ଜନ୍ମ ନେଲା ବାଇଗଣୀ ରଙ୍ଗର ଶିଶୁ, ସର୍ଜରୀରେ ଖର୍ଚ୍ଚ ହେଲା ୪୨ କୋଟି

ଲସ ଆଞ୍ଜେଲସ,୧୯।୧୨: ପିଲାଟିଏ ଜନ୍ମ ହେଲେ ସୁଖର କୌଣସି ସୀମା ନନ ଥାଏ। ଲସ ଆଞ୍ଜେଲ୍ସର ବାସିନ୍ଦା ଆଣ୍ଡାଲୁସିଆ ମେସା ମଧ୍ୟ ତାଙ୍କର ପ୍ରସବକୁ ନେଇ ବେଶ୍‌ ଖୁସି ଥିଲେ। ତାଙ୍କ ଏକ ପୁତ୍ର ସନ୍ତାନ ଜନ୍ମ ହେଲା। କିନ୍ତୁ ପିଲାଟି ଜନ୍ମ ହେବା ମାତ୍ରେ ଡାକ୍ତରମାନେ ପିଲାଟିକୁ ଦେଖିବା ପରେ ଡରି ଯାଇଥିଲେ। ପିଲାଟି ବାଇଗଣୀ ରଙ୍ଗର ଥିଲା। ସେ ସଠିକ ନିଶ୍ୱାସ ନେବାରେ ସକ୍ଷମ ହୋଇନଥିଲେ। ଏହା ପରେ, ସମସ୍ତ ସୁଖ ଚିନ୍ତାରେ ପରିଣତ ହେଲା। ଡାକ୍ତରମାନେ ସଙ୍ଗେ ସଙ୍ଗେ ଶିଶୁଟିକୁ ମା’ଙ୍କ ହାତରୁ ବାହାର କରି ତାଙ୍କୁ ବିଶେଷ ଚିକିତ୍ସା ଦେବା ଆରମ୍ଭ କରିଥିଲେ। ତା’ପରେ ଏହା ସାମ୍ନାକୁ ଆସିଲା ଯେ ତାଙ୍କୁ ଅସ୍ତ୍ରୋପଚାର କରିବାକୁ ପଡିବ, ଯାହା ଅତ୍ୟନ୍ତ ମହଙ୍ଗା ଅଟେ। ମା’ ତୁରନ୍ତ ଅସ୍ତ୍ରୋପଚାର ପାଇଁ ରାଜି ହୋଇଥିଲେ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ଅସ୍ତ୍ରୋପଚାର ପାଇଁ ୫ ଲକ୍ଷ ଡଲାର ଅର୍ଥାତ୍‌ ୪୨ କୋଟି ଟଙ୍କା ଖର୍ଚ୍ଚ ହୋଇଛି।
ଆମେରିକାର ଲସ ଆଞ୍ଜେଲସରେ ରହୁଥିବା ଆଣ୍ଡାଲୁସିଆ ମେସା PEOPLE କୁ କହିଥିଲେ, ଯନ୍ତ୍ରଣା ସତ୍ତ୍ୱେ ମୁଁ ଡେଲିଭରି ରୁମରେ ବହୁତ ଖୁସି ଥିଲି । ମୁଁ ଅନୁଭବ କଲି ଯେ ପିଲାଟି ବର୍ତ୍ତମାନ ମୋ କୋଳରେ ରହିବ। କିନ୍ତୁ ଏହାର ରଙ୍ଗ ଦେଖି ମୁଁ କିଛି ସମୟ ପାଇଁ ଡରିଗଲି । ଡାକ୍ତର ଓ ନର୍ସମାନେ ମଧ୍ୟ ଏଥିରେ ଆଶ୍ଚର୍ଯ୍ୟ ହୋଇଯାଇଥିଲେ। ବାସ୍ତବରେ ମୋର ଗର୍ଭଧାରଣ ସ୍ବାଭାବିକ ଥିଲା। ବେଳେବେଳେ ପିଲା ପେଟରେ ଗତି କରୁଥିଲା, ଯାହା ଅନୁଭବ କରିବା ଏକ ଆନନ୍ଦଦାୟକ ମୁହୂର୍ତ୍ତ ଥିଲା। କିନ୍ତୁ ଯେତେବେଳେ ଧାର୍ଯ୍ୟ ତାରିଖ ଶେଷ ହେବା ପରେ ମଧ୍ୟ ପ୍ରସବ ଯନ୍ତ୍ରଣା ହୋଇନଥିଲା, ଆମେ ଡାକ୍ତରଙ୍କ ନିକଟକୁ ଯାଇଥିଲୁ । ଏହା ପରେ ଯାହା ଘଟିଲା ତାହା ଭୟାନକ ଥିଲା । କାରଣ ଜନ୍ମ ହେବା ପରେ ଶିଶୁଟି ସମ୍ପୂର୍ଣ୍ଣ ଭାବେ ବାଇଗଣୀ ରଙ୍ଗ ହୋଇଥିଲା।
ଆଣ୍ଡାଲୁସିଆ ମେସାଙ୍କ ଅନୁଯାୟୀ ଡାକ୍ତରମାନେ କହିଛନ୍ତି ଯେ ଶିଶୁର ଫୁସଫୁସ ତରଳ ପଦାର୍ଥରେ ପରିପୂର୍ଣ୍ଣ ଥିଲା। ଏହି କାରଣରୁ ସଂକ୍ରମଣ ବ୍ୟାପିଗଲା, ଯେଉଁଥିପାଇଁ ସେ ନିଶ୍ୱାସ ନେବାରେ ସକ୍ଷମ ହୋଇନଥିଲେ। ଡାକ୍ତରମାନେ ଏହାର ନାମ କୋଡ ବ୍ଲୁ ରଖିଥିଲେ। ତାଙ୍କୁ ତୁରନ୍ତ ଚିକିତ୍ସା ପାଇଁ ଏନଆଇସିୟୁକୁ ନିଆଯାଇଥିଲା। ଧୀରେ ଧୀରେ ତାଙ୍କ ସ୍ବାସ୍ଥ୍ୟ ଆହୁରି ଖରାପ ହେବାକୁ ଲାଗିଲା। ଆମେ ଦେଖିଲୁ ତାଙ୍କ ଆଖି ଝୁଲୁଛି । ସେ ଏକ ଷ୍ଟ୍ରୋକ ଭଳି ଅନୁଭବ କଲେ। ଡାକ୍ତରମାନଙ୍କୁ ପଚାରିବା ପରେ ସେମାନେ କହିଥିଲେ ଯେ ଆପଣ ଠିକ କହିଛନ୍ତି, କିନ୍ତୁ ସେ ଭଲ ହୋଇଯିବେ। ଏହାପରେ ଏକ ମହଙ୍ଗା ସର୍ଜରୀ ମାଧ୍ୟମରେ ଶିଶୁଟିର ଚିକିତ୍ସା କରାଗଲା। ଦୀର୍ଘଦିନ ଧରି ଶିଶୁଟି ଚିକିତ୍ସିତ ଅଛନ୍ତି।

The post ଜନ୍ମ ନେଲା ବାଇଗଣୀ ରଙ୍ଗର ଶିଶୁ, ସର୍ଜରୀରେ ଖର୍ଚ୍ଚ ହେଲା ୪୨ କୋଟି appeared first on Dharitri Odia News.