ଟି-ସିରିଜର Co-Owner କୃଷ୍ଣ କୁମାରଙ୍କ ଝିଅଙ୍କ ଦେହାନ୍ତ, ୨୦ ବର୍ଷ ବୟସରେ ବୁଜିଲେ ଆଖି

ମୁମ୍ଵାଇ ୧୯।୦୭: ଫିଲ୍ମ ଇଣ୍ଡଷ୍ଟ୍ରିରୁ ବର୍ତ୍ତମାନ ବହୁତ ଦୁଃଖଦ ଖବର ସାମ୍ନାକୁ ଆସିଛି।  ଟି-ସିରିଜର କୋ-ଓନର କୃଷ୍ଣ କୁମାରଙ୍କ ଝିଅ ତିଶା ଖୁବ୍ କମ୍ ବୟସରେ ଦେହାନ୍ତ କରିଛନ୍ତି। ୨୦ ବର୍ଷ ବୟସରେ ତିଶା ଦୁନିଆକୁ ବିଦାୟ ଦେଇଛନ୍ତି। ସମସ୍ତେ ତିଶାଙ୍କ ପାଇଁ ପ୍ରାର୍ଥନା କରୁଛନ୍ତି ଏବଂ ତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରୁଛନ୍ତି।

ତିଶା କର୍କଟ ରୋଗରେ ପୀଡିତ ଥିଲେ ଏବଂ ଚିକିତ୍ସିତ ହେଉଥିଲେ। କିନ୍ତୁ ଯେତେବେଳେ ତିଶା ମୁମ୍ବାଇରେ ଠିକ ନହେବାରୁ ତାଙ୍କୁ ଚିକିତ୍ସା ପାଇଁ ଜର୍ମାନୀ ନିଆଯାଇଥିଲା, କିନ୍ତୁ ଗତକାଲି ତିଶା ଜର୍ମାନୀରେ ଶେଷ ନିଶ୍ୱାସ ତ୍ୟାଗ କରିଥିଲେ । ଏତେ କମ ବୟସରେ ତାଙ୍କ ଦେହାନ୍ତ ସମଗ୍ର ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଶୋକର ଲହରୀ ସୃଷ୍ଟି କରିଛି।

ତିଶାଙ୍କ ଦେହାନ୍ତ ଖବର ଟି-ସିରିଜର ମୁଖପାତ୍ରଙ୍କ ଦ୍ୱାରା ସେୟାର କରାଯାଇଛି। ହଁ, ଏକ ଅଫିସିଆଲି ବିବୃତ୍ତି ସେୟାର ବେଳେ ସେ କହିଥିଲେ ଯେ ଦୀର୍ଘ ଦିନ ଧରି କର୍କଟ ରୋଗ ସହ ସଂଗ୍ରାମ କରୁଥିବା କୃଷ୍ଣ କୁମାରଙ୍କ ଝିଅ ତିଶା କୁମାରଙ୍କ ଗତକାଲି ଦେହାନ୍ତ ହୋଇଛି। ଏହା ତାଙ୍କ ପରିବାର ପାଇଁ ବହୁତ କଷ୍ଟସାଧ୍ୟ ଏବଂ ତେଣୁ ଆମେ ଆଶା କରୁଛୁ ତୁମେ ପରିବାରର ଗୋପନୀୟତାକୁ ସମ୍ମାନ କରିବ। କେବଳ ପରିବାରରେ ନୁହେଁ ତିଶାଙ୍କ ଦେହାନ୍ତ ହେତୁ ସମଗ୍ର ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଦୁଃଖର ଲହରୀ ଖେଳିଯାଇଛି।