ଗଠନ ହେଲା ୫୪ ବିପର୍ଯ୍ୟୟ ପରିଚାଳନା କମିଟି, ଦୈବୀ ଦୁର୍ବିପାକ ମୁକାବିଲାରେ…

ଭଞ୍ଜନଗର,୨୫ା୪(ବାବୁଲା ପ୍ରଧାନ): ଗଞ୍ଜାମ ଜିଲା ବିପର୍ଯ୍ୟୟ ପ୍ରଶମନ ସମିତି ଓ ଓସ୍‌ଡିଏମା ସହାୟତାରେ ଭଞ୍ଜନଗର ବ୍ଲକ ପ୍ରଶାସନ ସହଯୋଗରେ ବାର୍ଡ ସଂସ୍ଥା ଦ୍ୱାରା ଭଞ୍ଜନଗରରେ ବ୍ଲକରେ ଥିବା ୧୦ଟି କୁଲାଡ଼,ଗୋଲାପଡା, ବାଉଁଶଲୁଣ୍ଡି, ଡିହପଢାଳ , ତୁରୁମୁ,ତିଳିଶିଙ୍ଗୀ,ବ୍ରାହ୍ମଣପଦର, ଦୋମୁହାଣି, ହରିଗଡ଼ ଓ ଗାଲେରୀ ପଞ୍ଚାୟତର ୫୪ଟି ରାଜସ୍ବ ଗ୍ରାମରେ ଗ୍ରାମ୍ୟସ୍ତରୀୟ ବିପର୍ଯ୍ୟୟ ପରିଚାଳନା କମିଟି ଶୁକ୍ରବାର ଗଠିତ ହୋଇଛି।

ଉକ୍ତ ରାଜସ୍ବ ଗ୍ରାମର ଓ୍ବାର୍ଡ ସଭ୍ୟ, ଅଙ୍ଗନଓ୍ବାଡି କର୍ମୀ, ଆଶା, ଶିକ୍ଷକ, ସ୍ବୟଂ ସହାୟକ ଦଳ ସଭ୍ୟ ଓ ଗାଁ ସ୍ବେଚ୍ଛାସେବୀଙ୍କୁ ନେଇ ଗ୍ରାମ୍ୟସ୍ତରୀୟ ବିପର୍ଯ୍ୟୟ ପରିଚାଳନା କମିଟି ଗଠିତ କରାଯାଇଛି। ଯାହାକୁ ୨୧ଟି ଦୈବୀ ଦୁର୍ବିପାକ ତୁଷାରପାତ, ଭୂତାଣୁ ସଂକ୍ରମଣ, ସାପକାମୁଡ଼ା, ରାସାୟନିକ ବିକରଣ, ଶିତ ଲହରୀ, ବାତ୍ୟା, ନୌକା ଦୁର୍ଘଟଣା, କୀଟ ଆକ୍ରମଣରେ ଫଶଲ ନଷ୍ଟ, ବାଦଲଫଟା ବର୍ଷା, ରାସ୍ତା ଦୁର୍ଘଟଣା, ମରୁଡି, ଭୂମିକମ୍ପ, ଅଗ୍ନିକାଣ୍ଡ, ବନ୍ୟା, ଜଙ୍ଗଲ ପୋଡି, ଅଂଶୁଘାତ, ଭୁସ୍ପଳନ, ବୁଡ଼ିଯିବା,ବନ୍ୟଜନ୍ତୁ ଓ ମନୁଷ୍ୟ ଲଢେଇ,ବଜ୍ରପାତ, ପରମାଣୁ ବିସ୍ଫୋରଣ, କୁହୁଡା, ସମୁଦ୍ର ସୁନାମୀ ଉପରେ କମିଟି ସଭ୍ୟାସଭ୍ୟଙ୍କୁ ବାର୍ଡ ଅନୁଷ୍ଠାନ ତରଫରୁ ତାଲିମ ଦିଆଯାଇଥିଲା।

