ଦଶନ୍ଧିରେ ୧୭ କୋଟି ଭାରତୀୟ ଦାରିଦ୍ର୍ୟରୁ ମୁକ୍ତ, ନିଯୁକ୍ତିକୁ ନେଇ ପ୍ରଶଂସା କଲା ବିଶ୍ୱବ୍ୟାଙ୍କ

ନୂଆଦିଲ୍ଲୀ: ଗୋଟିଏ ଦଶନ୍ଧି ମଧ୍ୟରେ ୧୭ କୋଟି ଲୋକଙ୍କୁ ଦାରିଦ୍ର୍ୟରୁ ମୁକ୍ତ କରିଛି ଭାରତ। ଦାରିଦ୍ର୍ୟ ଦୂରୀକରଣ ଏବଂ ନିଯୁକ୍ତି କ୍ଷେତ୍ରରେ ଭାରତର ପ୍ରଗତିକୁ ଉଚ୍ଚ ପ୍ରଶଂସା କରିଛି ବିଶ୍ୱ ବ୍ୟାଙ୍କ । ବିଶ୍ୱ ବ୍ୟାଙ୍କ ରିପୋର୍ଟ ଅନୁଯାୟୀ, ଭାରତ ୧୭ କୋଟି ଲୋକଙ୍କୁ ଦାରିଦ୍ର୍ୟରୁ ମୁକ୍ତ କରିଛି, ଯାହା ବିଶ୍ୱ ସ୍ତରରେ ଏକ ପ୍ରମୁଖ ସଫଳତା। ଏହା ସହିତ, ଭାରତରେ ନିଯୁକ୍ତି ଅଭିବୃଦ୍ଧି ବର୍ତ୍ତମାନ ଦେଶର କର୍ମଜୀବୀ ବୟସର ଜନସଂଖ୍ୟା ତୁଳନାରେ ଦ୍ରୁତ, ଯାହା ଯେକୌଣସି ବିକାଶଶୀଳ ଦେଶ ପାଇଁ ଏକ ସକାରାତ୍ମକ ସଙ୍କେତ।

ବିଶ୍ୱ ବ୍ୟାଙ୍କର ସଦ୍ୟତମ ରିପୋର୍ଟ ଅନୁଯାୟୀ, ଭାରତ ୨୦୧୧ରୁ ୨୦୨୨-୨୩ ମଧ୍ୟରେ ୧୭୧ ନିୟୁତ ଲୋକଙ୍କୁ ଅତ୍ୟନ୍ତ ଦାରିଦ୍ର୍ୟରେ ଥିବା ଲୋକ ଦାରିଦ୍ର୍ୟରୁ ମୁକ୍ତ ହୋଇଛନ୍ତି। ଯାହାଙ୍କୁ ଦିନକୁ ଆୟ ଥିଲା ମାତ୍ର ୧୮୩ ଟଙ୍କା। ଏହି ସମୟ ମଧ୍ୟରେ, ଦେଶର ଚରମ ଦାରିଦ୍ର୍ୟ ହାର ୧୬.୨% ରୁ ମାତ୍ର ୨.୩% କୁ ହ୍ରାସ ପାଇଛି। ଏହା ଭାରତକୁ କେବଳ ନିମ୍ନ-ମଧ୍ୟମ ଆୟ ବର୍ଗରେ ଆଣିନଥିଲା ବରଂ ବିଶ୍ୱ ଦାରିଦ୍ର୍ୟ ଦୂରୀକରଣ କ୍ଷେତ୍ରରେ ଏକ ଉଦାହରଣ। ଗ୍ରାମାଞ୍ଚଳରେ ଦାରିଦ୍ର୍ୟ ୧୮.୪%ରୁ ୨.୮% ଏବଂ ସହରାଞ୍ଚଳରେ ୧୦.୭%ରୁ ୧.୧%କୁ ହ୍ରାସ ପାଇଛି, ଯାହା ଫଳରେ ଗ୍ରାମାଞ୍ଚଳ-ସହରାଞ୍ଚଳ ମଧ୍ୟରେ ପାର୍ଥକ୍ୟ ମାତ୍ର ୧.୭% ରହିଛି। ଦୈନିକ ୩୧୧ ଆୟରେ, ଦାରିଦ୍ର୍ୟ ହାର ୬୧.୮%ରୁ ହ୍ରାସ ପାଇ ୨୮.୧% ହୋଇଛି। ୩୭୮ ନିୟୁତ ଲୋକ ଦାରିଦ୍ର୍ୟ ସୀମାରୁ ବାହାରକୁ ଆସିଛନ୍ତି।

ପାଞ୍ଚଟି ସର୍ବାଧିକ ଜନସଂଖ୍ୟା ବିଶିଷ୍ଟ ରାଜ୍ୟ ଉତ୍ତର ପ୍ରଦେଶ, ମହାରାଷ୍ଟ୍ର, ବିହାର, ପଶ୍ଚିମବଙ୍ଗ ଏବଂ ମଧ୍ୟପ୍ରଦେଶରେ ସର୍ବାଧିକ ଦାରିଦ୍ର୍ୟ ହ୍ରାସ ପାଇଛି। ୨୦୧୧-୧୨ ବର୍ଷରେ, ଦେଶର ୬୫ ପ୍ରତିଶତ ଅତ୍ୟନ୍ତ ଗରିବ ଲୋକ ଏହି ରାଜ୍ୟଗୁଡ଼ିକରେ ଥିଲେ। ଏଗୁଡ଼ିକ ୨୦୨୨-୨୩ ସୁଦ୍ଧା ମୋଟ ଦାରିଦ୍ର୍ୟ ହ୍ରାସର ଦୁଇ-ତୃତୀୟାଂଶ ରହିଛି।

୨୦୨୧-୨୨ ପରଠାରୁ ନିଯୁକ୍ତି ଅଭିବୃଦ୍ଧିର ହାର କାର୍ଯ୍ୟକ୍ଷମ ବୟସର ଜନସଂଖ୍ୟା ତୁଳନାରେ ଅଧିକ ରହିଛି। ସହରାଞ୍ଚଳ ବେକାରୀ ହାର ୭.୮% ରୁ ହ୍ରାସ ପାଇ ୬.୬% (ଆର୍ଥିକ ବର୍ଷ ୨୦୨୪-୨୫ର ପ୍ରଥମ ତ୍ରୈମାସିକ), ଯାହା ୨୦୧୭-୧୮ ପରଠାରୁ ସର୍ବନିମ୍ନ। ମହିଳାଙ୍କ ଆତ୍ମନିଯୁକ୍ତି ମଧ୍ୟ ବୃଦ୍ଧି ପାଇଛି। ତଥାପି, ଯୁବ ବେକାରୀ ହାର ଏବେ ବି ୧୩.୩% ରହିଛି।