ଦକ୍ଷିଣ ପରେ ଏବେ ଉତ୍ତର ଭାରତ ମୁହାଁ କରୋନାର ନୂଆ ଭାରିଏଣ୍ଟ, ବିଶେଷଜ୍ଞ କହିଲେ ସମସ୍ତେ ହୋଇ ଯାଆନ୍ତୁ ସାବଧାନ

ନୂଆଦିଲ୍ଲୀ,୧୧।୧: ଏବେ ସାରା ବିଶ୍ୱରେ କରୋନା ସଂକମ୍ରମଣ ବଢିବାରେ ଲାଗିଛି। ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚଓ)ର ରିପୋର୍ଟ ଅନୁଯାୟୀ, ଡିସେମ୍ବର ୨୦୨୩ରେ ଓମିକ୍ରନର ନୂତନ ସବ-ଭାରିଆଣ୍ଟ ଜେଏନ.୧ହେତୁ କରୋନା ସଂକ୍ରମଣ କେବଳ ବିଶ୍ୱରେ ବୃଦ୍ଧି ପାଇନାହିଁ, ବରଂ ୧୦ ହଜାରରୁ ଅଧିକ ଲୋକଙ୍କ ମୃତ୍ୟୁ ମଧ୍ୟ ହୋଇଛି। ଏକ ମାସ ମଧ୍ୟରେ ସଂକ୍ରମଣ ମଧ୍ୟ ରେକର୍ଡ କରିଛି। ଯାହାର ଅର୍ଥ ହେଉଛି ଏହି ନୂତନ ଭାରିଏଣ୍ଟ ବିଶ୍ୱ ପାଇଁ ଏକ ବଡ ବିପଦ ଭାବରେ ଉଭା ହେଉଛି। ଅନେକ ଦେଶରେ ସଂକ୍ରମଣ ମାମଲା ଏତେ ବେଗରେ ବଢୁଛି ଯେ ସେଠାରେ ଥିବା ବିଶେଷଜ୍ଞମାନେ ମଧ୍ୟ କରୋନାର ଅନ୍ୟ ଏକ ସମ୍ଭାବ୍ୟ ତରଙ୍ଗକୁ ନେଇ ଆଶଙ୍କା ପ୍ରକାଶ କରୁଛନ୍ତି।
ଯଦି ଆମେ ଭାରତରେ ସଂକ୍ରମଣର ପରିସ୍ଥିତିକୁ ଦେଖିବା, ଏହା ସ୍ପଷ୍ଟ ଯେ ଏଠାରେ ମଧ୍ୟ ଗତ ଦେଢ ମାସ ମଧ୍ୟରେ କରୋନା ମାମଲାରେ ବହୁତ ବୃଦ୍ଧି ଘଟିଛି। ଗତ ଏକ-ଦୁଇ ସପ୍ତାହ ପାଇଁ, ପ୍ରତିଦିନ ହାରାହାରି ୫୦୦-୬୦୦ ନୂତନ କରୋନା ସଂକ୍ରମିତ ରୋଗୀଙ୍କର ଡାଟା ପଞ୍ଜିକୃତ ହେଉଛି।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଗୁରୁବାର (ଜାନୁଆରୀ ୧୧) ରେ ଶେୟାର କରିଥିବା ତଥ୍ୟ ଅନୁଯାୟୀ, ଗତ ୨୪ଘଣ୍ଟା ମଧ୍ୟରେ ତିନି ଜଣଙ୍କ ମୃତ୍ୟୁ ସହିତ ୫୧୪ ଟି ନୂଆ ମାମଲା ରୁଜୁ ହୋଇଛି। ଏହା ବ୍ୟତୀତ ରିପୋର୍ଟରେ ଦର୍ଶାଯାଇଛି ଯେ ନୂତନ ଭାରିଏଣ୍ଟ ବର୍ତ୍ତମାନ ଉତ୍ତର ଭାରତ ଆଡକୁ ଗତି କରୁଛି, ଯାହାକୁ ନେଇ ସ୍ବାସ୍ଥ୍ୟ ବିଶେଷଜ୍ଞମାନେ ଉଦବେଗ ପ୍ରକାଶ କରିଛନ୍ତି।

The post ଦକ୍ଷିଣ ପରେ ଏବେ ଉତ୍ତର ଭାରତ ମୁହାଁ କରୋନାର ନୂଆ ଭାରିଏଣ୍ଟ, ବିଶେଷଜ୍ଞ କହିଲେ ସମସ୍ତେ ହୋଇ ଯାଆନ୍ତୁ ସାବଧାନ appeared first on Dharitri Odia News.