ଟଳିଲା ବଡ ବିପଦ, ପଣ୍ଡ ହେଲା ବଡ ଆତଙ୍କବାଦୀ ଆକ୍ରମଣ ଯୋଜନା

ନୂଆଦିଲ୍ଲୀ,୨୫।୧: ଜମ୍ମୁ-କଶ୍ମୀରର ପୁଲୱାମା ଜିଲାର ବାଡିବାଗ-ପାହୁରେ ଏକ ବିସ୍ଫୋରକ ଉପକରଣ ମିଳିଛି। ହେଲେ ବିସ୍ଫୋରଣ ପୂର୍ବରୁ ଏହାକୁ ନିଷ୍କ୍ରିୟ କରାଯାଇଛି । ଭାରତୀୟ ସେନାର ବୋମା ନିଷ୍କ୍ରିୟକାରୀ ସ୍ବାଡ ଏହାକୁ ନିଷ୍କ୍ରିୟ କରିଛି। କୁହାଯାଉଛି ଯେ ଆତଙ୍କବାଦୀମାନେ ଏହାକୁ ଏକ ସ୍ବତନ୍ତ୍ର ସ୍ଥାନରେ ଲଗାଇଥିଲେ। ଏକ ରାସ୍ତା କଡ଼ରୁ ଏହି ମିଳିଛି। ଯେତେବେଳେ ସେନା ଏହି ବିଷୟରେ ସୂଚନା ପାଇଲା, ତୁରନ୍ତ ଏକ ବୋମା ନିଷ୍କ୍ରିୟକାରୀ ଦଳ ପଠାଗଲା। ସେମାନେ ଏହି ବୋମାକୁ ନଷ୍ଟ କରିଛନ୍ତି। ଏହି କାରଣରୁ ଏକ ବଡ଼ ଆତଙ୍କବାଦୀ ଆକ୍ରମଣକୁ ରୋକାଯାଇଥିଲା।
ସୂଚନାଯୋଗ୍ୟ, ପ୍ରାୟ ୪ ବର୍ଷ ପୂର୍ବେ, ୧୪ଫେବୃଆରୀ ୨୦୧୯ରେ, ଏଠାରେ ଏକ ବଡ ଧରଣର ଆତଙ୍କବାଦୀ ଆକ୍ରମଣ ହୋଇଥିଲା।
ରାତି ପ୍ରାୟ ୩ ଟା ବେଳେ ଶ୍ରୀନଗର-ଜମ୍ମୁ ଜାତୀୟ ରାଜପଥରେ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିପିଆରଏଫ) କନଭେରେ ବିସ୍ଫୋରକ ବୋଝେଇ ଗାଡିରେ ଜୈଶ-ଇ-ମହମ୍ମଦ (ଜେଏମ) ଆତଙ୍କବାଦୀ ଧକ୍କା ଦେଇଥିଲା।
ପାକିସ୍ତାନ ସମର୍ଥିତ ଜୈଶ-ଇ-ମହମ୍ମଦଙ୍କ ଆତ୍ମଘାତୀ ବିସ୍ଫୋରଣ ପୁଲୱାମାରେ ସିଆରପିଏଫ କନଭେନ ଉପରେ ଆକ୍ରମଣ କରିଥିଲା। ଏହି ଆକ୍ରମଣରେ ପ୍ରାୟ ୪୦ ସେନା ଶହୀଦ ହୋଇଥିଲେ। ସିଆରପିଏଫ କନଭେନରେ ୭୮ ଟି ବସ ଥିଲା। ଏହି ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବହୁତ ତିକ୍ତତା ଦେଖାଦେଇଥିଲା। ଏହି କନଭେନରେ ପ୍ରାୟ ୨୫୦୦ ସିଆରପିଏଫ ସେନା ଥିଲେ । ସେମାନେ ଜମ୍ମୁରୁ ଶ୍ରୀନଗର ଯାତ୍ରା କରୁଥିଲେ। ଏହି କାର୍ଯ୍ୟ ପାଇଁ ଭାରତ ମାତ୍ର ୧୨ ଦିନ ମଧ୍ୟରେ ଏହାର ପ୍ରତିଶୋଧ ନେଇଥିଲା। ଫେବୃଆରୀ ୨୬ରେ ବାଲାକୋଟ ଏୟାର ଷ୍ଟ୍ରାଇକ କରି ଭାରତ ଜୈଶ-ଇ-ମହମ୍ମଦର ଅନେକ ଆତଙ୍କବାଦୀଙ୍କୁ ନିହତ କରିଥିଲା।

The post ଟଳିଲା ବଡ ବିପଦ, ପଣ୍ଡ ହେଲା ବଡ ଆତଙ୍କବାଦୀ ଆକ୍ରମଣ ଯୋଜନା appeared first on Dharitri Odia News.