ଟି୨୦ ବିଶ୍ୱକପ୍ ଆୟୋଜକ ଅଧିକାର ବଞ୍ଚାଇବାକୁ ଜାତିସଂଘ ଦ୍ୱାରସ୍ଥ ହେବ ବାଂଲାଦେଶ

ନୂଆଦିଲ୍ଲୀ, ୧୨ା୮: ଦେଶରେ ଚାଲିଥିବା ରାଜନୈତିକ ଅସ୍ଥିରତା ସତ୍ତ୍ୱେ ଟି୨୦ ବିଶ୍ୱକପ ଆୟୋଜକ ଅଧିକାର ବଞ୍ଚାଇ ରଖିବାକୁ ବାଂଲାଦେଶର ମଧ୍ୟବର୍ତ୍ତୀ ସରକାର ମିଳିତ ଜାତିସଂଘ ଦ୍ୱାରସ୍ଥ ହେବାକୁ ଯୋଜନା କରୁଛନ୍ତି।

ବର୍ତ୍ତମାନର ପରିସ୍ଥିତି ଯୋଗୁଁ ଇଂଲଣ୍ଡ, ସ୍କଟଲ୍ୟାଣ୍ଡ, ଅଷ୍ଟ୍ରେଲିଆ, ଭାରତ ଏବଂ ନ୍ୟୁଜିଲ୍ୟାଣ୍ଡ ସମେତ ଅନେକ ଦେଶ ବାଂଲାଦେଶ ଯାତ୍ରା କରୁଥିବା ନାଗରିକଙ୍କ ଉପରେ ପ୍ରତିବନ୍ଧକ ଲଗାଇଛନ୍ତି। ଏହି ଦେଶଗୁଡିକର ସରକାର ସେମାନଙ୍କ ନାଗରିକମାନଙ୍କୁ ବାଂଲାଦେଶ ଯାତ୍ରା ନକରିବାକୁ ପରାମର୍ଶ ଦେଇଛନ୍ତି ଯାହା ଅକ୍ଟୋବର ୩ ରୁ ଆରମ୍ଭ ହେବାକୁ ଥିବା ବିଶ୍ୱକପ ଉପରେ ଏକ ବଡ଼ ପ୍ରଶ୍ନ ସୃଷ୍ଟି କରିଛି।

ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାରର ଯୁବ ତଥା କ୍ରୀଡ଼ା ପରାମର୍ଶଦାତା ଆସିଫ ମହମୁଦ ଏହି ସମସ୍ୟାର ସମାଧାନ ଆଶାରେ ଜାତିସଂଘ ସହ କଥା ହେବେ ବୋଲି ପ୍ରକାଶ କରିଛନ୍ତି। “କିଛି ଦେଶ ସେମାନଙ୍କ ନାଗରିକ ମାନଙ୍କୁ ବାଂଲାଦେଶ ଆସିବା ଉପରେ ପ୍ରତିବନ୍ଧକ ଲଗାଇଛନ୍ତି ତେଣୁ ଏହି ସମସ୍ୟାର ସମାଧାନ ପାଇଁ ଆମେ ମିଳିତ ଜାତିସଂଘ ସହିତ କଥା ହେବୁ। ସୁରକ୍ଷା ଏବଂ ଭିତ୍ତିଭୂମି ସମ୍ବନ୍ଧରେ କିଛି ସମସ୍ୟା ଅଛି ଏବଂ ଆମେ ଏହି ବିଷୟରେ ପ୍ରଫେସର ୟୁନୁସ (ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାରଙ୍କ ମୁଖ୍ୟ ପରାମର୍ଶଦାତା) ଙ୍କ ସହ ଆଲୋଚନା କରିବୁ। ସେ ଜଣେ କ୍ରୀଡ଼ାପ୍ରେମୀ ଏବଂ ସେ ଆଶା କରୁଛନ୍ତି ଯେ ସେ ଏହି ସମସ୍ୟାର ସମାଧାନ କରିପାରିବେ।

ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ମଧ୍ୟ ବାଂଲାଦେଶର ପରିସ୍ଥିତି ଉପରେ ନଜର ରଖିଛି ଏବଂ ବିଶ୍ୱ ଟୁର୍ନାମେଣ୍ଟକୁ ଅନ୍ୟ ଦେଶକୁ ସ୍ଥାନାନ୍ତର କରିବାର ସମ୍ଭାବନା ସମେତ ସମସ୍ତ ବିକଳ୍ପ ଖୋଲା ରଖିଛି। ଏହା ବ୍ୟତୀତ ଟୁର୍ନାମେଣ୍ଟ ଆୟୋଜନ କରିବାରେ ଆଉ ଏକ ବାଧା ହେଉଛି ବାଂଲାଦେଶ କ୍ରିକେଟ୍ ବୋର୍ଡ (ବିସିବି) ରେ ଚାଲିଥିବା ସଙ୍କଟ।

ଚଳିତ ମାସ ଆରମ୍ଭରେ ଆୱାମୀ ଲିଗ୍ ସରକାରଙ୍କ ପତନ ପରଠାରୁ ବିସିବି ସଭାପତି ନାଜମୁଲ ହାସନ ନିଖୋଜ ଅଛନ୍ତି। ଅବଶ୍ୟ, ଏକ ଫେଡେରେସନ୍ କାର୍ଯ୍ୟ କରିବା ପାଇଁ ଏହାର ସମସ୍ତ ଅଙ୍ଗ କାମ କରିବା ଆବଶ୍ୟକ। ସଭାପତି ନାଜମୁଲ ଗୁରୁତ୍ୱପୂର୍ଣ୍ଣ ଦାୟିତ୍ୱ ରହିଛି ଏବଂ ସେ ଅନୁପସ୍ଥିତ ଅଛନ୍ତି। ବିସିବି ଏକ ସ୍ୱୟଂଶାସିତ ଫେଡେରେସନ୍ ଏବଂ ଆମେ ସେମାନଙ୍କୁ କୌଣସି ନିଷ୍ପତ୍ତି ଦେଇ ପାରିବୁ ନାହିଁ ବୋଲି ଆସିଫ୍ କହିଛନ୍ତି।

ଆଇସିସିର ଆଇନଗତ ଢାଞ୍ଚାରେ ଏହି ସମସ୍ୟାର ସମାଧାନ କିପରି ହେବ ତାହା ଦେଖିବା ପାଇଁ ଆମେ ବିସିବି ନିର୍ଦ୍ଦେଶକମାନଙ୍କୁ ପରାମର୍ଶ ଦେଇଛୁ। ମଧ୍ୟବର୍ତ୍ତୀ ଅବଧି ପାଇଁ କାହାକୁ ନିଯୁକ୍ତ କରାଯିବ କି ନାହିଁ ତାହା ପରେ ସେମାନେ ଆମକୁ ରିପୋର୍ଟ କରିବେ। ଏହି ପରିପ୍ରେକ୍ଷୀରେ ଆମେ ପ୍ରକ୍ରିୟା ଜାରି ରଖିବୁ। ଆମେ ଆବଶ୍ୟକ ପରିବର୍ତ୍ତନ କରିବାକୁ ଚାହୁଁ କିନ୍ତୁ ସେହି ସମୟରେ ଆମକୁ ଏକ ପ୍ରକ୍ରିୟା ଅନୁସରଣ କରିବାକୁ ପଡିବ। ଆମେ ବ୍ୟକ୍ତିଙ୍କୁ ପରିବର୍ତ୍ତନ କରିବାକୁ ଚାହୁଁନାହୁଁ; ଏହା ପରିବର୍ତ୍ତେ, ଆମେ ସିଷ୍ଟମକୁ ପରିବର୍ତ୍ତନ କରିବାକୁ ଚାହୁଁଛୁ ଯାହା ଦ୍ୱରା ଯିଏ ସେହି ସିଷ୍ଟମ ଅନୁସରଣ କରି ଆସିବ, ଦୁର୍ନୀତି ଭିତରକୁ ଆସିପାରିବ ନାହିଁ ଏବଂ ଆମେ ପଦକ୍ଷେପ ନେବାକୁ ଚାହୁଁଛୁ ଯାହା ଦ୍ୱାରା ଆମେ ସ୍ଥାୟୀ ସମାଧାନ କରିପାରିବା ବୋଲି ସେ କହିଛନ୍ତି।

The post ଟି୨୦ ବିଶ୍ୱକପ୍ ଆୟୋଜକ ଅଧିକାର ବଞ୍ଚାଇବାକୁ ଜାତିସଂଘ ଦ୍ୱାରସ୍ଥ ହେବ ବାଂଲାଦେଶ appeared first on Dharitri Odia News.