ତୀରନ୍ଦାଜୀ ବିଶ୍ୱକପ୍ ଷ୍ଟେଜ୍-୨ରେ ଭାରତର ବିଶ୍ବ ରେକର୍ଡ; ହ୍ୟାଟ୍ରିକ୍ ଟାଇଟଲ୍ ଜିତିଲା ମହିଳା କମ୍ପାଉଣ୍ଡ୍ ଦଳ
ନୂଆଦିଲ୍ଲୀ, ୨୬/୫: କୋରିଆରେ ଚାଲିଥିବା ତୀରନ୍ଦାଜୀ ବିଶ୍ୱକପ୍ ଷ୍ଟେଜ୍-୨ରେ ଭାରତୀୟ ମହିଳା କମ୍ପାଉଣ୍ଡ୍ ଦଳର ବିଜୟ । ଜ୍ୟୋତି ସୁରେଖା ଭେନାମ, ପରନୀତ କୌର ଓ ଅଦିତି ଗୋପିଚାନ୍ଦ ସ୍ୱାମୀଙ୍କ ଟିମ୍ ସ୍ୱର୍ଣ୍ଣ ପଦକ ଜିତିଛନ୍ତି । ଏଥିସହ ମହିଳା ଦଳ ବିଶ୍ୱକପ୍ରେ କ୍ରମାନ୍ୱୟରେ ତୃତୀୟ ଥର ଟାଇଟଲ୍ ବଜାୟ ରଖି ଐତିହାସିକ ରେକର୍ଡ କରିଛି । ଅନ୍ୟ ପଟରେ କମ୍ପାଉଣ୍ଡ୍ ମିକ୍ସଡ୍ ଟିମ୍ ଇଭେଣ୍ଟରେ ଜ୍ୟୋତି ଓ ପ୍ରିୟାଂଶ ଯୋଡ଼ି ଫାଇନାଲ୍ରେ ପରାଜିତ ହୋଇ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି । ମହିଳା କମ୍ପାଉଣ୍ଡ୍ ଟିମ୍ ଇଭେଣ୍ଟ ଫାଇନାଲ୍ରେ ଭାରତ ୨୩୨-୨୨୬ ପଏଣ୍ଟରେ ତୁର୍କୀ ଦଳକୁ ପରାସ୍ତ କରିଥିଲା । ମହିଳା ଦଳ ପୂର୍ଣ୍ଣ ଆଧିପତ୍ୟ ବଜାୟ ରଖିବା ସହ ସ୍ୱର୍ଣ୍ଣ ପଦକ ଭେଟି ଦେଇଥିଲେ । ଗତ ବିଶ୍ୱକପ୍ ଷ୍ଟେଜ୍-୧ ଏବଂ ୨୦୨୩ ବିଶ୍ୱକପ୍ ଷ୍ଟେଜ୍-୪ ରେ ମଧ୍ୟ ମହିଳା ଦଳ ଅପ୍ରତିଦ୍ୱନ୍ଦ୍ୱୀ ସାବ୍ୟସ୍ତ ହୋଇଥିଲେ । ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ଭାରତୀୟ ମହିଳା ଦଳ କ୍ରମାନ୍ୱୟରେ ୬ଟି ସ୍ୱର୍ଣ୍ଣ ପଦକ ଜିତିବାରେ ସଫଳ ପାଇଛି । ବିଶ୍ୱ ମାନ୍ୟତା ତାଲିକାରେ ଦଳ ଏକ ନମ୍ବର ସ୍ଥାନରେ ରହିଛି । ଭାରତର ସବୁଠୁ ସଫଳ ତୀରନ୍ଦାଜ ଭାବେ ପ୍ରମାଣିତ କରିଥିବା ଜ୍ୟୋତିଙ୍କର ଏହା ଅଷ୍ଟମ ବିଶ୍ୱକପ୍ ସ୍ୱର୍ଣ୍ଣ ପଦକ ରହିଥିଲା । ଗତ ୩ବର୍ଷ ମଧ୍ୟରେ ସେ ସମସ୍ତ ପଦକ ଜିତିଛନ୍ତି । ବିଶ୍ୱକପ୍ରେ ଜ୍ୟୋତି ଇତିମଧ୍ୟରେ ୧
