ତେଲ୍‌ ଅଭିଭ୍‌କୁ ସମସ୍ତ ଉଡ଼ାଣ ବାତିଲ କଲା ଏୟାର ଇଣ୍ଡିଆ, ଯାତ୍ରୀଙ୍କୁ ମିଳିବ ରିଫଣ୍ଡ୍‌

ମଧ୍ୟ-ପୂର୍ବର କିଛି ଅଞ୍ଚଳରେ ବଢ଼ୁଥିବା ଉତ୍ତେଜନାକୁ ଦୃଷ୍ଟିରେ ରଖି ଏୟାର ଇଣ୍ଡିଆ ତତ୍କାଳ ପ୍ରଭାବରେ ଇସ୍ରାଏଲର ତେଲ ଅଭିଭ ଯାଉଥିବା ଏବଂ ଆସୁଥିବା ନିଜର ସମସ୍ତ ଉଡ଼ାଣକୁ ବାତିଲ କରିଛି । ଆଗାମୀ ନୋଟିସ ପର୍ଯ୍ୟନ୍ତ ଏହି ସେବା ବନ୍ଦ ରହିବ ବୋଲି ଏୟାରଲାଇନ୍ କହିଛି । ଏୟାର ଇଣ୍ଡିଆ କହିଛି ଯେ ପରିସ୍ଥିତି ଉପରେ ଏହା ଲଗାତାର ନଜର ରଖିଛି ।

ଏୟାରଲାଇନ୍‌ ତେଲ ଅଭିଭ୍‌ ଯାଉଥିବା ଏବଂ ସେଠାରୁ ଆସୁଥିବା କନ୍‌ଫର୍ମ ବୁକିଂ ଯାତ୍ରୀମାନଙ୍କୁ ରିଫଣ୍ଡ୍‌ ମଧ୍ୟ ଅଫର୍‌ କରିଛି । ଏୟାରଲାଇନ୍‌ କହିଛି ଯେ ଆମର ଅତିଥି ଏବଂ କ୍ରୁ ସଦସ୍ୟଙ୍କ ସୁରକ୍ଷା ହେଉଛି ଆମ ପାଇଁ ସର୍ବୋଚ୍ଚ ପ୍ରାଥମିକତା ।

ଏୟାର ଇଣ୍ଡିଆ ଅଧିକ ସୂଚନା ପାଇଁ ଏକ ହେଲ୍ପଲାଇନ ନମ୍ବର ମଧ୍ୟ ଜାରି କରିଛି । ଯାତ୍ରୀମାନେ 011-69329333 କିମ୍ବା 011-69329999 କୁ କଲ୍‌ କରି ଅଧିକ ସୂଚନା ପାଇପାରିବେ । ଟାଟା ଗ୍ରୁପ୍ ମାଲିକାନା କମ୍ପାନୀ ଏହା ପୂର୍ବରୁ ରାଜଧାନୀ ଦିଲ୍ଲୀରୁ ତେଲ ଅଭିଭ୍‌କୁ ନିଜର ସମସ୍ତ ସେବା ଅଗଷ୍ଟ ୮ ପର୍ଯ୍ୟନ୍ତ ସ୍ଥଗିତ ରଖିଥିଲା ।

The post ତେଲ୍‌ ଅଭିଭ୍‌କୁ ସମସ୍ତ ଉଡ଼ାଣ ବାତିଲ କଲା ଏୟାର ଇଣ୍ଡିଆ, ଯାତ୍ରୀଙ୍କୁ ମିଳିବ ରିଫଣ୍ଡ୍‌ appeared first on KNews Odisha.