ଗଣତି ପୂର୍ବରୁ ବଡ ବୟାନ ଦେଲେ ଓମାର ଅବଦୁଲ୍ଲା

ଶ୍ରୀନଗର,୮।୧୦: ଜମ୍ମୁ କଶ୍ମୀରର ୯୦ଟି ବିଧାନସଭା ଆସନ ପାଇଁ ଭୋଟ ଗଣନା ଚାଲିଛି। ପ୍ରଥମ ପର୍ଯ୍ୟାୟ ଗଣନାରେ ଜମ୍ମୁ କଶ୍ମୀରରେ ଭାଜପା ଏବଂ କଂଗ୍ରେସ-ଏନସି ମେଣ୍ଟ ମଧ୍ୟରେ ଏକ କଡା ପ୍ରତିଯୋଗିତା ହେଉଛି। ଏବେ ନ୍ୟାଶନାଲ କନଫରେନ୍ସ ଉପାଧ୍ୟକ୍ଷ ଓମାର ଅବଦୁଲ୍ଲାଙ୍କ ବିବୃତ୍ତି ସାମ୍ନାକୁ ଆସିଛି। ସେ ନିର୍ବାଚନରେ ବିଜୟୀ ହେବେ ବୋଲି ଆଶ କରିଛନ୍ତି। ସେ କହିଛନ୍ତି, ମୁଁ ମୋର ସମସ୍ତ ସହକର୍ମୀଙ୍କୁ ଶୁଭେଚ୍ଛା ଜଣାଉଛି। ଆମେ ଭଲ ଲଢେଇ କରିଛୁ ଏବଂ ବର୍ତ୍ତମାନ ଫଳାଫଳ ମଧ୍ୟ ଭଲ ହେବ।
ଓମାର ଅବଦୁଲ୍ଲା ଗାନ୍ଦରବଲ ଏବଂ ବୁଡଗାମରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସେ କହିଛନ୍ତି, ଆମେ ଆଶା କରୁଛୁ ଯେ ଆମେ ଜିତିବୁ। ମଙ୍ଗଳବାର ଅପରାହ୍ନ ସୁଦ୍ଧା ଜମ୍ମୁ କଶ୍ମୀରର ଭୋଟରମାନେ କ’ଣ ନିଷ୍ପତ୍ତି ନେଇଛନ୍ତି ତାହା ଜଣାପଡିବ। ଭୋଟ ଗଣନାରେ ସ୍ବଚ୍ଛତା ରହିବା ଉଚିତ୍‌ ବୋଲି ସେ କହିଛନ୍ତି।
ଏହାପୂର୍ବରୁ ସୋମବାର ଓମାର ଅବଦୁଲ୍ଲା କହିଥିଲେ ଯେ ପିଡିପି ସମର୍ଥନ ପ୍ରଦାନ କରି ନାହିଁ ଏବଂ ଫଳାଫଳ ଘୋଷଣା ନହେବା ପର୍ଯ୍ୟନ୍ତ ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇବାକୁ ଆହ୍ବାନ ଦେଇଛି। ସେ ତାଙ୍କ ପିତା ଫାରୁକ ଅବଦୁଲ୍ଲାଙ୍କ ବିବୃତ୍ତି ଉପରେ ମନ୍ତବ୍ୟ ଦେଉଥିଲେ ଯେ ନ୍ୟାଶନାଲ କନଫରେନ୍ସ-କଂଗ୍ରେସ ମିଳିତ ମଞ୍ଚ ପିଡିପିର ସମର୍ଥନ ନେବ, ଯଦିଓ ଏହାର ଆବଶ୍ୟକତା ନାହିଁ, କାରଣ ଆମକୁ ଏକାଠି ଆଗକୁ ବଢିବାକୁ ପଡିବ।
ଓମାର ଅବଦୁଲ୍ଲା ଟୁଇଟରରେ ଏକ ପୋଷ୍ଟରେ କହିଛନ୍ତି ଯେ ସେମାନେ ସମର୍ଥନ କରିନାହାଁନ୍ତି ଏବଂ ଭୋଟରମାନେ କ’ଣ ନିଷ୍ପତ୍ତି ନେଇଛନ୍ତି ତାହା ଆମେ ଜାଣି ନାହୁଁ ଏହି ସମସ୍ତ କଳ୍ପନାକୁ ବନ୍ଦ କରାଯାଉ।

The post ଗଣତି ପୂର୍ବରୁ ବଡ ବୟାନ ଦେଲେ ଓମାର ଅବଦୁଲ୍ଲା appeared first on Dharitri Odia News.