ଚୀନରେ ବ୍ୟାପୁଛି ଏଚ୍ଏମ୍ପିଭି ଭୂତାଣୁ
ବେଜିଂ: ଚୀନ୍ରେ ଶ୍ୱାସକ୍ରିୟାଜନିତ ରୋଗ ବୃଦ୍ଧି ପାଉଥିବା ବେଳେ ହ୍ୟୁମାନ ମେଟାନ୍ୟୁମୋଭାଇରସ୍ (ଏଚ୍ଏମ୍ପିଭି) ଏକ ପ୍ରମୁଖ ଚିନ୍ତାର ବିଷୟ ପାଲଟିଛି। ଗତ ମାସରେ ଦେଶରେ ନିମୋନିଆ ସମେତ ଶୀତକାଳୀନ ରୋଗ ପାଇଁ ଏକ ମନିଟରିଂ ବ୍ୟବସ୍ଥା ଆରମ୍ଭ ହୋଇଥିଲା। ଏହା ପରେ ଅନେକ ସୋସିଆଲ ମିଡିଆ ପୋଷ୍ଟରୁ ଜଣାପଡିଛି ଯେ ଏଚ୍ଏମ୍ପିଭି ଦ୍ରୁତ ଗତିରେ ବ୍ୟାପୁଛି ଏବଂ ଅଧିକାଂଶ ଶିଶୁ ଓ ବୟସ୍କ ଏହାଦ୍ବାରା ପ୍ରଭାବିତ ହେଉଛନ୍ତି। ଯଦିଓ ଚୀନ୍ର ସ୍ୱାସ୍ଥ୍ୟ କର୍ତ୍ତୃପକ୍ଷ ଏଚ୍ଏମ୍ପିଭିକୁ ଏକ ମହାମାରୀ […]
ବେଜିଂ: ଚୀନ୍ରେ ଶ୍ୱାସକ୍ରିୟାଜନିତ ରୋଗ ବୃଦ୍ଧି ପାଉଥିବା ବେଳେ ହ୍ୟୁମାନ ମେଟାନ୍ୟୁମୋଭାଇରସ୍ (ଏଚ୍ଏମ୍ପିଭି) ଏକ ପ୍ରମୁଖ ଚିନ୍ତାର ବିଷୟ ପାଲଟିଛି। ଗତ ମାସରେ ଦେଶରେ ନିମୋନିଆ ସମେତ ଶୀତକାଳୀନ ରୋଗ ପାଇଁ ଏକ ମନିଟରିଂ ବ୍ୟବସ୍ଥା ଆରମ୍ଭ ହୋଇଥିଲା। ଏହା ପରେ ଅନେକ ସୋସିଆଲ ମିଡିଆ ପୋଷ୍ଟରୁ ଜଣାପଡିଛି ଯେ ଏଚ୍ଏମ୍ପିଭି ଦ୍ରୁତ ଗତିରେ ବ୍ୟାପୁଛି ଏବଂ ଅଧିକାଂଶ ଶିଶୁ ଓ ବୟସ୍କ ଏହାଦ୍ବାରା ପ୍ରଭାବିତ ହେଉଛନ୍ତି। ଯଦିଓ ଚୀନ୍ର ସ୍ୱାସ୍ଥ୍ୟ କର୍ତ୍ତୃପକ୍ଷ ଏଚ୍ଏମ୍ପିଭିକୁ ଏକ ମହାମାରୀ ଭାବରେ ଉଲ୍ଲେଖ କରିନାହାନ୍ତି, କିନ୍ତୁ ଡିସେମ୍ବର ୨୦୨୪ରେ ଦେଶ ପ୍ରକାଶ କରିଥିଲା ଯେ ସେମାନେ ଏକ ଅଜ୍ଞାତ ଭୂତାଣୁର ମୁକାବିଲା ପାଇଁ ଏକ ପ୍ରୋଟୋକଲ ସ୍ଥାପନ କରିବାକୁ ଯାଉଛନ୍ତି।
ଏକ ସରକାରୀ ବିବୃତିରୁ ଜଣାପଡିଛି ଯେ ଡିସେମ୍ବର ୧୬ରୁ ୨୨ ସପ୍ତାହକ ମଧ୍ୟରେ ତୀବ୍ର ଶ୍ୱାସକ୍ରିୟାଜନିତ ରୋଗ ସଂକ୍ରମଣ ବୃଦ୍ଧି ପାଇଛି। ସାର୍ସ-କୋଭ୍-୨ (କୋଭିଡ୍-୧୯) ହ୍ୟାଣ୍ଡେଲ ଅଧୀନରେ ଏକ ସୋସିଆଲ ମିଡିଆ ପୋଷ୍ଟରେ ଦାବି କରାଯାଇଛି ଯେ ଚୀନ୍ ସ୍ବାସ୍ଥ୍ୟ ଜରୁରିକାଳୀନ ପରିସ୍ଥିତି ଘୋଷଣା କରିଛି। ଏଚ୍ଏମ୍ପିଭି ବ୍ୟତୀତ ଇନଫ୍ଲୁଏଞ୍ଜା ଏ, ମାଇକୋପ୍ଲାଜମା ନିମୋନିଆ ଓ କୋଭିଡ୍-୧୯ ଭୂତାଣୁ ସମେତ ଦେଶରେ ଏକାଧିକ ଭୂତାଣୁ ବ୍ୟାପୁଥିବା ଦାବି କରାଯାଇଛି। ଅନେକ ସ୍ଥାନୀୟ ଗଣମାଧ୍ୟମରେ ରିପୋର୍ଟ କରାଯାଇଛି ଯେ ଶିଶୁ ଚିକିତ୍ସାଳୟଗୁଡ଼ିକରେ ନିମୋନିଆ ଓ ‘ଧଳା ଫୁସଫୁସ୍’ ମାମଲା ବୃଦ୍ଧି ପାଉଛି। ହ୍ୟୁମାନ ମେଟାନ୍ୟୁମୋଭାଇରସ୍ (ଏଚ୍ଏମ୍ପିଭି) ହେଉଛି ଏକ ଭୂତାଣୁ ଯାହା ସାଧାରଣ ଥଣ୍ଡା ଭଳି ଲକ୍ଷଣ ସୃଷ୍ଟି କରିଥାଏ। ସାଧାରଣ କ୍ଷେତ୍ରରେ ଏହା କାଶ ବା ଝାଡ଼ାବାନ୍ତି, ନାକରୁ ପାଣି ବାହାରିବା କିମ୍ବା ଗଳା ଯନ୍ତ୍ରଣା ସୃଷ୍ଟି କରିଥାଏ। ଛୋଟ ପିଲା ଓ ବୟସ୍କଙ୍କ ପାଇଁ ଏଚ୍ଏମ୍ପିଭି ମାରାତ୍ମକ ହୋଇପାରେ। ରୋଗ ପ୍ରତିରୋଧକ ଶକ୍ତି ଦୁର୍ବଳ ଥିବା ବ୍ୟକ୍ତିଙ୍କଠାରେ ଏହି ଭୂତାଣୁ ଗମ୍ଭୀର ରୋଗର କାରଣ ହୋଇପାରେ।