ନୂଆଦିଲ୍ଲୀ, ୨୬/୫: କୋରିଆରେ ଚାଲିଥିବା ତୀରନ୍ଦାଜୀ ବିଶ୍ୱକପ୍ ଷ୍ଟେଜ୍-୨ରେ ଭାରତୀୟ ମହିଳା କମ୍ପାଉଣ୍ଡ୍ ଦଳର ବିଜୟ । ଜ୍ୟୋତି ସୁରେଖା ଭେନାମ, ପରନୀତ କୌର ଓ ଅଦିତି ଗୋପିଚାନ୍ଦ ସ୍ୱାମୀଙ୍କ ଟିମ୍ ସ୍ୱର୍ଣ୍ଣ ପଦକ ଜିତିଛନ୍ତି । ଏଥିସହ ମହିଳା ଦଳ ବିଶ୍ୱକପ୍ରେ କ୍ରମାନ୍ୱୟରେ ତୃତୀୟ ଥର ଟାଇଟଲ୍ ବଜାୟ ରଖି ଐତିହାସିକ ରେକର୍ଡ କରିଛି । ଅନ୍ୟ ପଟରେ କମ୍ପାଉଣ୍ଡ୍ ମିକ୍ସଡ୍ ଟିମ୍ ଇଭେଣ୍ଟରେ ଜ୍ୟୋତି ଓ ପ୍ରିୟାଂଶ ଯୋଡ଼ି ଫାଇନାଲ୍ରେ ପରାଜିତ ହୋଇ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି ।
ମହିଳା କମ୍ପାଉଣ୍ଡ୍ ଟିମ୍ ଇଭେଣ୍ଟ ଫାଇନାଲ୍ରେ ଭାରତ ୨୩୨-୨୨୬ ପଏଣ୍ଟରେ ତୁର୍କୀ ଦଳକୁ ପରାସ୍ତ କରିଥିଲା । ମହିଳା ଦଳ ପୂର୍ଣ୍ଣ ଆଧିପତ୍ୟ ବଜାୟ ରଖିବା ସହ ସ୍ୱର୍ଣ୍ଣ ପଦକ ଭେଟି ଦେଇଥିଲେ । ଗତ ବିଶ୍ୱକପ୍ ଷ୍ଟେଜ୍-୧ ଏବଂ ୨୦୨୩ ବିଶ୍ୱକପ୍ ଷ୍ଟେଜ୍-୪ ରେ ମଧ୍ୟ ମହିଳା ଦଳ ଅପ୍ରତିଦ୍ୱନ୍ଦ୍ୱୀ ସାବ୍ୟସ୍ତ ହୋଇଥିଲେ । ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ଭାରତୀୟ ମହିଳା ଦଳ କ୍ରମାନ୍ୱୟରେ ୬ଟି ସ୍ୱର୍ଣ୍ଣ ପଦକ ଜିତିବାରେ ସଫଳ ପାଇଛି । ବିଶ୍ୱ ମାନ୍ୟତା ତାଲିକାରେ ଦଳ ଏକ ନମ୍ବର ସ୍ଥାନରେ ରହିଛି । ଭାରତର ସବୁଠୁ ସଫଳ ତୀରନ୍ଦାଜ ଭାବେ ପ୍ରମାଣିତ କରିଥିବା ଜ୍ୟୋତିଙ୍କର ଏହା ଅଷ୍ଟମ ବିଶ୍ୱକପ୍ ସ୍ୱର୍ଣ୍ଣ ପଦକ ରହିଥିଲା । ଗତ ୩ବର୍ଷ ମଧ୍ୟରେ ସେ ସମସ୍ତ ପଦକ ଜିତିଛନ୍ତି । ବିଶ୍ୱକପ୍ରେ ଜ୍ୟୋତି ଇତିମଧ୍ୟରେ ୧୯ଟି ପଦକ ଜିତି ସାରିଲେଣି । କମ୍ପାଉଣ୍ଡ୍ ମିକ୍ସଡ୍ ଟିମ୍ ଫାଇନାଲ୍ରେ ଜ୍ୟୋତି ଅଳ୍ପକେ ସ୍ୱର୍ଣ୍ଣ ପଦକରୁ ବଞ୍ଚିତ ହୋଇଥିଲେ । ପ୍ରିୟାଂଶଙ୍କୁ ସାଥି କରି ଖେଳିଥିବା ଜ୍ୟୋତି ଫାଇନାଲ୍ରେ୧୫୩-୧୫୫ରେ ଆମେରିକୀୟ ଯୋଡ଼ିଙ୍କ ନିକଟରୁ ହାରି ରୌପ୍ୟରେ ସନ୍ତୁଷ୍ଟ ହୋଇଥିଲେ । ଗତ ବିଶ୍ୱକପ୍ ଷ୍ଟେଜ୍-୧ର ସାଙ୍ଘାଇରେ ସେ ଅଭିଷେକ ବର୍ମାଙ୍କୁ ସାଥୀ କରି ସ୍ୱର୍ଣ୍ଣ ପଦକ ହାସଲ କରିଥିଲେ ।
