ଟ୍ରମ୍ପ୍‌ ରାଷ୍ଟ୍ରପତି ହେଲେ ପୂର୍ଣ୍ଣକଳୀନ ଫାଷ୍ଟ ଲେଡି ହେବେନି ମେଲାନିଆ

ନୂଆଦିଲ୍ଲୀ,୧ା୭: ରିପବ୍ଲିକାନ୍‌ ପାର୍ଟିର ପ୍ରାର୍ଥୀ ଡୋନାଲ୍ଡ ଟ୍ରମ୍ପ୍‌ ୨୦୨୪ ନିର୍ବାଚନରେ ବିଜୟୀ ହୋଇ ଆଉ ଥରେ ଆମେରିକାର ରାଷ୍ଟ୍ରପତି ହେଲେ ତାଙ୍କ ସ୍ତ୍ରୀ ମେଲାନିଆ ଟ୍ରମ୍ପ୍‌ଙ୍କୁ ପୂର୍ଣ୍ଣକାଳୀନ ଫାଷ୍ଟ ଲେଡି ଭାବେ ଦେଖିବାକୁ ମିଳି ନ ପାରେ। ମେଲାନିଆ ଏହି ଦାୟିତ୍ୱ ତୁଲାଇବେ ନାହିଁ, ବରଂ ନିଜ ୧୮ ବର୍ଷୀୟ ପୁତ୍ର ବାରୋନ୍‌ ଟ୍ରମ୍ପ୍‌ଙ୍କୁ ଅଧିକ ସମୟ ଦେବେ। ୭୮ ବର୍ଷୀୟ ପୂର୍ବତନ ରାଷ୍ଟ୍ରପତି ଟ୍ରମ୍ପ୍‌ଙ୍କ ସହ ମେଲାନିଆ ରବିବାର ଏଭଳି ଡିଲ୍‌ କରିଛନ୍ତି। ବାରୋନ୍‌ ନ୍ୟୁୟର୍କସ୍ଥିତ ଏକ ୟୁନିଭର୍ସିଟିରେ ପାଠ ପଢ଼ିବାକୁ ଯିବେ। ମେଲାନିଆ ପୁଅଙ୍କ ସହ ରହି ତାଙ୍କୁ ସାହାଯ୍ୟ କରିବେ ବୋଲି ଆମେରିକା ଗଣମାଧ୍ୟମରେ ଚର୍ଚ୍ଚା ହେଉଛି।

The post ଟ୍ରମ୍ପ୍‌ ରାଷ୍ଟ୍ରପତି ହେଲେ ପୂର୍ଣ୍ଣକଳୀନ ଫାଷ୍ଟ ଲେଡି ହେବେନି ମେଲାନିଆ appeared first on Dharitri Odia News.