ବିଶେଷ କରି ବଜ୍ରପାତ ସମୟରେ ଜଳଉତ୍ସ, ଗଛ ତଳେ, ଇଲେକ୍ଟ୍ରୋନିକ୍‌ ଯୁକ୍ତ ବ୍ୟବହାର, ଖୋଲା ଆକାଶ ଲୋକେ ଓ ଗୃହପାଳିତ ପଶୁକୁ ରହିବା ବାରଣ କରାଯାଉଛି। ଭୂ ବିଜ୍ଞାନ ମନ୍ତ୍ରଣIଳୟ ତଥ୍ୟ ଅନୁସାରେ ଦେଶରେ ଉତ୍ତରପୂର୍ବ ରାଜ୍ୟ, ପଶ୍ଚିମବଙ୍ଗ, ସିକିମ, ଝାଡ଼ଖଣ୍ଡ ଓ ଓଡ଼ିଶା ରାଜ୍ୟ ବଜ୍ରପାତ ପ୍ରବଣ ଅଞ୍ଚଳ ବୋଲି ଘୋଷଣା କରାଯାଇଛି। ପାଞ୍ଚ ସେକେଣ୍ଡରେ ଏକ ମାଇଲ, ୧୫ ସେକେଣ୍ଡରେ ୩ ମାଇଲ ବିଜୁଳି ଘଡ଼ଘଡ଼ି ମାରିପାରିବ, ବଜ୍ରପାତରେ ୨୦୦୦ରୁ ୨୦୨୧ ମଧ୍ୟରେ ୪୯ ହଜାର ଲୋକ ମୃତ୍ୟବରଣ କରିଛନ୍ତି, ଜଳବାୟୁ ଓ ସ୍ଥାନୀୟ ପରିବେଶ ପରିବର୍ତନ ଯୋଗୁ ଆମ ରାଜ୍ୟରେ ୩୬ ପ୍ରତିଶତ ବଢିଛି, ଏକ ହଜାର ବର୍ଗ କିଲୋମିଟରରେ ୬୯ଜଣ ବଜ୍ରପାତରେ ଜୀବନ ହରାଉଛନ୍ତି ଯାହା ଆମ ରାଜ୍ୟ ପ୍ରଥମ ରାଜ୍ୟ ରୂପେ ପରିଗଣିତ ଯାହା ଚିନ୍ତାର କାରଣ ହୋଇଛି ବୋଲି ସାଧନ କର୍ମୀ ବାର୍ଡ ସମ୍ପାଦକ ପ୍ରକାଶ ଚନ୍ଦ୍ର ସାହୁ ତାଲିମ ଦେଇଥିଲେ।

ତାଳଗଛ ରୋପଣ ମାଧ୍ୟମରେ ବଜ୍ରପାତ କିଛି ଅଂଶ କମିପାରିବ ବୋଲି ବନ ବିଭାଗ ବନ କର୍ମଚାରୀ ଶରତ କୁମାର ମହାନ୍ତି କହିଥିଲେ। କ୍ଷୟକ୍ଷତି ଆକଳନ ଓ ଦୈବିଦୁର୍ବିପାକ ବିପର୍ଯ୍ୟୟରେ ଜୀବନ ହାରିଥିବା ପରିବାରକୁ ସରକାରୀ ସାହାଯ୍ୟ କିଭଳି ମିଳିବ ରାଜସ୍ବ ବିଭାଗ ତରଫରୁ ରାଜସ୍ବ ନିରୀକ୍ଷକ ସଂଯୋଗ ମହାପାତ୍ର ସାଧନକର୍ମୀ ଭାବେ ଯୋଗ ଦେଇ ଉପସ୍ଥିତ ଗାଁ କଲ୍ୟାଣ ସମିତି ସଭ୍ୟା ଓ ସଭ୍ୟଙ୍କୁ ପ୍ରଶିକ୍ଷଣ ଦେଇଥିଲେ। ବହୁ ସଂଖ୍ୟାରେ ଆଶା, ଅଙ୍ଗନଓ୍ବାଡ଼ି,ମହିଳା ଗୋଷ୍ଠୀ, ଯୁବକସଂଘ ଓ ଓ୍ବାର୍ଡ ସଭ୍ୟାସଭ୍ୟ ତାଲିମରେ ଅଂଶଗ୍ରହଣ କରିଛନ୍ତି।

The post ଗଠନ ହେଲା ୫୪ ବିପର୍ଯ୍ୟୟ ପରିଚାଳନା କମିଟି, ଦୈବୀ ଦୁର୍ବିପାକ ମୁକାବିଲାରେ… appeared first on Dharitri Odia News.