ଜୋତା ଲୁଚାରେ ହାର୍ଦ୍ଦିକ ପାଣ୍ଡ୍ୟା ଦେଇଥିଲେ ଏତିକି ଟଙ୍କା: ଜାଣିଲେ ଉଡିଯିବ ହୋଶ୍‌…

ନୂଆଦିଲ୍ଲୀ,୨୬।୫: ଟିମ ଇଣ୍ଡିଆର ତାରକା ଖେଳାଳି ତଥା ଆଇପିଏଲ ୨୦୨୪ରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ବର୍ତ୍ତମାନ ଏକ ଖରାପ ସମୟ ଦେଇ ଗତି କରୁଛନ୍ତି। ଆଇପିଏଲରେ ଖରାପ ଫର୍ମ ପରେ ଏବେ ତାଙ୍କ ସ୍ତ୍ରୀ ନତାଶା ଷ୍ଟାନକୋଭିକଙ୍କ ସହ ଛାଡପତ୍ର ଚର୍ଚ୍ଚା ହେଉଛି। ତେବେ ଏହି ଦମ୍ପତି କୌଣସି ସରକାରୀ ବିବୃତ୍ତି ଦେଇନାହାଁନ୍ତି। ହାର୍ଦ୍ଦିକ ୨୦୨୦ରେ ନତାଶାଙ୍କୁ ବିବାହ କରିଥିଲେ। ଏହି ଦମ୍ପତିଙ୍କର ଏକ ତିନି ବର୍ଷର ପୁଅ ଅଗସ୍ତ୍ୟ ମଧ୍ୟ ଅଛନ୍ତି।
ହିନ୍ଦୁ-ଖ୍ରୀଷ୍ଟିଆନ ରୀତିନୀତି ଅନୁଯାୟୀ ହାର୍ଦ୍ଦିକ-ନତାଶା ୧୪ ଫେବୃଆରୀରେ ରାଜସ୍ଥାନର ଉଦୟପୁରରେ ବିବାହ କରିଥିଲେ। ଏହି ବିବାହ ସମାରୋହରେ କିଛି ବିଶେଷ ଅତିଥି ଏବଂ ବନ୍ଧୁ ଯୋଗ ଦେଇଥିଲେ। ସୋସିଆଲ ମିଡିଆରେ ଏହି ବିବାହର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଜୋତା ଚୋରି ରୀତିନୀତି ସମୟରେ ସେ ତାଙ୍କ ଭାଉଜ ପଙ୍ଖୁରୀଙ୍କୁ ପାଞ୍ଚ ଲକ୍ଷ ଟଙ୍କା ଦେବା କଥା କହୁଛନ୍ତି। ସୋସିଆଲ ମିଡିଆରେ ଏହି ଭାଇରାଲ ଭିଡିଓକୁ ଲୋକମାନେ ପ୍ରତିକ୍ରିୟା କରୁଛନ୍ତି।
ନତାଶା ଷ୍ଟାନକୋଭିକ ଜଣେ ସର୍ବିଆର ମଡେଲ ଏବଂ ଅଭିନେତ୍ରୀ। ଏହି ଦମ୍ପତି ପ୍ରଥମେ ଏକ ନାଇଟ କ୍ଲବରେ ଭେଟିଥିଲେ। ଏହା ପରେ ହାର୍ଦ୍ଦିକ ନତାଶାଙ୍କୁ ତାଙ୍କ ଜୀବନ ସାଥୀ ହେବାକୁ ପ୍ରସ୍ତାବ ଦେଇଥିଲେ। ଏହି ଦମ୍ପତିଙ୍କର ପ୍ରଥମ ସନ୍ତାନ ଅଗସ୍ତ୍ୟ ପାଣ୍ଡ୍ୟା ୩୦ ଜୁଲାଇ ୨୦୨୦ରେ ଜନ୍ମଗ୍ରହଣ କରିଥିଲେ।

The post ଜୋତା ଲୁଚାରେ ହାର୍ଦ୍ଦିକ ପାଣ୍ଡ୍ୟା ଦେଇଥିଲେ ଏତିକି ଟଙ୍କା: ଜାଣିଲେ ଉଡିଯିବ ହୋଶ୍‌… appeared first on Dharitri Odia News.