ଏଠାରେ ରାତି ତାପମାତ୍ରା ୯ ଡିଗ୍ରୀ ରହିଛି । ସେହିପରି ରାଜ୍ୟର ୭ ସହରର ତାପମାତ୍ରା ୧୫ ଡିଗ୍ରୀ ତଳେ ରହିଛି ।   

ଦାରିଙ୍ଗିବାଡ଼ି ଓ ଫୁଲବାଣୀରେ ସର୍ବନିମ୍ନ ତାପମାତ୍ରା ୧୨.୫ ଡିଗ୍ରୀ ରେକର୍ଡ ହୋଇଛି । ରାଉରକେଲାରେ   ଏହା ୧୨.୭ ଡିଗ୍ରୀ ରହିଛି । ଅନୁଗୁଳ ଓ ଝାରସୁଗୁଡ଼ାରେ ୧୩ ଡିଗ୍ରୀ ରେକର୍ଡ ହୋଇଛି । ଅନୁଗୁଳରେ ରାତି ତାପମାତ୍ରା ସବୁଠୁ ଅଧିକ ବା ୪.୮ ଡିଗ୍ରୀ   ଖସିଛି । ଝାରସୁଗୁଡ଼ାରେ ୪.୧ଡିଗ୍ରୀ, ଭୁବନେଶ୍ୱରରେ ୨ ଡିଗ୍ରୀ, କଟକରେ ୧.୭ ଡିଗ୍ରୀ, ଭବାନୀପାଟଣାରେ ୧.୫,  ଗୋପାଳପୁରରେ ୧.୩, ଚାନ୍ଦବାଲିରେ  ୧.୨, ବାଲେଶ୍ୱରରେ ୧, ବାରିପଦାରେ ୧.୨ ଡିଗ୍ରୀ ସେଲସିୟସ୍‌ ଖସିଛି ।  

ଗତକାଲି ରାଉରକେଲାରେ  ରାତି ତାପମାତ୍ରା ୧୩.୯ଡିଗ୍ରୀ ଥିଲା ।  ଶନିବାର ଏହା ପ୍ରାୟ ୧.୫ ଡିଗ୍ରୀ ଖସିଛି ।  ଆହୁରି ଅନେକ ସ୍ଥାନରେ ରାତି ତାପମାତ୍ରା ଖସିଯାଇଛି । ୭ ସହରର ତାପମାତ୍ରା ୧୫ ଡିଗ୍ରୀ ତଳେ ରହିଛି । କେନ୍ଦୁଝରରେ ୧୪.୫, ଭବାନୀପାଟଣାରେ ୧୪.୮,   ଭଦ୍ରକ ଓ ସୁନ୍ଦରଗଡ଼ରେ ରାତି ତାପମାତ୍ରା ୧୫  ଡିଗ୍ରୀ ରେକର୍ଡ ହୋଇଛି ।