ଚାଷୀଙ୍କୁ ଘାରିଛି ଲଘୁଚାପ ବର୍ଷା ଚିନ୍ତା, ଧାନ ଓ ପରିବା ଫସଲ ନଷ୍ଟ ହେବା ସମ୍ଭାବନା

ରେଢାଖୋଲ,ସମ୍ବଲପୁର : ଚାଷୀଙ୍କୁ ବର୍ଷା ଚିନ୍ତା ।  ଲଘୁଚାପ ପ୍ରଭାବରେ ବର୍ଷା ସମ୍ଭାବନା ଥିବାରୁ ଚାଷୀଙ୍କୁ ଘାରିଛି ଚିନ୍ତା ।  ଜମି, ଖଳା ଏବଂ ମଣ୍ଡିରେ ଧାନ ଭିଜି ନଷ୍ଟ ହେବା ସମ୍ଭାବନା ରହିଛି ।  କ୍ଷେତରେ ପାଚିଲା ଧାନ କାଟି ଅନେକ ଗଦା କରିବାକୁ ତରତର ହେଉଥିବା ବେଳେ ଯେଉଁ ଚାଷୀମାନେ କାଟି ସାରିଛନ୍ତି ତାକୁ ଖଳାକୁ ବୋହି ଆଣୁଛନ୍ତି ।  ଅନେକ ସ୍ଥାନରେ ବିକ୍ରି ପାଇଁ ଚାଷୀ ଧାନ ଆଣି ମଣ୍ଡିରେ ରଖିଛନ୍ତି ।

ମଣ୍ଡି ପରିସର ଖୋଲା ଆକାଶ ତଳେ ହଜାର ହଜାର କୁଇଣ୍ଟାଲ ଧାନ ପଡିରହିଛି ।  ବର୍ଷା ହେଲେ ମଣ୍ଡିରେ ଧାନ ଭିଜିବା ଦ୍ବାରା ଧାନର ଆଦ୍ରତା ବଢିଯିବ ।  ଫଳରେ ଚାଷୀଙ୍କୁ ପୁଣି ଖରାରେ ଧାନ ଶୁଖାଇବାକୁ ପଡିବ ।  ବର୍ଷା ସମ୍ଭାବନା ଯୋଗୁ କେବଳ ଧାନ ନଷ୍ଟ ହେବନାହିଁ ବରଂ ପରିବା ଫସଲ ନଷ୍ଟ ହେବା ସମ୍ଭାବନା ରହିଛି ।

The post ଚାଷୀଙ୍କୁ ଘାରିଛି ଲଘୁଚାପ ବର୍ଷା ଚିନ୍ତା, ଧାନ ଓ ପରିବା ଫସଲ ନଷ୍ଟ ହେବା ସମ୍ଭାବନା appeared first on KNews Odisha.