ଗାଈକୁ ବଞ୍ଚାଇବାକୁ ଯାଇ ଜୀବନ ଗଲା , କୂଅରେ ବିଷାକ୍ତ ଗ୍ୟାସ୍ ଯୋଗୁଁ ୫ ଲୋକଙ୍କ ମୃତ୍ୟୁ
ଗୁନା : ମଧ୍ୟ ପ୍ରଦେଶର ଗୁନାରେ ଘଟିଛି ଏକ ଦୁଃଖଦ ଘଟଣା। ଗାଈକୁ ବଞ୍ଚାଇବାକୁ ଯାଇ ୫ଜଣ ଲୋକଙ୍କ ମୃତ୍ୟୁ ହେବା ଖବର ସାମ୍ନାକୁ ଆସିଛି। ଜଣଙ୍କର ସ୍ଥିତି ଖୁବ୍ ଗୁରୁତର ଥିବା କୁହାଯାଉଛି। ମୃତ୍ୟୁର କାରଣ କୂଅରୁ ନିର୍ଗତ ହେଉଥିବା ବିଷାକ୍ତ ଗ୍ୟାସ୍, ଯାହାକୁ ନିଃଶ୍ୱାସ ନେବା ଦ୍ୱାରା ୫ ଜଣଙ୍କର ଜୀବନ ଯାଇଛି ଏବଂ ବାହାରକୁ ଆସିବା ପୂର୍ବରୁ ପ୍ରାଣ ହରାଇଛନ୍ତି। ଏହି ଭୟାନକ ଦୁର୍ଘଟଣା ଧରନାବଦା ଗାଁରେ ମଙ୍ଗଳବାର ସମୟ ପାଖାପାଖି ସକାଳ ୧୦ଟାରେ ହୋଇଛି। ସୂଚନା ଆଧାରରେ ଏହି କୂଅ ଆମ୍ୱ ବଗିଚାରେ ତିଆରି ହୋଇଛି। ମଙ୍ଗଳବାର ସକାଳେ ଠିକାଦାରଙ୍କର ଲୋକେ ଆମ୍ୱ ତୋଳିବା ପାଇଁ ସେଠାରେ ପହଞ୍ଚି ଥିଲେ, ସେତେବେଳେ ଗାଈର ବାଛୁରୀ ସେଠାରେ ବୁଲୁ ଥିବା ବେଳେ କୂଅରେ ଖସି ପଡ଼ି ଥିଲା। ଏହାପରେ ତାକୁ ବଞ୍ଚାଇବା ପାଇଁ ଗୋଟିଏ ପରେ ଗୋଟିଏ କରି ୬ଜଣ ଲୋକ କୂଅ ଭିତରକୁ ଗଲେ। ହେଲେ ତଳକୁ ଯିବା କ୍ଷଣି ସମସ୍ତେ ଗୋଟିଏ ହିଁ ସମସ୍ୟାରେ ପଡ଼ି ଗଲେ। ସମସ୍ତେ ଶ୍ୱାସରୁଦ୍ଧ ହୋଇଗଲେ। ଚାରିଆଡ଼େ ଭୟଙ୍କର ମାହୋଲ ଖେଳି ଗଲା। ତୁରନ୍ତ ଘଟଣାର ସୂଚନା ଏସଡିଆରଏଫ୍ଙ୍କ ସମେତ ପୁଲିସ ଓ ପ୍ରଶାସନର ଅନ୍ୟ ୟୁନିଟ୍କୁ ଦିଆଗଲା। ଘଟଣାର ସୂଚନା କଲେକ୍ଟର କିଶୋର କୁମାର କନ୍ୟାଲ, ଏସପି ଅଙ୍କିତ ସୋନି, GAIL ର CISF ୟୁନିଟ୍, ଏସଡିଇଆରଏଫ୍ ସମେତ ପୁଲିସ ଓ ପ୍ରଶାସନର ଟିମ୍ ଘଟଣା ସ୍ଥଳରେ ପହଞ୍ଚି ଥିଲା ଏବଂ ରେସ୍କ୍ୟୁ ଆରମ୍ଭ କରିଥିଲା। ଗୋଟି ଗୋଟି କରି ମୃ
