ଟ୍ରମ୍ପଙ୍କ ଶାସନରେ ଶୀଘ୍ର ଶେଷ ହୋଇପାରେ ରୁଷ-ୟୁକ୍ରେନ ଯୁଦ୍ଧ, ବଦଳିଲା ଜେଲେନସ୍କିଙ୍କ ସ୍ୱର

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ନିର୍ବାଚିତ ହେବା ପରେ ୟୁକ୍ରେନ ରାଷ୍ଟ୍ରପତି ଜେଲେନସ୍କିଙ୍କ ସ୍ୱର ବଦଳିବାରେ ଲାଗିଛି । ଭୋଲୋଡିମିର ଜେଲେନସ୍କି କହିଛନ୍ତି ଯେ ଆମେରିକାରେ ଟ୍ରମ୍ପ ଶସନରେ ରୁଷ-ୟୁକ୍ରେନ ଯୁଦ୍ଧ ଶୀଘ୍ର ଶେଷ ହୋଇପାରେ । ନିର୍ବାଚନ ପ୍ରଚାର ବେଳେ ଟ୍ରମ୍ପ ଲଗାତାର ରୁଷ-ୟୁକ୍ରେନ ଯୁଦ୍ଧକୁ ଗୋଟିଏ ଦିନ ଭିତରେ ଶେଷ କରିବେ ବୋଲି ଦାବି କରୁଥିଲେ । ରୁଷ ଏବଂ ୟୁକ୍ରେନ ଲୋକଙ୍କ ମୃତ୍ୟୁ ବନ୍ଦ କରିବାକୁ ଚାହୁଁଛନ୍ତି ବୋଲି ସେ କହିଥିଲେ ।

ୟୁକ୍ରେନ ମିଡିଆ ଆଉଟଲେଟ୍ ସସ୍ପିଲନେକୁ ପ୍ରତିକ୍ରିୟା ଦେଇ ଜେଲେନସ୍କି କହିଛନ୍ତି ଯେ ଟ୍ରମ୍ପ ପ୍ରଶାସନ ଯେଉଁ ସବୁ ନୀତି କଥା କହୁଛନ୍ତି, ଯେଥିରୁ ଯୁଦ୍ଧ ଶୀଘ୍ର ଶେଷ ହୋଇପାରେ । ହ୍ୱାଇଟ୍ ହାଉସ୍‌ରେ ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳ ଆରମ୍ଭ କରିବା ପରେ ଶୀଘ୍ର ଯୁଦ୍ଧ ଶେଷ ହେବ ବୋଲି ଆମେ ଆଶା ରଖିଛୁ । ଯୁଦ୍ଧକୁ କେଉଁ ଉପାୟରେ ଶେଷ କରିବେ ସେ ନେଇ ତାଙ୍କ (ଟ୍ରମ୍ପ)ର ନିଜସ୍ୱ ଦୃଷ୍ଟିକୋଣ ରହିଛି । ନିଜ ନାଗରିକଙ୍କୁ ଦେଇଥିବା ପ୍ରତିଶ୍ରୁତିକୁ ସେ ନିଶ୍ଚିତ ପୂରଣ କରିବେ ।

ଜେଲେନସ୍କି କହିଛନ୍ତି ଯେ ଯୁଦ୍ଧ ଶେଷ କରିବେ ବେଲି ସେ (ଟ୍ରମ୍ପ) ଦାବି କରିଛନ୍ତି । ତେବେ ଏଥିପାଇଁ ଏବେ ସୁଦ୍ଧା କୌଣସି ସଠିକ୍ ତାରିଖ କହିନାହାନ୍ତି । ତାଙ୍କ ମତରେ ଯୁଦ୍ଧ ଶେଷ ଦରକାର । ନଭେମ୍ୱର ୫ରେ ରାଷ୍ଟ୍ରପତି ନିର୍ବାଚିତ ହେବା ପରେ ଟ୍ରମ୍ପଙ୍କ ସହ କଥାବର୍ତ୍ତାରେ ଆମେ ଦୁହେଁ ଏହା ଉପରେ ସହମତ ହୋଇଥିଲୁ । ଆମ କଥାବର୍ତ୍ତାରେ ଏପରି କୌଣସି ଆଲୋଚନା ହୋଇନି, ଯେଉଁଥିରେ ୟୁକ୍ରେନର ସ୍ଥିତିର ଦୁର୍ବଳ ଥିବା ପରି ମନେ ହେବ ।

ଏପିଆରର ଏକ ରିପୋର୍ଟ ଅନୁସାରେ ଟ୍ରମ୍ପଙ୍କ ବିଜୟ ପରେ ୟୁକ୍ରେନ ନାଗରିକ ମଧ୍ୟରେ ଆଶଂକା ସୃଷ୍ଟି ହୋଇଛି । ଯୁଦ୍ଧ ଶେଷ ପାଇଁ ୟୁକ୍ରେନକୁ ନିଜ ଭୂମି ଛାଡ଼ିବାକୁ କହିପାରନ୍ତି । ଟ୍ରମ୍ପଙ୍କ ସହଯୋଗୀ ଜେଡି ଭେନ୍ସ ମଧ୍ୟରେ ଏହିପରି ଏକ ବିଚାରକୁ ସାମନାରେ ରଖିଥିଲେ, ଯେଉଁଥିରେ ସେ ସମ୍ପୃକ୍ତ ଅଞ୍ଚଳକୁ ବଫର ଜୋନ୍ କରିବା ପାଇଁ ପ୍ରସ୍ତାବ ଦେଇଥିଲେ ।