ଦିଲ୍ଲୀର କାରଖାନାରେ ଭୟାବହ ଅଗ୍ନିକାଣ୍ଡ, ଚାଲିଗଲା ୪ ଜୀବନ

ନୂଆଦିଲ୍ଲୀ ୨୫।୦୬; ଦିଲ୍ଲୀର ରିଠାଲାର କାରଖାନାରେ ଭୟଙ୍କର ଅଗ୍ନିକାଣ୍ଡ ଘଟିଛି। ଦେଖୁ ଦେଖୁ  ସମଗ୍ର ଅଞ୍ଚଳରେ କଳା ଧୂଆଁର ଦୃଶ୍ୟମାନ ହେଲା। ଏହି ଘଟଣାରେ ୪ ଜଣଙ୍କର ମୃତ୍ୟୁ ହୋଇଛି। ଅଗ୍ନିଶମ ବିଭାଗ ଅନୁଯାୟୀ, ସକାଳ ୭:୨୫ ସମୟରେ ରିଠାଲାର ଏକ କାରଖାନାରେ ଅଗ୍ନିକାଣ୍ଡ ଘଟିଥିବା ସୂଚନା ପାଇ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଯାହା ପରେ ନିଆଁକୁ ନିୟନ୍ତ୍ରଣ କରିବା ପାଇଁ ଏଡିଓ ଅଜୟ ଶର୍ମାଙ୍କ ନେତୃତ୍ୱରେ ୧୬ଟି ଅଗ୍ନିଶମ ଗାଡ଼ି ଘଟଣାସ୍ଥଳକୁ ପଠାଯାଇଥିଲା।

ନିକଟରେ ଏକ ଆବାସିକ ଅଞ୍ଚଳ ଅଛି । ଯେଉଁଠାରେ ନିୟମ ପାଳନ ନକରି ଅନେକ କାରଖାନା ଚାଲୁଅଛି। ଯାହାର କ୍ଷତି ନିରୀହ ଲୋକମାନେ ବହନ କରୁଛନ୍ତି। ସୂଚନା ଅନୁଯାୟୀ, କାରଖାନା ଅଗ୍ନିକାଣ୍ଡରେ ୪ ଜଣଙ୍କର ମୃତ୍ୟୁ ହୋଇଛି। କିଛି ଲୋକ ଆହତ ହୋଇଥିବା ମଧ୍ୟ ସୂଚନା ମିଳିଛି।କାରଖାନାର କାନ୍ଥ ଭାଙ୍ଗିବା ପାଇଁ ଜେସିବି ମେସିନର ସାହାଯ୍ୟ ମଧ୍ୟ ନିଆଯାଉଛି ଯାହାଦ୍ୱାରା ଅନ୍ୟ ପାର୍ଶ୍ୱରୁ ମଧ୍ୟ ନିଆଁ ଉପରେ ପାଣି ଢାଳି ହେବ। ବର୍ତ୍ତମାନ ଅଗ୍ନିଶମ ବିଭାଗର କର୍ମଚାରୀମାନେ ରିଲିଫ ଏବଂ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡ଼ି ନାହିଁ।

ଦିଲ୍ଲୀ ଅଗ୍ନିଶମ ସେବା (ଡିଏଫଏସ) ମୁଖ୍ୟ ଅତୁଲ ଗର୍ଗ କହିଛନ୍ତି ଯେ ଘଟଣାଟି ସନ୍ଧ୍ୟା ପ୍ରାୟ ୭.୨୫ ସମୟରେ ରିଠାଲା ମେଟ୍ରୋ ଷ୍ଟେସନ ନିକଟସ୍ଥ ଏକ ପରିସରରୁ ରିପୋର୍ଟ କରାଯାଇଥିଲା। ଗର୍ଗ କହିଛନ୍ତି ଯେ ନିଆଁକୁ ନିୟନ୍ତ୍ରଣ କରିବା ପାଇଁ ଘଟଣାସ୍ଥଳକୁ ୧୬ଟି ଦମକଳ ଗାଡ଼ି ପଠାଯାଇଥିଲା। ସେ କହିଛନ୍ତି ଯେ ନିଆଁକୁ ନିୟନ୍ତ୍ରଣ କରିବା ପାଇଁ ପ୍ରୟାସ ଜାରି ରହିଛି।