ଗୁନା : ମଧ୍ୟ ପ୍ରଦେଶର ଗୁନାରେ ଘଟିଛି ଏକ ଦୁଃଖଦ ଘଟଣା। ଗାଈକୁ ବଞ୍ଚାଇବାକୁ ଯାଇ ୫ଜଣ ଲୋକଙ୍କ ମୃତ୍ୟୁ ହେବା ଖବର ସାମ୍ନାକୁ ଆସିଛି। ଜଣଙ୍କର ସ୍ଥିତି ଖୁବ୍ ଗୁରୁତର ଥିବା କୁହାଯାଉଛି। ମୃତ୍ୟୁର କାରଣ କୂଅରୁ ନିର୍ଗତ ହେଉଥିବା ବିଷାକ୍ତ ଗ୍ୟାସ୍, ଯାହାକୁ ନିଃଶ୍ୱାସ ନେବା ଦ୍ୱାରା ୫ ଜଣଙ୍କର ଜୀବନ ଯାଇଛି ଏବଂ ବାହାରକୁ ଆସିବା ପୂର୍ବରୁ ପ୍ରାଣ ହରାଇଛନ୍ତି। ଏହି ଭୟାନକ ଦୁର୍ଘଟଣା ଧରନାବଦା ଗାଁରେ ମଙ୍ଗଳବାର ସମୟ ପାଖାପାଖି ସକାଳ ୧୦ଟାରେ ହୋଇଛି।
ସୂଚନା ଆଧାରରେ ଏହି କୂଅ ଆମ୍ୱ ବଗିଚାରେ ତିଆରି ହୋଇଛି। ମଙ୍ଗଳବାର ସକାଳେ ଠିକାଦାରଙ୍କର ଲୋକେ ଆମ୍ୱ ତୋଳିବା ପାଇଁ ସେଠାରେ ପହଞ୍ଚି ଥିଲେ, ସେତେବେଳେ ଗାଈର ବାଛୁରୀ ସେଠାରେ ବୁଲୁ ଥିବା ବେଳେ କୂଅରେ ଖସି ପଡ଼ି ଥିଲା। ଏହାପରେ ତାକୁ ବଞ୍ଚାଇବା ପାଇଁ ଗୋଟିଏ ପରେ ଗୋଟିଏ କରି ୬ଜଣ ଲୋକ କୂଅ ଭିତରକୁ ଗଲେ। ହେଲେ ତଳକୁ ଯିବା କ୍ଷଣି ସମସ୍ତେ ଗୋଟିଏ ହିଁ ସମସ୍ୟାରେ ପଡ଼ି ଗଲେ। ସମସ୍ତେ ଶ୍ୱାସରୁଦ୍ଧ ହୋଇଗଲେ। ଚାରିଆଡ଼େ ଭୟଙ୍କର ମାହୋଲ ଖେଳି ଗଲା।
ତୁରନ୍ତ ଘଟଣାର ସୂଚନା ଏସଡିଆରଏଫ୍ଙ୍କ ସମେତ ପୁଲିସ ଓ ପ୍ରଶାସନର ଅନ୍ୟ ୟୁନିଟ୍କୁ ଦିଆଗଲା। ଘଟଣାର ସୂଚନା କଲେକ୍ଟର କିଶୋର କୁମାର କନ୍ୟାଲ, ଏସପି ଅଙ୍କିତ ସୋନି, GAIL ର CISF ୟୁନିଟ୍, ଏସଡିଇଆରଏଫ୍ ସମେତ ପୁଲିସ ଓ ପ୍ରଶାସନର ଟିମ୍ ଘଟଣା ସ୍ଥଳରେ ପହଞ୍ଚି ଥିଲା ଏବଂ ରେସ୍କ୍ୟୁ ଆରମ୍ଭ କରିଥିଲା। ଗୋଟି ଗୋଟି କରି ମୃତଦେହକୁ କୂଅରୁ ବାହାରକୁ ଅଣାଯାଇ ହସ୍ପିଟାଲ ନିଆଗଲା।
ଗୁନା କଲେକ୍ଟର କିଶୋର କୁମାର କନ୍ୟାଲ କହିଛନ୍ତି ଯେ, କୂଅରେ ସମ୍ଭବତଃ କାର୍ବନ ମନୋକ୍ସାଇଡ୍ ଗ୍ୟାସର ନିର୍ଗତ ହୋଇଛି। ଏବେ ଲ୍ୟାବ୍ ଟେଷ୍ଟ କରାଉଛୁ , ଏହାପରେ ଏହା ଆହୁରି ସ୍ପଷ୍ଟ ହୋଇ ପାରିବ। ଏସଡିଆରଏଫ୍ ଟିମ୍ ମୁତାବିକ , କୂଅରେ ପାଖାପାଖି ୧୨ଫୁଟ୍ ଜଳ ଅଛି। ଏହି କାରଣରୁ ରେସ୍କ୍ୟୁ ଅପରେସନରେ ଖୁବ୍ ସମସ୍ୟା ହେଉଥିଲା, ହେଲେ ଟିମ୍ର ଯବାନ ଅକ୍ସିଜେନ୍ ସିଲିଣ୍ଡର ନେଇ କୂଅକୁ ଓହ୍ଲାଇ ଥିଲେ ଏବଂ ଖଟିଆ ଓ ରଶି ସାହାରାରେ ସମସ୍ତ ୬ ମୃତକଙ୍କୁ କୂଅକୁ ବାହାର କରିଥିଲେ।
