ଚମକି ପଡ଼ିଲେ ଅନୁଷ୍କା, ମୁଣ୍ଡରେ ଦେଲେ ହାତ; NZ ବିପକ୍ଷ ମ୍ୟାଚ୍‌ରେ…

ଦୁବାଇ,୨।୩: ନ୍ୟୁଜିଲାଣ୍ଡ ବିପକ୍ଷରେ ବିରାଟ କୋହଲି ଆଉଟ୍‌ ହେବା ମାତ୍ରେ ଚମକି ପଡ଼ିଥିଲେ ପତ୍ନୀ ଅନୁଷ୍କା ଶର୍ମା। ଦୁବାଇ ମଇଦାନରେ ନିଜର ୩୦୦ତମ ଦିିନିକିଆରେ କିଛି ସ୍ବତନ୍ତ୍ର କରିପାରନ୍ତି ବୋଲି କୋହଲିଙ୍କ ପ୍ରଶଂସକ ଆଶା କରିଥିଲେ। ହେଲେ ନ୍ୟୁଜିଲାଣ୍ଡ ଫିଲ୍ଡର ଗ୍ଲେନ୍‌ ଫିଲିପ୍ସ ତାଙ୍କ କ୍ୟାଚ୍‌ ଧରିଥିଲେ। ଏହା ଅନେକଙ୍କୁ ଚକିତ କରିଥିଲା। ବିଶେଷକରି ମ୍ୟାଚ୍‌ ଦେଖିବାକୁ ଷ୍ଟାଡିୟମରେ ପହଞ୍ଚିଥିବା ଅନୁଷ୍କା ମୁଣ୍ଡରେ ହାତ ଦେଇଥିଲେ।

ବିରାଟଙ୍କ ଉଇକେଟ ପରେ ଅନୁଷ୍କାଙ୍କ ପ୍ରତିକ୍ରିୟାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏସବୁ ଫଟୋରେ ସେ ହସୁଥିବା ଦେଖାଯାଉଛି। ଏଥିସହ ସେ ଚିନ୍ତିତ ମଧ୍ୟ ନଜର ଆସୁଛନ୍ତି। ତେବେ କୋହଲି ମ୍ୟାଚ୍‌ରେ ୧୪ ବଲ୍‌ରେ ୧୧ ରନ୍‌ କରି ଆଉଟ୍‌ ହୋଇଛନ୍ତି।

କୋହଲିଙ୍କ ଉଇକେଟ ମ୍ୟାଟ୍‌ ହେନରୀ ନେଇଥିଲେ। ସେ ଭାରତୀୟ ଇନିଂସର ୭ମ ଓଭରରେ ତାଙ୍କର ଚତୁର୍ଥ ବଲ ପକାଇଥିଲେ, ବିରାଟ ଏହାକୁ ପଛୁଆ ପଏଣ୍ଟ ଆଡ଼କୁ ଖେଳିଥିଲେ। କିନ୍ତ ଫିଲିପ୍ସ ଏହାକୁ ଆଶ୍ଚର୍ଯ୍ୟଜନକ ଭାବରେ ଧରି ପକାଇଥିଲେ। ଏହି କ୍ୟାଚ୍‌ ବେଶ୍‌ ଅବିଶ୍ୱସନୀୟ ଥିଲା। କାରଣ କୋହଲି କିଛି ମୁହୂର୍ତ୍ତ ପାଇଁ ଅଟକି ଯାଇଥିଲେ। କ’ଣ ହେଲା ସେମାନେ ବୁଝିପାରି ନ ଥିଲେ। କୋହଲିଙ୍କ ଆଉଟ ହେବାରେ ଷ୍ଟାଡିୟମରେ ବସିଥିବା ଦର୍ଶକ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ, ଯେଉଁମାନଙ୍କ ମଧ୍ୟରେ ଅନୁଷ୍କା ମଧ୍ୟ ଜଣେ ଥିଲେ।

 

View this post on Instagram

 

A post shared by ICC Hindi (@icchindiofficial)

କୋହଲିଙ୍କ ଉଇକେଟ ଭାରତ ପାଇଁ ତୃତୀୟ ଝଟକା ଥିଲା। ପୂର୍ବରୁ ଟିମ ଇଣ୍ଡିଆ ଶୁଭମନ ଗିଲ୍‌ଙ୍କ ରୂପରେ ପ୍ରଥମ ଏବଂ ରୋହିତ ଶର୍ମାଙ୍କ ରୂପରେ ଦ୍ୱିତୀୟ ଉଇକେଟ ହରାଇଥିଲା। ୭ମ ଓଭର ମଧ୍ୟରେ, ଭାରତର ତିନୋଟି ଟପ୍‌ ଅର୍ଡର ଉଇକେଟ ମାତ୍ର ୩୦ ରନରେ ପଡ଼ିଯାଇଥିଲା।

ତେବେ କହିବାକୁ ଚାହିଁବୁ, ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ମ୍ୟାଚ୍‌ର ଫଳାଫଳ ସେମିଫାଇନାଲ ସମୀକରଣକୁ ପ୍ରଭାବିତ କରିବ ନାହିଁ। ଏହି ମ୍ୟାଚ୍‌ରୁ ହିଁ ଜଣାପଡିବ ଯେ ଗ୍ରୁପ A ର ପଏଣ୍ଟ ଟେବୁଲରେ କେଉଁ ଦଳ ଶୀର୍ଷରେ ରହିବ।

The post ଚମକି ପଡ଼ିଲେ ଅନୁଷ୍କା, ମୁଣ୍ଡରେ ଦେଲେ ହାତ; NZ ବିପକ୍ଷ ମ୍ୟାଚ୍‌ରେ… appeared first on Dharitri Odia News.