ଟିମ୍ ଇଣ୍ଡିଆର ଆଗାମୀ ମୁଖ୍ୟ କୋଚ୍ ହେବେ ଗୌତମ ଗମ୍ଭୀର: ରିପୋର୍ଟ
ନୂଆଦିଲ୍ଲୀ,୧୭।୫: ଟିମ୍ ଇଣ୍ଡିଆର ମୁଖ୍ୟ କୋଚ୍ ଭାବେ ରାହୁଲ ଦ୍ରାବିଡଙ୍କ କାର୍ଯ୍ୟକାଳ ଶେଷ ହେବା ପରେ ଭାରତର ପୂର୍ବତନ ବ୍ୟାଟ୍ସମ୍ୟାନ୍ ଗୌତମ ଗମ୍ଭୀର ଏହି ପଦ ଗ୍ରହଣ କରିବେ। ବର୍ତ୍ତମାନ ଆଇପିଏଲ୍ରେ କୋଲକାତା ନାଇଟ୍ ରାଇଡର୍ସର ମେଣ୍ଟର ଥିବା ଗମ୍ଭୀରଙ୍କୁ ବିସିସିଆଇ ଏନେଇ ଯୋଗାଯୋଗ କରିଛି। ଅର୍ଥାତ ସମ୍ଭାବ୍ୟ କୋଚ୍ ତାଲିକାରେ ପ୍ରଥମ ପସନ୍ଦ ପାଲଟିଛନ୍ତି ଗମ୍ଭୀର। ଏଭଳି ସ୍ଥିତିରେ ଆଇପିଏଲ୍ ଶେଷ ହେବା ପରେ ଅଧିକ ଆଲୋଚନା ହେବା ଆଶା କରାଯାଉଥିବା ESPNcricinfo ରିପୋର୍ଟରେ ଦର୍ଶାଯାଇଛି। […] The post ଟିମ୍ ଇଣ୍ଡିଆର ଆଗାମୀ ମୁଖ୍ୟ କୋଚ୍ ହେବେ ଗୌତମ ଗମ୍ଭୀର: ରିପୋର୍ଟ appeared first on Dharitri Odia News.
ନୂଆଦିଲ୍ଲୀ,୧୭।୫: ଟିମ୍ ଇଣ୍ଡିଆର ମୁଖ୍ୟ କୋଚ୍ ଭାବେ ରାହୁଲ ଦ୍ରାବିଡଙ୍କ କାର୍ଯ୍ୟକାଳ ଶେଷ ହେବା ପରେ ଭାରତର ପୂର୍ବତନ ବ୍ୟାଟ୍ସମ୍ୟାନ୍ ଗୌତମ ଗମ୍ଭୀର ଏହି ପଦ ଗ୍ରହଣ କରିବେ। ବର୍ତ୍ତମାନ ଆଇପିଏଲ୍ରେ କୋଲକାତା ନାଇଟ୍ ରାଇଡର୍ସର ମେଣ୍ଟର ଥିବା ଗମ୍ଭୀରଙ୍କୁ ବିସିସିଆଇ ଏନେଇ ଯୋଗାଯୋଗ କରିଛି। ଅର୍ଥାତ ସମ୍ଭାବ୍ୟ କୋଚ୍ ତାଲିକାରେ ପ୍ରଥମ ପସନ୍ଦ ପାଲଟିଛନ୍ତି ଗମ୍ଭୀର। ଏଭଳି ସ୍ଥିତିରେ ଆଇପିଏଲ୍ ଶେଷ ହେବା ପରେ ଅଧିକ ଆଲୋଚନା ହେବା ଆଶା କରାଯାଉଥିବା ESPNcricinfo ରିପୋର୍ଟରେ ଦର୍ଶାଯାଇଛି।
୪୨ ବର୍ଷୀୟ ଗମ୍ଭୀରଙ୍କ ଅନ୍ତର୍ଜାତୀୟ କିମ୍ବା ଘରୋଇସ୍ତରରେ କୋଚ୍ ଭାବେ କୌଣସି ଅଭିଜ୍ଞତା ନାହିଁ। ହେଲେ ସେ ଆଇପିଏଲ୍ରେ ୨ ଫ୍ରାଞ୍ଚାଇଜ୍ରେ ମେଣ୍ଟର ରହିଆସିଛନ୍ତି। ୨୦୨୨ ଏବଂ ୨୦୨୩ରେ ସେ ଲକ୍ଷ୍ନୌ ସୁପର ଜିଆଣ୍ଟସ୍ ମେଣ୍ଟର ଥିବା ବେଳେ ଦଳ ପ୍ଲେଅଫ୍ରେ ପହଞ୍ଚିଥିଲା। ଚଳିତ ଆଇପିଏଲ୍ ୨୦୨୪ରେ ସେ କୋଲକାତା ନାଇଟ୍ ରାଇଡର୍ସରେ ଯୋଗଦେଇଥିଲେ। ତାଙ୍କ ପରାମର୍ଶରେ ଦଳ ପ୍ରଥମ ଦଳ ଭାବେ ଟୁର୍ନାମେଣ୍ଟ ପ୍ଲେଅଫ୍ ଖେଳିବାକୁ ଯାଉଛି।
କ୍ରିକେଟର ଭାବେ କ୍ୟାରିୟର ଦେଖିଲେ ଗମ୍ଭୀର ୨୦୦୭ରେ ଭାରତର ଟି୨୦ ବିଶ୍ୱକପ୍ ବିଜୟ ଏବଂ ୨୦୧୧ ଦିନିକିଆ ବିଶ୍ୱକପ୍ ବିଜୟର ଅଂଶ ଥିଲେ। ସେ ୨୦୧୧ରୁ ୨୦୧୭ ଯାଏ ୭ ଆଇପିଏଲ୍ ସିଜନ୍ ପାଇଁ କେକେଆର୍ ଅଧିନାୟକ ଥିଲେ। ଏହି ସମୟରେ ଦଳ ୫ ଥର ପ୍ଲେଅଫ୍ ଖେଳିଥିଲା। ଏପରିକି ୨୦୧୨ ଏବଂ ୨୦୧୪ରେ ଟାଇଟଲ୍ ଜିତିଥିଲା।
ଗତ ସପ୍ତାହରେ ଭାରତର ପୁରୁଷ ମୁଖ୍ୟ ପ୍ରଶିକ୍ଷକ ପଦ ପାଇଁ ବିସିସିଆଇ ଆବେଦନ ଆହ୍ବାନ କରିଛି। ଏଥିରେ ଚୟନ ହେବାକୁ ଥିବା କୋଚ୍ ଜୁଲାଇ ୨୦୨୪ରୁ ଡିସେମ୍ବର ୨୦୨୭ ଯାଏ କାର୍ଯ୍ୟଭାର ସମ୍ଭାଳିବେ।
The post ଟିମ୍ ଇଣ୍ଡିଆର ଆଗାମୀ ମୁଖ୍ୟ କୋଚ୍ ହେବେ ଗୌତମ ଗମ୍ଭୀର: ରିପୋର୍ଟ appeared first on Dharitri Odia News.
